දිරාගිය දත් සඳහා ප්රතිකාර කිරීමේදී ෆ්ලෝරයිඩ් ප්රතිකාරය,ස්නායු පිරවුම සේම ,තාවකාලික පිරවුම, දතේ දිරාගිය කොටස් ඉවත් කර පිරවුම් ද්රව්ය මගින් පිරවීමද සිදුකෙරේ.
මෙම ප්රතිකාර බොහොමයක්ම රජයේ රෝහල් මගින්ද ලබා ගත හැකියි. ඇතැම් විටෙකදී අවස්ථා සීමා සහිත විය හැකියි. පුද්ගලික අංශයේදී ඉහත ප්රතිකාරවල මිල සාමාන්ය පිරවුමකසිට ස්නායු පිරවුම දක්වා යාමේදී අනුක්රමිකව ඉහළ යා හැකියි. මීට හේතු වන්නේ ප්රතිකාර නියමිත පරිදි සිදු කිරීමට වැඩි කාලයක් ගත වීම, මිල ඉහළ උපකරණ මෙන්ම අමුද්රව්ය භාවිතය සහ ඇතැම් විටෙකදී දන්ත තාක්ෂණික ශිල්පීන්ගේද සේවය ලබා ගැනීමට සිදු වීමයි.
කුඩාවට තිබුණු කුහරය පිරවීමෙදී විශාල ලෙස පාදා ගන්නේ ඇයි?
දත දිරායන ක්රමය අනුව දතේ ඉහළ ස්ථරවලදී කුඩා සිදුරක් මගින් ඇතුල් වී ඇතුළත ස්ථරවලදී දෙපසට විහිදී යයි. එමෙන්ම පවතින සිදුර වටා රෝගියාට හඳුනා ගත නොහැකි ලෙස ආසාධිත පටක කොටස් පවතී.
පිරවීමට පෙරාතුව මෙකී ආසාධිත කොටස් ඉවත් කිරීම කළ යුතු වේ. එසේ නැති වුව හොත් පිරවුමට යටින් දත තව දුරටත් දිරාපත් වීමට පටන් ගනී.
දතේ සිදුරට මුලින්ම තාවකාලික පිරවුමක් යෙදුවද ටික දිනකින් නැවත කැක්කුම හට ගැනේ. එවිට දත ගැලවීමේ අවදානම හෝ වියදම් අධික ස්නායු පිරවුමක් නිර්දේශ කරන්නේ ඇයි?
අපේ රටේ දන්ත වෛද්ය අධ්යාපනය ප්රශස්ථ මට්ටමක පවතී. වෛද්යවරුන් පුහුණුව ලබන්නේ දත ආරක්ෂා කර ගැනීමට අවැසි සියලුම පියවර ගැනීමටයි. එය ඔවුන්ගේ වගකීමද වේ. එබැවින් ගැඹුරු සිදුරු සඳහා ඖෂධීය තාවකාලික පිරවුම යොදනුයේ එහි පටක ආරක්ෂා කර දත ස්නායු පිරවීමකට ලක් නොකර ආරක්ෂා කර ගැනීමේ අවසන් උත්සාහය ලෙසිනි. ඇතැම් විටෙක එය සාර්ථක වන අතර තවත් විටෙකදී එය අසාර්ථක වී වේදනා ගෙනදිය හැකියි. එවිට ස්නායු පිරවීමකට හෝ දත ගැලවීම යන ක්රමෝපායවලට යාමට සිදු වේ.
දත් දෙපාරක් හෝ ඊට වඩා දත් මැද්දත් දිරා යාමට පටන් ගැනේ.
මෙහිදී අවශ්ය වන්නේ නිසිව සහ විධිමත්ව දත් මැදීමයි. එනම් දිනකට දෙවරක් උදෑසන සහ රාත්රියේ නිදා ගැනීමට ප්රථම දත් මැදීම අනිවාර්යයි.
දත් කැඩි කැඩී යාම
මෙය බොහෝ විට ගර්භනී අවදිය හෝ ඉන් පසුව සුලබව නගන ප්රශ්නයකි. මීට හේතු වන්නේ එ සමයේදී ආහාර රටාව, පුරුදු වෙනස් වීම සහ දන්ත සෞඛ්ය පැවැත්මේ වෙනසක් සිදු වීමයි. උදාහරණ ගත්විට මෙම කාලයේදී දත් මදින විට වමනය වැනි තත්ත්ව ඇති වීම , මුල් මාසවලදී පැණි රස ආහාර පමණක් ගැනීමට හැකි වීම දැක්විය හැකියි.
