කෙනෙකුගේ උපත හා ජීවන පැවැත්ම ද මරනය ද පෙර කරන ලද කර්මය අනුව සිදු වන බව ජ්යොතිෂය මෙන්ම බුදු දහම ද පෙන්වා දී ඇත. මහමායා දේවිය දුටු සිහිනය විග්රහ කළ ශාස්ත්ර දත් බමුණා විසින් හෙළි කරන ලද්දේ පිංවත් කුමරකු දේවිය කුස පිළිසිඳගත් බවය. ගන්ධබ්යකු යම් මව් කුසෙක පිළිසිඳ ගන්නේ පෙර කරන ලද පව් පිං අනුවය. ග්රහයන් බළවත්ව පිහිටි මොහොතක දරුවකු කෘතිමව බිහි කර ගැනීම නිෂ්ඵල ක්රියාවක් වනු ඇත. දරුවකුගේ උපතේ ග්රහ පිහිටීම අනුව ඔහු කුමන ලෝකයක සිට මනු ලොව බිහිවූවා දැයි පැහැදිලිව දැක්විය හැකි අවස්ථා ද වේ.
දහම් තැන පති සොඳ
උස් රැස බලව සිටි සඳ
මනුලොවට බට කෙනෙකි දනුසඳ
ජ්යොතිෂ රත්න සිතුමිණ බුදු උපතේ මෙය පැහැදිලිව දක්නට ඇත.
උපදින අවස්ථාවේ පිහිටින ග්රහ බල අනුව කෙනෙකුගේ ජීවිතය ද බල හෝ දුබල වනු ඇත. මේ සඳු හැර සෙසු ග්රහයන් බලවත්ව කේන්ද්ර ගතව හෝ ත්රිකෝණ ගතව උත්පත්තිය ලබන ඇය හට ‘‘පංච මහා පුරිස’’ යෝගය ද ඇති වන බවක් ඔවුහු සාමාජයේ බළවත් අය වන බවත් පැරණි ඉසිවරුන් විසින් දන්වා ඇත. එසේම උපෙත් දී පිහිටන ඇතැම් ග්රහ යෝග අනුව ද සය ඉසුරු හා ධන සම්පත් ලබන බව ද හෙළිවේ.
යමෙකුගේ කේන්ද්රයේ මේෂ රාශියේ රවි හා කුජ ද, වෘෂභ රාශියේ සඳු හා කිවිඳ මකර රාශියේ ශනි කුජ ද, කන්යා රාශියේ බුද හා රාහු ද, කටක රාශියේ ගුරු හා සඳු ද මීන රාශියේ කිවි හා පුරුදු, තුලා රාශියේ ශනි හා කිවිද, මිථුන රාශියේ බුද හා රාහු ද යන ග්රහ සංයෝග ඇති විට හෙතෙම ධනවත් බව ලබා ප්රසිද්ධියට පත් වන බව ද කියා තිබේ. විද්රාස්ථනෙය වූ පස් වැන්නේ බුද බළවත්ව පිහිටීම භාෂා ශාස්ත්ර හැදෑරීමට හොඳ යෝගයක් බව කියැවෙන අතර, ගුරු වැනි ග්රහයකු එහි තැන්පත් වීමෙන් පණ්ඩිතයෙන් යුත් අයකු වනු ඇත. ගුරු වෘත්තිය, නීතිය හා පරිපාලනය කෙරෙහි යහපත් පිහිටීමක් ද වන බව කියැවේ.
යුවති රැසේ යෙදුනෝතින් සිසිපුත්
පුවත සිල්ප දරමින් විය පොෙහාසත්
දියත ඉසුරු ලැබ සේනා පිරිසත්
අමන විදුරු යෝගය අප මුනිලත්
ජාතක රත්නය
ලග්නාධිපති ලග්න ගතව උපදින අය උසස් පෞරුෂයෙන් හෙබි නිරෝගී අය වන බවත්, සිවු වැන්න බළවත් වීමෙන් යාන වාහන ඉඩකඩම් ගේ දොර ආදිය ලබන බවත් සත්වැන්නාධිපති එහි බලවත්ව සිටීමෙන් උසස් යුග දිවියකට හිමිකම් ලබන බව හා දස වැන්නාධිපති එහිම බලවත්ව සිටීමෙන් උසස් රැකියාවකට හිමිකම් ඇති බවත් දැක්වේ. මෙම ස්ථානවල ගුරු හා සිකුරු වැනි ශුභ ග්රහයන් සිටීම හා දැකීම ද යහපත් බව දැක්වේ.
කේන්ද්රයක අටවැන්න මාරක ස්ථානයයි. එහි සිටින ග්රහයාගේ හෝ අටවැන්න අධිපතියාගේ හෝ දශ අනු දශා වලදී හෝ කෙනකුගේ මරණය සිදු විය හැකි බව දක්වා ඇත. එසේම අට වැන්නට පීඩා කරන ග්රහයාට අනුව මරණය සිදු වන බව කියා තිබේ. කේන්ද්රයක 2, 5, 8, 11 යන ස්ථානවල සිටින ග්රහයෝ අට වැන්න පීඩා කරති. යුරේනස් අට වැන්නට පීඩා කරති. යුරේනස් අට වැන්නට පීඩා කෙරේ නම් පක්ෂ ඝාත ෙහා් මීමැස්මුර වැනි ලෙඩකින්ද, නැප්චුන් නම් තේරුම් ගත නොහැකි රෝගයකින්ද, නැති නම් දුක් පීඩාවෙන්ද, රවි නම් උණ රෝගයකින්ද, කුජ නම් ලේ සෙලවීමකින්ද, එසේම කුජ සිටියේ කටක, වෘශ්චික, මීන සහ ජල රාශියක නම් දියේ ගිලීමෙන් ද, මිථුන, තුලා, කුම්භ වැනි වායු රාශියක නම් හෘදයාබාධයකින්ද, බුද නම් සෙම් අමාරු වැනි රෝගයකින්ද මරණය සිදු විය හැකි බව දක්වා ඇත. ගුරු සිකුරු, සඳු වැනි ග්රහයකු අටවැන්නට පීඩා කෙරේ නම් ඉතා සාමකාමී මරණයක් විය හැකි බව ද දක්වා තිබේ.
සම්භාව්ය ජ්යොතිෂ ග්රන්ථ ඇසුරිණි
විශ්රාමලත් විදුහල්පති (ශ්රී.ලං.වි.සේ 1) පාරම්පරික ජ්යොතිෂවේදී
ඇම්.ඩී.ඊ. සුමනරත්න
‘උදය’’ හොරවල වැලිපැන්න.
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
උපත ජීවිතය හා මරණය ජ්යෝතිශයෙන් කියන්න පුළුවන්