(මනෝප්රිය ගුණසේකර)
මහ බැංකු බැඳුම්කර වෙන්දේසියේදී රුපියල් කොටි 150 ක බැඳුම්කර සම්බන්ධයෙන් සාපරාධී විශ්වාසය කඩ කළ බවට හිටපු මුදල් අමාත්ය රවි කරුණානායක ඇතුළු විත්තිකරුවන්ට එරෙහි නඩුවේ විභාග ලබන අප්රේල් 27 වනදා ආරම්භ කිරීමට ත්රිපුද්ගල මහාධිකරණ විනිසුරු මඩුල්ල අද (26) තීරණය කළේය.
මහාධිකරණ විනිසුරුවරුන් වන අමල් රණරාජා, නාමල් බලල්ලේ සහ ආදිත්ය පටබැඳිගේ යන මහත්වරුන්ගෙන් සමන්විත විනිසුරු මඩුල්ල එලෙස තීරණය කළේය.
මෙම බැඳුම්කර වංචාව සම්බන්ධයෙන් විත්තිකරුවන්ට එරෙහිව නීතිපතිවරයා විසින් මුලින් චෝදනා විසි දෙකක් යටතේ නඩු පවරනු ලැබූවත් විත්තිය වෙනුවෙන් ගෙනා මූලික විරෝධතාවක් පිළිගත් ත්රිපුද්ගල විනිසුරු මඩුල්ල චෝදනා 11කින් මවුන් නිදොස් කොට නිදහස් කිරීම නිසා ඉතිරි චෝදනා 11 යටතේ වූ මෙම නඩුව විභාග කිරීමට විනිසුරු මඩුල්ල එලෙස තීරණය කළේය .
2016 මාර්තු මස 31 වනදා ශ්රී ලංකා මහ බැංකුව සිදුකල බැඳුම්කර වෙන්දේසියකදී රුපියල් බිලියන 15 ක් වටිනා බැඳුම්කර සම්බන්ධයෙන් සාපරාධී විශ්වාසය කඩ කළ බවට විත්තිකරුවන්ට එරෙහිව නීතිපතිවරයා විසින් චෝදනා ඉදිරිපත් කොට ඇත.
මෙලෙස චෝදනා නගා ඇත්තේ හිටපු මහ බැංකු අධිපති අර්ජුන් මහේන්ද්රන්, හිටපු මුදල් අමාත්ය රවි කරුණානායක, පර්පචුවෙල් ට්රෙෂරීස් සමාගමේ අධ්යක්ෂ වරුන් වන ජෙෆ්රි ඇලෝසියස්, අර්ජුන ඇලෝසියස් ඇතුළු විත්තිකරුවන් දස දෙනෙකුට එරෙහිවය.
නඩුව කැඳවූ අවස්ථාවේදී පමිනිල්ල වෙනුවෙන් පෙනී සිටි නියෝජ්ය සොලිසිටර් ජනරාල් ප්රියන්ත නාවාන මහතා කරුණු දක්වමින් විත්තිකරුවන්ට එරෙහිව පොදු දේපළ පනත යටතේ ගොනුකර තිබූ චෝදනා 11 පවත්වාගෙන යාමට නොහැකි බවට මෙම අධිකරණය දුන් තීන්දුවට එරෙහිව අභියාචනාධිකරණය ඇපෑලක් ඉදිරිපත් කොට ඇතැයි පැවසීය.
එම ඇපෑල ලබන 21 වන දා සලකා බැලීම සඳහා කැඳවීමට නියමිතව ඇති හෙයින් එදිනෙන් පසුව මෙම නඩුව කැඳවීමට නියම කරන්නැයි ඉල්ලා සිටියේය.
විත්තිකරුවන් වෙනුවෙන් පෙනී සිටි නීතිඥවරු කරුණු ඉදිරිපත් කරමින් අධිකරණයට සුදුසු යැයි හැඟෙන ඕනෑම නියෝගයක් කරන්නයි දැනුම් දුන්නේය.
ඉදිරිපත් වූ කරුණු සලකා බැලූ විනිසුරු මඩුල්ල ඉතිරි වී ඇති චෝදනා 11 පිළිබඳ විභාගය අප්රේල් මස 27, 28 සහ 29 යන දිනවල පැවැත්වීමට තීරණය කළේය.
කල්පිටියේ දූපත් පහක් බද්දට ගත් ආයෝජකයන් පස්දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම හැර ඇතැයි ජාතික විගණන කාර්යාලය
ලෝකයේ අති නවීනම තාක්ෂණය සහිත අඹේවෙල කිරි ගොවිපොළ සමූහයේ සංවර්ධන කටයුතු පිළිබඳ සොයා බැලීමට ජනාධිපති රනිල් වික්රමසිංහ මහතා අද (20) පෙරවරුවේ එහි නිරීක්ෂ
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රවිට එරෙහි බැඳුන්කර නඩුව 27 විභාගයට
bandara Wednesday, 26 January 2022 09:55 PM
ඇස්වහක්, කටවහක්, හෝවහක් නෑ. මෙතුමා සියලු දෙවි දේවතාවුන්ගේ ආනුභාවයෙන් චෝදනා වලින් නිදහස් වෙනවා...
Surain Thursday, 27 January 2022 12:21 AM
මාස 03න් 03ට ඔහොම කල්ගියාම...!
fairoos Thursday, 27 January 2022 04:18 PM
ඉතුරු නඩු 11ත් නිදහස් කරලා දැම්මොත් ඉවරයිනේ...