ඉන්දියාවේ, බටහිර බෙංගාලයේ, සීඝ්රගාමී මගී දුම්රියක් පීලි පැනීමෙන්, 12 දෙනෙකු ජීවිතක්ෂයට පත්වූහ. තුවාල ලැබූ ගණන 50 කි. තුවාල ලැබූ 10 දෙනකුගේ තත්ත්වය බරපතල බවත්, මරණ තවත් ඉහළ යා හැකි බවත් ඉන්දීය මාධ්ය වාර්තා කළේය. දුම්රිය පීලී පැනීම සිදුවූයේ ඊයේ (13) සවසය.
පිලී පැනීමට ලක් වූයේ 'ගුවහාතී-බිකනේර්' සීඝ්රගාමී දුම්රියයි. දුම්රිය පීලි පැනීමට ලක්වූයේ බටහිර බෙංගාලයේ ජල්පිගූර් දිස්ත්රික්කයේ මයිනගූරි නගරයට ආසන්නයේය. දුම්රිය ගුවහාතී නුවර බලා ධාවනය වෙමින් තිබුණි.ෙ
පීලි පැනීමට ලක්වෙද්දී, දුම්රිය මැදිරි කීපයක් විසි වී එක පොදියට ගොඩ ගැසුණු බවත්, තුවාල ලබා ඒවා තුළ සිරවුණු මගීන් බේරා ගැනීමට මහත් පරිශ්රමයක් දැරීමට සිදුවුණු බවත්, ඉන්දීය දුම්රිය කටයුතු ආමාත්ය අෂ්විනී වෛශ්යනාව් මාධ්ය හමුවේ පසුව නිවේදනයක් නිකුත් කරමින් පැවැසීය.
දුම්රිය මාර්ගයෙන් පිටතට විසිවුණු මැදිරි තුළ සිරවුණු මගීන් මුදා ගැනීමට 'ගෑස් කටර්ස්' කැපුම් යන්ත්ර යොදා ගැනීමට පවා සිදුවුණු බව ද වාර්තා වේ.
තුවාල ලැබූවන්ගෙන් 16 දෙනකු කඩිනමින් මයිනගූරි රෝහලට යැවුණු බවත්, සෙසු සුළු තුවාලකරුවන් බටහිර බෙංගාල ශික්ෂණ රෝහල ඇතුළු රෝහල් කීපයකට යැවුණු බවත් වාර්තා වේ.
අනතුර සැලවුණු සැණින් දුම්රිය මාර්වල දුම්රිය ධාවනය අත්හිටවුණු බවත්, තුවාලකරුවන් මුදා ගැනීමට තවත් දුම්රිය දෙකක් අනතුර සිදුවුණු ස්ථානයට කඩිනමින් යැවුණ බවත් ඉන්දීය මාධ්ය වාර්තා සඳහන් කර තිබේ.
අනතුරින් මියගිය අය වෙනුවෙන් ඔවුන්ගේ පවුල්වල සාමාජිකයන්ට ඉන්දීය රුපියල් ලක්ෂ 5 ක් ද බරපතල තුවාල ලැබූවන්ට ලක්ෂයක් සහ සුළු තුවාලකරුවන්ට ඉන්දීය රුපියල් 25,000 ක් ලබා දෙන බව ඉන්දීය දුම්රිය දෙපාර්තමේන්තුව පවසා ඇත.
අනතුර සිදුවෙද්දී, ඉන්දීය අග්රාමාත්ය නරේන්ද්ර මෝදි, ප්රාන්ත මහ ඇමැතිවරුන් සමඟ හදිසි හමුවක් පවත්වමින් සිටියේය. ඒ, ඉන්දියාවේ දිනෙන් දින ඉහළ යන 'කොවිඩ් 19' වසංගතය හේතුවෙනි. එම හමුවට බටහිර බෙංගාල මහ ඇමැතිනී මමතා බෙනර්ජි ද සහභාගී වී සිටියාය.
දුම්රිය අනතුර ගැන දැන ගැනීමෙන් පසු ඉන්දීය අග්රාමාත්යවරයා සහ බටහිර බෙංගාල මහ ඇමැතිනිය අතරේ ඒ සම්බන්ධයෙන් විශේෂ කතාබහක් ද පැවැත්විණි.
මහ ඇමැතිනිය ජල්පයිගූරි දිස්ත්රික් මහේස්ත්රාත්වරයාට ඇමතුමක් දී අනතුර සම්බන්ධයෙන් සියලු විස්තර දැනගෙන ඒ සියල්ල අග්රාමාත්ය මෝදිට පැවැසුවාය. අනතුර සම්බන්ධයෙන් ඉන්දීය අග්රාමාත්ය මෝදි ට්විටර් පණිවුඩයක් හරහා ශෝඛය පළ කර තිබේ.
(එන්.ඩී.ටීවී)
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
බ්රිතාන්යයේ ඔටුන්න හිමි විලියම් කුමරුන්ගේ බිරිඳ මෙන්ම, වේල්සයේ කුමරිය යන ගෞරව නාමයෙන් ද හැඳින් වෙන, කේට් මිඞ්ල්ටන් කුමරියට චාල්ස් රජුගේ ප්රසංශා හ
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ඊශ්රායල හමුදා බුද්ධි අංශ ප්රධානී මේජර් ජනරාල් ඇරොන් හලීවා ඉල්ලා අස්විය. හමුදා බුද්ධි අංශ ප්රධානියා මෙසේ ඉල්ලා අස් වූයේ පසුගිය ඔක්තෝබර් 7 වැනිදා ඊශ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දීය දුම්රියක් පීලි පැනලා