'කොවිඩ් 19' හෙවත් නව කොරෝනා වයිරසය ඉන්දියාවේ ඔඩුදුවද්දී, ඒ ගැන කිසිදු තැකීමක් නොකර ප්රාන්ත මැතිවරණ ජයග්රහණය වෙනුවෙන් අවධානය යොමු කළැයි ඉන්දීය අග්රාමාත්ය නරේන්ද්ර මෝදි ප්රමුඛ භාරතීය ජනතා පක්ෂයට චෝදනා එල්ල වීමට පටන්ගෙන තිබේ.
ඉන්දියාවෙන් විකෘති වයිරස ප්රභේද හමුවෙද්දී, සෞඛ්ය අංශ ඒ බව මෝදි රජයට දැනුම් දී ඇතැයි පැවැසෙන්නේ පසුගිය මාර්තු මුල සතියේය.
කෙසේ නමුත් එම අවස්ථාවේදී ආසාදිතයන් විශාල වශයෙන් අඩුවීමක් පෙන්නුම් කළ බැවින්, මෝදි රජය කොරෝනා වයිරසය ගැන කිසිදු තැනීමක් නොකර, ජනතාව ඒකරාශීකරමින්, දැවැන්ත මැතිවරණ රැලි සංවිධානය කළ බවටත්, ලක්ෂ ගණනින් සහභාගී වූ කුම්බමේලා වැනි හින්දු ආගමික උත්සවවලට අනුග්රහය ලබා දුන් බවටත් මෝදි රජයට චෝදනා එල්ල වී ඇත.
ඉන්දියාවෙන් ලක්ෂ 3 ඉක්මවා ආසාදිතයන් වාර්තා වීමට පටන්ගත්තේ විකෘති කොරෝනා වයිරස නිසාත්, ජනතාව නිසි සෞඛ්ය උපදෙස් පිළිනොපැදීම නිසාත් යැයි සෞඛ්ය බලධාරීන්ගේ අදහසය.
මේ වනවිට ඉන්දියාවේ අවුරුදු 18 ට වැඩි සැමට එන්නත් ලබා දීම ආරම්භ වී ඇති නමුත් රට තුළ එන්නත් හිඟයක් ද පවතින බව ප්රාන්ත බලධාරීහු පෙන්වා දෙති.
මෝදිගේ මධ්යම රජය පවසා ඇත්තේ එසේ එන්නත් හිඟයක් නොමැති බවය. කොරෝනා වසංගතය මැද මැතිවරණ පැවැත්වීම සිදුවූයේ ඉන්දියාවේ තමිල්නාඩු, පුදුචෙරී, කේරළය, බංගාලය සහ ඇසෑමය යන ප්රාන්තවලය. ඒ, පසුගිය මාර්තු 27 වැනිදා සිට අප්රේල් 29 දක්වා ය. ඡන්ද ගණන් කිරීම සහ ප්රතිඵල නිකුත් කිරීම ඊයේ (3) සිදුවිය.
අග්රාමාත්ය මෝදිගේ භාරතීය ජනතා පක්ෂය තනිවම හෝ සෙසු ප්රාන්ත දේශපාලන පක්ෂ සමඟ සන්ධානගත වෙමින් මැතිවරණයට ඉදිරිපත් වුණු අතර, භාරතීය ජනතා පක්ෂයට ජයග්රහණයක් හිමිවූයේ ඇසෑම් ප්රාන්තයෙන් පමණි. භාරතීය ජනතා පක්ෂය මෙවර බටහිර බෙංගාල මැතිවරණයට ඉදිරිපත් වූයේ තතිවමය. ඒ, බෙංගාල මහ ඇමැතිනී මමතා බෙනර්ජිගේ ත්රිණමූල කොංග්රසයට අභියෝග කරමිනි.
මහ ඇමැතිනියගේ ආධාරකරුවන් බොහෝ දෙනකු පවා තම පක්ෂයට හරවා ගැනීමට ද භාරතීය ජනතා පක්ෂය සමත් වී සිටියේය. කෙසේ නමුත් ප්රතිඵල නිකුත් වෙද්දී, මහ ඇමැතිනී මමතා බෙනර්ජිගේ ත්රිණමූල් කොංග්රසය ජයග්රහණය කළේ ආසන 214 ක් දිනා ගනිමිනි. බටහිර බෙංගාල ප්රාන්ත සභාව ආසන 294 කින් සමන්විත අතර, බහුතරය සඳහා ආසන 148 ක් දිනා ගත යුතුව තිබුණි.
ත්රිණමූල් කොංග්රසයට අභියෝග කළ භාරතීය ජනතා පක්ෂයට දිනා ගැනීමට හැකිවූයේ ආසන 77 ක් පමණි. තමිල්නාඩු ප්රාන්තය මැතිවරණයට භාරතීය ජනතා පක්ෂය එක් වී සිටියේ හිටපු මහ ඇමැතිනී අභාවප්රාප්ත ජයලලිතාගේ 'ඕල් ඉන්දියා අන්නා ද්රවිඩ් මුනේත්ර කසාගම්' (ඒ.අයි.ඒ.ඩී.එම්.කේ.) පක්ෂය සමඟ සන්ධානගත වෙමිනි.
කෙසේ නමුත්, මෙවර මැතිවරණයේ දී ආසන 146 කට වඩා දිනා ගනිමින් ජයග්රහණය කළේ ප්රධාන විපක්ෂය ලෙස කටයුතු කළ හිටපු මහ ඇමැති අභාවප්රාප්ත කරුණානිධිගේ 'ද්රවිඩ මුනේත්ර කසාගම්' (ඩී.එම්.කේ) පක්ෂයයි. අග්රාමාත්ය මෝදි ප්රමුඛ භාරතීය ජනතා පක්ෂය ඇසෑම් ප්රාන්තයේ බලය තහවුරු කර ගැනීමට සමත් වූයේ ආසන 76 කට වඩා දිනා ගනිමිනි.
ඇසෑම් ප්රාන්ත සභාව ආසන 126 කින් සමන්විතය. භාරතීය ජනතා පක්ෂය ට අභියෝගයක් වූයේ කොංග්රස් පක්ෂයෙනි. කොංග්රස් පක්ෂයට ආසන 48 ක් හිමිවිය. කේරළයේ ප්රාන්ත වාමාංශික පක්ෂ බලය හිමිකරගත් අතර, භාරතීය ජනතා පක්ෂයේ සහාය ලැබුණු සෙසු දේශපාලන පක්ෂවලට කිසිදු ආසනයක් දිනා ගැනීමට හැකිවූයේ නැත.
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
බ්රිතාන්යයේ ඔටුන්න හිමි විලියම් කුමරුන්ගේ බිරිඳ මෙන්ම, වේල්සයේ කුමරිය යන ගෞරව නාමයෙන් ද හැඳින් වෙන, කේට් මිඞ්ල්ටන් කුමරියට චාල්ස් රජුගේ ප්රසංශා හ
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දීය අගමැති මෝදිට දොස්