ඔබ දැනගත යුතු යමක්
ඔබගේ මුඛ සෞඛ්යය ක්රමවත්ව පවත්වා ගැනීම තුළ ස්වාභාවිකව මතු වූ දත් පෙළ නිති රැක ගත හැකි වේ. එම දත් ශක්තිමත් භාවයෙන්ද යුතු වේ. අපගේ නොසැලකිලිමත්භාවය මත දත් දිරාපත් වූ විට පටකද විනාශ වී යයි.
දත පිරවීම මගින් දිරා ගිය දත සකසා ගත හැකි නමුදු එය ඔබගේ දන්ත එනමලය තරම්ම ශක්තිමත් නොවේ. පිරවූ පිරවුම වටා නැවත දිරාපත් වී යා හැකියි. එමෙන්ම පිරවුම් ගැලවී යා හැකියි.
මීට බලපාන කාරණා
අයහපත් ආහාර පුරුදු මෙන්ම අකත්රමවත් මුඛ සෞඛ්යය දිගටම පැවතීම
දත පිරවීමෙන් පසු ලැබෙන වෛද්ය උපදෙස් නොතකා හැරීම.
පිරවුමට යොදා ගැනෙන අමු ද්රව්ය සහ ක්රමවේදවල පවතින ගැටලු තත්ත්ව
අප වඩාත් උත්සාහ දැරිය යුත්තේ නිවැරැදි මුඛ සෞඛ්යයක් පවත්වා ගැනීමටයි. ඒ අනුව සෑමමාස 06කට වරක් වත් දන්ත වෛද්යවරයකු ලබා ඔබගේ දත් පරීක්ෂාවකට යොමු වන්න. එවිට දිරා යන දත් සඳහා මූලික අවස්ථාවේදීම ප්රතිකාර සඳහා යොමු විය හැකියි. නිවැරැදි මඟ පෙන්වීමක්ද ලැබෙනු ඇති.
-සටහන- මාධවී ධර්මරත්න
දියතලාව නරියාකන්ද ෆොක්ස්හිල් මෝටර්රථ අනතුර සම්බන්ධයෙන් සැකපිට අත්අඩංගුවට ගෙන රක්ෂිත බන්ධනාගාර ගත කර සිටි තරගකරුවන් දෙදෙනා බණ්ඩාරවෙල මහේස්ත්රාත්
ගෝඨාභය පොත ලියා ඇත්තේ ඔහු විසින් කළ පව් සෝදා ගන්නට යැයි සමගි ජන බලවේගයේ කෑගල්ල දිස්ත්රික් මන්ත්රී කබීර් හෂීම් මහතා පාර්ලිමේන්තුවේ දී පැවසීය.
ඉන්දියානු ආධාර යටතේ ඉදිකෙරුණු තවත් ගම්මාන හතක් ලඟදීම ජනතා අයිතියට පත් කරන බව නාගරික සංවර්ධන හා නිවාස අමාත්ය ප්රසන්න රණතුංග මහතා පැවසීය. කොළඹ, රත්නපු
වතුකම්කරුවන්ගේ වැටුප ඉහල දැමීම පිළිබඳව රජය නිශ්චිත තීරණයක සිටින බව ජනාධිපති වෘත්තීය සමිති අධ්යක්ෂ ජනරාල් සමන් රත්නප්රිය මහතා පැවසීය.
ශ්රී ලංකා නිදහස් පක්ෂයේ වැඩ බලන සභාපති , වැඩ බලන ප්රධාන ලේකම් ලෙස පසුගිය 21 වෙනි දින තේරී පත් වූ අමාත්ය විජයදාස රාජපක්ෂ මහතාට හා සාරථි දුෂ්මන්ත මහත්ව
කොරියාවේ රැකියා ලබා දෙන බව පවසා ලක්ෂ 30 ක පමණ මුදලක් වංචා කළා යැයි චෝදනා එල්ල වී තිබෙන දමිතා අබේරත්න සහ ඇයගේ සැමියාවන ලෙන්ලි ජොන්සන් එක් අයෙකුට රුපියල් ල
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දත් පිරවීමේදී ඔබ දැනගත යුතුම කරුණු
W.A.N.S.K. wijesinghe Thursday, 16 November 2023 08:31 PM
සතුටුදායකයි
W.A.N.S.K. wijesinghe Thursday, 16 November 2023 08:33 PM
සතුටුදායකයි.