මෙම සටහනට පාදක වන්නේ යූටියුබ් හරහා දකින්න ලැබෙන වීඩියෝ දසුන් පෙළකින් ලබා ගත් ඡායාරූප කිහිපයකි. ඡායාරූපවල දකින්න ලැබෙන්නේ, තරුණියක ජංගම දුරකථනයක් කනේ තියා ගෙන පාර දිගේ කතා කරමින් යන අයුරුය. අද මෙවැනි දසුන් අප රටේ ගමක පාරක වුණත් බහුලව දකින්න ලැබේ. ඒත් පුදුමය නම් මෙම දසුන් කැමරාවට හසු කරගෙන ඇත්තේ මීට අවුරුදු 79කට පෙර වීමය.
මෙම දසුන්වල දකින්න ලැබෙන තරුණිය ඇමෙරිකානු ජාතික තරුණියක වන අතර, ඇයට වර්තමානයේ අප භාවිත කරන සෙල්ෆෝනයක් ලැබුණේ කෙසේ ද යන්න සැබෑම අබිරහසකි. මේ රූප පෙළ අන්තර්ජාලයේ යූටියුබ් හරහා නැරැඹීමට ද ඕනෑම අයකුට අවස්ථාව හිමිවී ඇති අතර, මෙම වීඩියෝ දසුන් මේ වනවිට ලක්ෂ පහකට වැඩි වාර ගණනක් සංසරණය වී ඇතැයි ද පැවසෙයි.
එක් යූටියුබ් පරිශීලකයෙක් පවසා ඇත්තේ මෙම දසුන්වල සිටින තරුණිය තම මී මිත්තණිය කියාය. ඇයගේ අතේ ඇත්තේ ලොව පළමු සෙල්ෆෝන් යන්ත්රය බව ද ඔහු පැහැදිලි කරයි. තරුණිය ඇමරිකාවේ මැසචුසෙට්ස්වල ලියෝමින්ස්ටර්හි ඩුපොන්ට් සන්නිවේදන උපකරණ තැනූ කම්හලක සේවිකාවක ලෙස කටයුතු කළ අතර, දසුන්වල දැක්වෙන්නේ ඇය සේවය අවසන් කරමින් පිටවී යන අවස්ථාවකි. ලියෝමින්ස්ටර්හී ඩුපොන්ට් සමාගම මීට අවුරුදු 75කට පෙර සෙල්ෆෝන් නිෂ්පාදනයට අත ගැසූ බවත්, මෙහි ඇත්තේ සැබැවින්ම සෙල්ෆෝන් උපාංගයක මූලාකෘතියක් බවත් ඔහු වැඩිදුරටත් කියා සිටී.
මෙම යූටියුබ් පරිශීලකයා ‘ප්ලැනට්චෙක්’ යන අන්වර්ථ නාමයෙන් අන්තර්ජාලයට පිවිසෙන අයෙකි. ඔහු මෙසේ අදහස් දක්වා සිටී. “මේ දසුන් පෙළේ ඉන්න තරුණිය ගර්ට්රූඩ් ජෝන්ස්. ඇය මගේ මීමිත්තණිය. රූප පෙළ කැමරාවට නඟන කාලේ එයාට වයස අවුරුදු 17යි. මං මේ ගැන ඇගෙන් ඇහුවා. එයාට මේ ගැන හොඳ මතකයක් තිබුණා. ඇය රැකියාව කළේ ඩුපොන්ට් සමාගමේ කර්මාන්ත ශාලාවේ, ටෙලිෆෝන් නිෂ්පාදන අංශයේ. ඒ අය රැහැන් රහිත දුරකථන නිපදවන්නට අත්හදා බැලීම් කර තිබෙනවා. මගේ මීමිත්තණියටයි තවත් කාන්තාවන් පස් දෙනකුටයි, සතියක කාලයකට අත්හදා බලන්න මේ සෙල්ෆෝන් ආයතනයේ ප්රධානීන් ලබා දී තිබෙනවා. ඇගේ දසුන් පටිගත කිරීමට ලක් වෙද්දී ඇය සේවා ආයතනයේ විද්යාඥයකුට කතා කරමින් ඇවිද යමින් සිටියා. එම විද්යාඥයත් ඒ වනවිට ඇයට මඳක් ඈතින් දකුණු පසින් ගමන් කරමින් ඇගේ කතාවට කන් දෙමින් සිටිනවා.”
‘ප්ලැනට්චෙක්’ කී කරුණුවල නිවැරදි බව සොයා බලා තහවුරු කරන්න කවුරුවත් ඉදිරිපත් වී නැත. එහෙයින්, කැමැති අයට ඔහු කී දේ පිළිගැනීමට අවස්ථාව ඇත. එසේ නැතිනම්, මෙය අරුමයක් හෝ අබිරහසක් හෝ කියන්නට ද හැකියාව ඇතැයි මේල් ඔන්ලයින් පුවත් වෙබ් අඩවිය මේ ගැන සටහනක් පළ කරමින් පවසා තිබේ.
1938 දී ගත් මෙම රූප රාමු පෙළ පමණක් නොව, සෙල්ෆෝනයකින් කතා කරන කාන්තාවක් සිටින දසුන් පෙළක්, 1928 දී නිර්මාණය වුණු චාලි චැප්ලින් චිත්රපටයක ද දකින්න ලැබේ. එපමණක් නොව, මේ අයුරින් තව තවත් අනාගත දැක්මක් සටහන් කළ අතීත සිද්ධි රැසක් ද වාර්තා වී තිබේ. ඒ අතර, චීනයේ පුරාවිද්යාඥයන් මවිත කළ සොයා ගැනීමක් ද තිබේ. චීනයේ සැංන්ග්සි ප්රාන්තයේ පුරාවිද්යා කැනීම්වලින් විද්යාඥයන්ට කුඩා ලෝහ පතුරක් හමු විය. පුදුමය නම්, එහි හැඩය හරියටම නවීන ස්විස් ඔරලෝසුවක අනුරුවක් වැනි යැයි පැවැසෙයි. එපමණක් නොව, එහි වේලාව සටහන් වී ඇත්තේ 10:06 යනුවෙනි.
ලුසිත ජයමාන්න
ඩේලිමේල් ඇසුරිනි
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මේ ලොව පළමු සෙල් ෆෝනය ද ?