කැරකෙන ලෝකෙ
ශ්රීමත් වින්ස්ටන් ලෙනාඩ් ස්පෙන්සර් චර්චිල් බ්රිතාන්යයේ සිටි අගමැතිවරයෙකි. 1940 සිට 1945 දක්වාත්, 1951 සිට 1855 දක්වාත් අගමැති ධුරය හෙබවූ ඔහු දෙවැනි ලෝක යුද්ධයේදී බ්රිතාන්යය ජයග්රහණය දක්වා මෙහෙයවීය. ශ්රීමත් චර්චිල් දේශපාලනඥයකු පමණක් නොව නොබෙල් ත්යාගය හිමිකරගත් ලේඛකයෙකි.
වින්ස්ටන් චර්චිල්ගේ බිරිය වූයේ ක්ලෙමන්ටයින් ස්පෙන්සර් චර්චිල්ය. තම බිරියට රහසින් චර්චිල් වෙනත් කාන්තාවක සමඟ සබඳතාවක් පවත්වන ලදැයි 1930 ගණන්වල රාවයක් පැතිර ගිය ද එය සනාථ කළ හැකි සාක්ෂියක් සොයාගත නොහැකි විය.
දසක ගණනකට පසු චර්චිල්ගේ ආදර සම්බන්ධය කරළියට පැමිණ තිබේ. ඒ ඔහුගේ පෞද්ගලික ලේකම්වරයා වූ සර් ජෝන් කොල්විල්ගේ පටිගත කරන ලද සම්මුඛ සාකච්ඡාවක් තුළිනි.
සර් ජෝන් කොල්විල් මියගියේ 1987 දීය. මිය යාමට වසර දෙකකට පමණ ඉහත කේම්බ්රිජ් විශ්වවිද්යාලයේ ලේඛනාරක්ෂකයකු සමඟ ඔහු මෙම සිදුවීම හෙළිදරව් කර තිබේ. චර්චිල්ගේ පෙම්වතිය වූයේ ඩොරිස් කාසල්රෝස් නම් කාන්තාවකි. ඔවුන්ගේ පෙම් සබඳතාව 1933 සිට 1937 අතර කාලයේ පැවැති අතර මැක්සීන් එලියට් නම් නිළියක සතුව දකුණු ප්රංශයේ තිබූ මාලිගයකදී දෙදෙනා නිතර හමු වී තිබේ.
ඇය මතකයේ රඳවා ගැනීම සඳහා චිත්ර ශිල්පියකු ලවා ඩොරිස්ගේ උඩුකය චිත්ර දෙකක් ද චර්චිල් විසින් නිර්මාණය කර එම මාලිගයේ තැන්පත් කරන ලදැයි පැවැසේ.
1934 දී චර්චිල් විසින් ඩොරිස්ට ලියන ලද ලිපියක් එක්ස්ටර් විශ්වවිද්යාලයේ මහාචාර්ය රිචඩ් ටෝයේ විසින් සොයා ගෙන තිබිණි. එහි චර්චිල් ඩොරිස්ට මෙලෙස ලියා තිබේ.
“මැක්සීන්ගේ නිවෙසේදී අප දෙදෙනා කෙතරම් සතුටු වී ද? මට ඔබ හමුවීම කෙතරම් සුන්දර ද? ඔබ මට මහඟු ආශිර්වාදයක් මෙන්ම මහද පොකුණට වැටුණු හිරු රැස් දහරකි.”
වින්ස්ටන් චර්චිල් කිසි විටෙක කාමුක පුද්ගලයකු නොවූ බැව් ජෝන් කොල්විල් සඳහන් කරයි. “ඔහුගේ 60 වසරක් පමණ පැරණි විවාහ ජීවිතයට මෙම සුළු සිදුවීමෙන් බාධාවක් සිදු වූයේ නැහැ.
ඔහු දකුණු ප්රංශයේ ගත කළ කාලයේ චර්චිල් ආර්යාව ඔහු හා සිටියේ නැහැ. මෙම සම්බන්ධය ගොඩනැඟෙන්නට ඇත්තේ ඒ කාලයේ දී විය යුතුයි.”
