(ඩයනා උදයංගනී)
කොවිඩ් අතරමැදි ප්රතිකාර මධ්යස්ථාන සහ නිරෝධායන මධ්යස්ථාන ලෙස පවත්වාගෙන ගිය ගුරු විද්යා පීඨ කිහිපයක නේවාසිකාගාරයන්හි තිබූ සිසුන්ගේ පොත් පත්, ඇඳුම් පැළඳුම් ආදිය විනාශවීම සම්බන්ධයෙන් සොයාබලා සිසුන්ට සාධාරණයක් කිරීම වෙනුවට එම තොරතුරු හෙළිදරව් කළ සිසුන්ට එරෙහි විනය පියවර ගැනීමට විද්යාපීඨ පාලනාධිකාරයන් පියවර ගනිමින් සිටින බවට එම සිසුහු චෝදනා කරති.
මෙම විනය පරීක්ෂණ අනිද්දා (8) සිට ආරම්භ වන බව එම විද්යාපීඨ ආරංචි මාර්ග පවසයි.
පුලතිසිපුර, රුවන්පුර, සියනෑ ආදී විද්යාපීඨවල පවත්වාගෙන ගිය නිරෝධායන මධ්යස්ථානවල රැඳී සිටි ඇතැම් පිරිස් විසින් විනාශ කිරීම නිසා එම සිසුන්ට විශාල පාඩුවක් සිදුව ඇති බවත්, එසේ විනාශ වී ඇත්තේ ඇතැමුන්ගේ දෙමාපියන් ණය වී රැගෙන දුන් භාණ්ඩ බවත් ඔවුහු පවසති.
එබැවින් සිසුන්ට සාධාරණයක් කරන්නැයි ඉල්ලා සිටිය ද පීඨාධිපතිවරුන් ඒ සම්බන්ධයෙන් සිසුන් සමඟ සාකච්ඡා කිරීම පවා ප්රතික්ෂේප කරන තත්වයක් මතුව ඇති බව සිසුහු සඳහන් කරති.
සීමිත සිසුන් පිරිසකට හෝ මේ ගැන සාකච්ඡාවකට අවස්ථාවක් දී තමන්ට සාධාරණයක් කරන්නැයි අධ්යාපන බලධාරීන්ගෙන් තමන් ඉල්ලා සිටින බවද සිසුහු පවසති.
විද්යා පීඨයක කථිකාචාර්යවරයකු ලංකාදීපයට පැවසුවේ තම විද්යා පීඨයේ පමණක් කෝටි එකහමාරක පමණ දේපල නිරෝධායනය වූ පිරිස් විසින් විනාශ කර ඇති බවයි.
මේ සිදුකළ හානිය වෙනුවෙන් එක් සිසුවකුට අවම වශයෙන් රුපියල් 20,000ක හෝ වන්දියක් ලබාදීම සුදුසු බව ඔහු සඳහන් කළේය.
ඇතැම් සිසුන්ගේ පොත්පත් ආදිය ද විනාශ කර දමා ඇති බවත්, එයින් සිසුන්ට සිදුවූ පාඩුව පියවීම පවා කළනොහැකි බවත් එම ආචාර්යවරයා කීවේය.
මේ සම්බන්ධයෙන් ලංකාදීපය කළ විමසුමකදී අධ්යාපන අමාත්යාංශයේ ප්රකාශකයෙක් පැවසුවේ පුලතිසිපුර විද්යාපීඨයෙන් හැර සෙසු විද්යාපීඨවලින් මෙවැනි හානි සිදුකිරීමක් ගැන අමාත්යාංශය වෙත පැමිණිලි ලැබී නොමැති බවයි.
පුලතිසිපුර විද්යාපීඨයේ විනාශයක් සිදුවූ බව පිළිගන්නේ යැයි කී එම ප්රකාශකයා එම හානිය සම්බන්ධයෙන් පියවරක් ගන්නා ලෙස නිරෝධායන මධ්යස්ථාන පවත්වාගෙන ගිය යුද හමුදාව වෙත අධ්යාපන අමාත්යාංශ ලේකම්වරයාගේ අත්සනින් ලිඛිතව දැනුම් දී තිබෙන බව ද ඔහු පැවසීය.
අනෙකුත් විද්යාපීඨවල එතරම් හානියක් වී නොමැති බව පීඨාධිපතිවරුන් පවසා ඇතැයිද එම ප්රකාශකයා කීවේය.
කෙසේ වෙතත් විද්යාපීඨවලින් පැමිණිල්ලක් ලැබුණොත් සොයාබලා පියවර ගත හැකි බව ඔහු සඳහන් කළේය.
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විද්යාපීඨ සිසුන්ගෙන් පාලනාධිකාරියට චෝදනාවක්
අප්පුහාමි Monday, 06 December 2021 06:54 PM
සිසුන් බියට පැමිණිලි කරන්නෙ නැහැ. පීඨාධිපතිලා තනතුරු රැකගෙන සිටීමට බොරු කියනවා ඇත්තටම මේවාට මෙම ස්ථාන දෙනවිට සැලසුම් කිරීමෙන් තොරව හම්බන්තොට ගුවන් තොටේ වී ගබඩා කලා වගේ වැඩ කලාම ඔහොම වෙනවා නිළධාරින් ගේ ප්රකාශ නින්දිතයි.දැන් ආරංචි ලැබිලා නිසා අමාත්යාංශයේ නිළධාරින් පරීක්ෂා කරල සිසු සිසුවියන් සදහා සාධාරණයක් කලොත් හොදයි
Sunil Tuesday, 07 December 2021 07:22 AM
ලිඛිතව දැනුම් දුන්නාම සියල්ල හරි යයි. සෙවණ දෙන ආයතනත් විනාශ කරන ජාතියක් අපි...