(*** අංජුල මහික වීරරත්න)
“තම අරමුණ ජාතික ලැයිස්තු මන්ත්රී ධුරයෙන් පාර්ලිමේන්තුවට යෑම නොව හැකි ඉක්මනින් පක්ෂ ප්රතිසංවිධාන කටයුතු ඇරඹීම” යැයි එක්සත් ජාතික පක්ෂ නියෝජ්ය මහ ලේකම් රුවන් විජයවර්ධන මහතා මාධ්ය හමුවේ විශේෂ ප්රකාශයක් කරමින් පැවැසීය.
එක්සත් ජාතික පක්ෂ නායකත්වය භාරගැනීම සඳහා තමා සූදානම් අතර පාක්ෂිකයන්ගේ දැඩි ඉල්ලීම නිසා ඒ තීරණයට එළැඹිණැයිද රුවන් විජයවර්ධන මහතා තවදුරටත් ප්රකාශ කළේය.
එක්සත් ජාතික පක්ෂයේ 74 වැනි සංවත්සර උත්සවයෙන් පසුව පිටකෝට්ටේ, සිරිකොත පක්ෂ මූලස්ථානයේදී මාධ්යවේදීන් ඇසූ ප්රශ්නවලට පිළිතුරු දෙමින් රුවන් විජයවර්ධන මහතා මෙසේද සඳහන් කළේය.
නායකත්ව ප්රශ්නය පිළිබඳව සියලු දෙනාම සාකච්ඡාකර විසඳුමකට පැමිණීම අරමුණයි. ලබන සතියේදී ඒ ප්රශ්නය විසඳෙනු ඇතැයි මා සිතනවා.
තරුණ නායකත්වයක් අවශ්ය බව රනිල් වික්රමසිංහ නායකතුමා සඳහන් කරනවා. එතුමාත් උත්සාහ කරන්නේ සියලු දෙනා එකමුතු කරගෙන නව නායකත්වයකට බාරදීමටයි. ඒ සම්බන්ධයෙන් මේ සතියේදී යම් තීරණයක් ගනු ඇතැයි සිතනවා.
මෙහිදී මාධ්යවේදීන් ඇසූ ප්රශ්න සහ රුවන් විජයවර්ධන මහතා ඒවාට දුන් පිළිතුරු මෙසේය.
ප්රශ්නය:- පක්ෂයේ නායකත්වය ගන්න ඔබ සූදානම්ද?
පිළිතුර:- මා සූදානම්. මා රට වටේ යනවිට පාක්ෂිකයන්ගෙන් ලොකු ඉල්ලීමක් තිබෙන බව දුටුවා. මා ඉදිරිපත්වූයේත් ඒ නිසයි.
ප්රශ්නය:- කරු ජයසූරිය මහතාත් නායකත්වයට සූදානම් බව කියා තිබුණා නේද?
පිළිතුර:- අප සාකච්ඡා කර සාමදාන වී අවසානයේ නිවැරැදි පුද්ගලයා නායකත්වයට ඉදිරිපත් වේවි. ඊට සියලු දෙනාගේම එකඟත්වය අවශ්යයි.
ප්රශ්නය:- ඔබ නායකත්වයට සුදුසු නම් ජාතික ලැයිස්තුවෙන් පාර්ලිමේන්තුවට යා යුත්තේත් ඔබම නොවේද?
පිළිතුර:- ජාතික ලැයිස්තු මන්ත්රී ධුරය වෙනුවෙන් පාර්ලිමේන්තුවට නොයන බව මා පෙර සිටම කිව්වා. පාර්ලිමේන්තුවට යනවා නම් යා යුත්තේ ජනතාවගේ ඡන්දයෙනුයි. ඊට වඩා මට වුවමනාව තිබෙන්නේ පක්ෂ ප්රතිසංවිධාන කටයුතු හැකි ඉක්මනින් ඇරඹීමටයි. ජාතික ලැයිස්තුවට සුදුස්සෙක් ඉදිරියේදී පත්කර යවනවා.
ප්රශ්නය:- දහනව වැනි ව්යවස්ථා සංශෝධනය ඉවත්කර විසිවැනි සංශෝධනය ගෙන එන්න හදනවා. ඒ ගැන මතය කුමක්ද?
පිළිතුර:- අප 19 වැනි ව්යවස්ථා සංශෝධනය ගෙන ආවේ මෙරට ප්රජාතන්ත්රවාදය ආරක්ෂා කරන්නයි. දැන් ක්රියාත්මක වන ක්රියාවලිය ප්රජාතන්ත්රවාදයට පයින් ගැසීමක්. එක්සත් ජාතික පක්ෂය ලෙස අප ඊට විරුද්ධයි.
දහනව වැනි සංශෝධනය ආරක්ෂා කළ යුතුයි. ඉදිරියේදී අප ඒ වෙනුවෙන් පක්ෂයක් ලෙස සටන් කරනවා යැයිද කීය.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මගේ අරමුණ පක්ෂ ප්රතිසංවිධානය කඩිනමින් ඇරඹීමයි
VINIVIDA Wednesday, 09 September 2020 09:32 PM
පාර්ලිමේන්තුව තුළ සත්ය වශයෙන්ම සිටිය යුතු පුද්ගලයා නම් එක්සත් ජාතික පක්ෂයේ නායක හිටපු අගමැති රනිල් වික්රමසිංහ මැතිතුමාම වේ. කෙසේනමුත් පරාජිතයින් හට ජාතික ලැයිස්තු මන්ත්රී ධුරය ලබා නොදෙන ප්රතිපත්තියක පක්ෂය සිටින්නේ නම් මංගල සමරවීර සුදුසු නැතිද? පාර්ලිමේන්තුව තුළදී හොඳින් බැට් කළ හැකි කෙනෙකු යැවිය යුතුවේ...