ඩොරිස් කාසල්රෝස් ඉතා ධනවත් තාන්තාවකි. මේෆෙයාර්හි ඇය සතුව විශාල නිවෙසක් තිබූ අතර ගමන් බිමන් ගියේ මිල අධික රොල්ස්රොයිස් රථයකිනි. ඇයට දැසිදස්සන් විශාල පිරිසක් සිටියාය. ඇය තම පාවහන් මිලට ගත්තේ ප්රංශයෙන් හෝ ඉතාලියෙනි. ඒවා කෙතරම් මිල අධික වුව ද දෙතුන් වතාවකට වඩා පරිහරණය නොකළාය. ඇය පෙම්වතුන් කිහිප දෙනකු ඇසුරු කළ කාන්තාවක බව පැවැසේ.
පෙම් සබඳතාව බිඳ වැටීමෙන් පසු ඔවුන් දෙපළ 1942 දී ඇමෙරිකාවේදී යළි හමු වූහ. එහිදී ඇය තම උඩුකය සිතුවම්වල හිමිකාරීත්වය තමාට ලබා දෙන ලෙසටත්, ඒවා රැගෙන යාමට බ්රිතාන්යයට පැමිණීමට අවශ්ය කටයුතු සම්පාදනය කරන ලෙසත් තම පැරණි පෙම්වතාගෙන් ඉල්ලා සිටියාය. එම සිතුවම් වැරදි පුද්ගලයකු අත පත් වුවහොත් ඇමෙරිකා එක්සත් ජනපදය හා මහා බ්රිතාන්යය අතර සබඳතාවට බලපෑමක් ඇතිවිය හැකි යැයි එවිට චර්චිල් ඇයට අනතුරු අඟවා තිබේ.
මෙම සම්බන්ධය ඉව වැටුණු චර්චිල්ගේ පුත්රයකු වූ රැන්ඩොල්ෆ් චර්චිල් වරින් වර ඇයට ඇනුම්පද එල්ල කළ බව ද පැවැසේ. කෙසේ වුව ද 1942 ඇමෙරිකාවේදී චර්චිල් හමුවී දෙමසකට පසු ඩෝචෙස්ටර් හෝටලයේදී ඖෂධ අධිමාත්රාවෙන් ගැනීමෙන් ඩොරිස් මරණයට පත් වූවාය.
මෙම වීඩියෝ පටයේ දැක්වෙන කරුණු සත්ය බවට ඩොරිස් කාසල්රෝස්ගේ මිනිබිරියක හා නිරූපිකාවක වන කැරොලයින් ඩිලීවිං විසින් ද සනාථ කර තිබේ. “මේ වීඩියෝ පටයෙන් පැවැසෙන කරුණු සත්යයක්. චර්චිල් ඇය බලන්නට පැමිණෙන දිනවලට මාලිගයේ සේවකයන්ට දිනෙක නිවාඩුවක් දුන්නා යැයි ඩොරිස් මගේ මව සමඟ කියා තිබුණා.” යැයි අැය පවසයි.
මෙම වීඩියෝ පටය හෙළිදරව් කරගෙන ඇත්තේ ඇබරෙස්විත් විශ්වවිද්යාලයේ ආචාර්යවරයකු වන වොරන් ඩොක්ටර් විසිනි. “මෙම වීඩියෝ පටය වසර ගණනක් පුරා රහසිගතව තිබුණා. එය කාලබෝම්බයක් බවට පත් වූයේ චර්චිල්ගේ රහසිගත සම්බන්ධය කරළියට පැමිණීමත් සමඟයි.” යනුවෙන් සඳහන් කරයි. මෙම වීඩියෝව චැනල් 4 නාළිකාව ඔස්සේ මාර්තු 4 දින රාත්රී 8ට විකාශය වීමට නියමිතය.
ඩේලිමේල් ඇසුරිනි.
ප්රියන්ජන් සුරේෂ් ද සිල්වා
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
චර්චිල්ගේ පෙම් සබඳතාවක් පිළිබඳ රහසිගත වීඩියෝවක් හමුවෙයි