ලෝක මව්කිරි දීමේ සතිය යෙදී ඇති අගෝස්තු මාසය එළඹෙන්නට නියමිත මේ වකවානුවේ, මේ ගැන ඔබ හා කතා කරන්න අපි හිතුවා.
සොබාදහමේ අමිල සම්පත - මව්කිරි
අපේ රටේ උද්ගතව ඇති තත්ත්වයත් සමඟ තවත් ප්රධානතම ගැටලුවක් ලෙස පෝෂ්යදායී ආහාර පාන සපයාගැනීමේ දුෂ්කරතාව සඳහන් කළ හැකියි.
මේ තත්ත්වයටම මුහුණ දුන් ලෝකයේ අනෙක් රටවල් බොහොමයක, සමබර ආහාර වේලක් සපයාගැනීමේ අපහසුතාව නිසා විශේෂයෙන්ම කුඩා දරුවන්ගේ පෝෂණයට ඇතිවුණු දැඩි බලපෑම සුළුපටු නොවේ.
රටක් විදිහට මේ සිදුවීම අපේ අනාගතයට විශාල බලපෑමක් එල්ල කෙරේ. විශේෂයෙන්ම අඩු පෝෂණ තත්ත්ව නිසා දරුවන්ගේ අධ්යාපන කටයුතුවලට බාධා සිදු වෙනවා වගේම, ඔවුන්ගේ උපරිම බුද්ධිමය ධාරිතාවට ළඟා වෙන්නත් අසීරතා මතු වේ.
මේ නිසාම දරුවන්ට, නිසි පෝෂණය ලබා දීමට හැකි උපරිමයෙන් කටයුතු කිරීම අප සියලුදෙනාම සතු වගකීමකි.
බිළිඳෙකු සඳහා සඳහා වැදගත්ම පෝෂණ ප්රභවයක් ලෙස මවුකිරි සඳහන් කළ හැකියි. දරුවාට මුල් මාස හයේ මවු කිරි පමණක් ලබා දීමත්, ඉන් පසු අමතර ආහාර සමඟ අවුරුදු දෙක දක්වාත්, ඉන් නතුරුවත් මවු කිරි දීම නිරෝගී දරුවෙක් සමාජයට දායාද කිරීමේ මූලික අඩිතාලමයි.
හොඳ සෞඛ්ය සාක්ෂරතාවක් තියෙන ජනතාවක් විදිහට මවුකිරිවල තියෙන වටිනාකම ඉහළය. ළදරුවකුට අවශ්ය කරන නිවැරදි පෝෂණය ලබාදීමට අමතරව දරුවෙකුගේ ප්රතිශක්තිය වර්ධනය කරන්න ඒ වගේම සමහර දීර්ඝ කාලීන රෝග වලින් වැලකීමට සහ දරුවා සහ මව අතර නිසි බැඳීමක් ඇති කර ගැනීමට මවුකිරි දීම ඉතාම වැදගත්. මේ නිසාම, කිරි දෙන වයසේ දරුවෙකු සිටින මවකට ඊට අදාළ සියලූම පහසුකම් සහිත වටපිටාවක් සකස් කිරීමට පවුලක් සමාජයක් ලෙස අපට වගකීමක් ඇත. මේ වනවිටත් ඇතැම් රාජ්ය මෙන්ම පුද්ගලික ආයතන තම සේවිකාවන් අතුරින් කිරිදෙන මවුවරු සිටීනම් ඔවුන්හට මවු කිරි දීමට අවශ්ය පහසුකම් සපයා තිබෙනු දැකීම සතුටට කරුණකි. එය ඉදිරියේදී සියලුම ආයතන පරිශ්ර තුළද පැතිරෙනු ඇතැයි අපි විශ්වාස කරමු.
කිරි දෙන මවකට නිසි පෝෂණය සහිත ආහාර වේලක් ලැබීමත් වැදගත්. මේ දිනවල අප මුහුණ දී තිබෙන ආර්ථික අර්බුදය නිසා එවන් ආහාර වේලක් සපයා ගැනීම අපහසු බවක් දැනිය හැකියි. එහෙත් මිලෙන් අඩු දේශීයව සොයාගත හැකි සමහර පෝෂ්යදායී ආහාර වර්ග ආහාරයට හැකි තරම් එකතු කර ගැනීමට උත්සාහ දැරිය යුතුයි. එවිට පෝෂණ අවශ්යත සපුරා ගත හැකියි.
ඒ වගේම කිරි දෙන මවකට අවශ්ය කරන මානසික පසුබිම නිවසේදි වගේම සේවය කරන ස්ථානයේදිත් ලැබෙනවා නම් එයත් මවුකිරි දීම අඛණ්ඩව කරගෙන යෑමට ඇයට විශාල පිටුබලයති.
ඉතින් රටක් විදිහට, පවත්නා තත්වයක් කළමණාකරණය කරගනිමින් ඉදිරියට යන අතරම අපේ දරුවන්ගේ පෝෂණය සහ නිසි වර්ධනය ගැන නිසි අවධානයක් සමාජයක් විදිහට ලබා දීම මේ අවස්ථාවේදී අපි හැමෝගෙම වගකීමක් බව මතක් කර සිටිමු.
(සෞඛ්ය ප්රවර්ධන කාර්යාංශයේ තොරතුරු ඇසුරිණි)
-සටහන- මාධවී ධර්මරත්න
පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩ කිරීමේ සිද්ධියක් සම්බන්ධයෙන් අත්අඩංගුවට ගත් ප්රවීණ උසස් පෙළ සිංහල දේශක උපුල
ඇතැම් රාජ්ය නිලධාරීන්ගේ වැරැදි තීන්දු තීරණ නිසා රජයටත් ජනතාවටත් විශාල පාඩු සිදු වෙන බව නාගරික සංවර්ධන හා නිවාස අමාත්ය ප්රසන්න රණතුංග මහතා පවසයි.
අමාත්යවරයෙකු ලෙස කටයුතු කළ සමයේ අයථා ක්රම වලින් උපයාගත් රුපියල් කෝටි දෙකාහමාරකට අධික මුදලක් වියදම් කොට බොරැල්ල කින්සි පාරෙන් සුඛෝපභෝගී නිවසක් මිල
කාදිනල් හිමිපාණන් එල්ල කළ ප්රධාන චෝදනා හතරම ප්රතික්ෂේප කරන බව ප්රකාශ කරමින් හිටපු ජනාධිපති ගෝඨාභය රාජපක්ෂ මහතා නිවේදනය නිකුත් කර තිබේ.
යාපනය තරුණයින් පිරිසක් විසින් වාර්ෂිකව සිදුකරනු ලබන පොර පොල් තරඟයක් වෙනුවෙන් ක්රීඩා කිරීම සඳහා පොල් ගෙඩි කිහිපයක් වෙන්දේසි කිරීමේදී එක් පොල් ගෙඩිය
අයිටීසී රත්නදීප හෝටල් සහ සුපිරි නිවාස ව්යාපෘතිය (ITC Ratnadipa Colombo) ජනාධිපති රනිල් වික්රමසිංහ මහතාගේ ප්රධානත්වයෙන් අද (25) විවෘත කරනු ලැබීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මවුකිරෙහි අගය