විදුලි සේවකයෝ 2021 ලෙඩ නිවාඩු දීමනා ඉල්ලති

(යොහාන් භාසුර)

ලංකා විදුලිබල මණ්ඩලයේ සේවකයන්ට මෙතෙක් නොගෙවූ 2021 වසරේ වෛද්‍ය නිවාඩු දිරිදීමනාව ලබාදෙන ලෙස එහි වෘත්තිය සමිති පාලන අධිකාරියෙන් ඉල්ලා ඇති බව වාර්තා වේ.

විදුලිබල මණ්ඩලයේ සේවකයෙක් වසරකට හිමි වෛද්‍ය නිවාඩු 21 ලබානොගත හොත් මාසික වැටුපක දිරිදීමනාවක් හිමිවන අතර ඉතිරිව තිබෙන නිවාඩු ගණන අනුව සෙසු දීමනාව තීරණ වේ.

විදුලිබල මණ්ඩලයේ සේවකයන්ට පසුගිය වසර (2022) සඳහා ප්‍රසාද දීමනාව සහ වෛද්‍ය නිවාඩු දිරිදීමනාව ද මේ දක්වා ලැබී නොමැත.

‘කොවිඩ්’ වසංගත තත්වය පැවැති 2021 වසරේ සඳහා ලංකා විදුලිබල මණ්ඩලයේ සේවකයන්ට ප්‍රසාද දීමනා ගෙවුවද වෛද්‍ය නිවාඩු දිරිදීමනාව ගෙවා නොමැති බවත් සේවකයන් වැඩි කාලයක් නිවසේ සිට කටයුතු කිරීම හේතුවෙන් එය නොගෙවූ බවත් විදුලිබල මණ්ඩලයේ උසස් නිලධාරියෙක් පැවසීය.

සේවකයන්ගේ එම ඉල්ලීමට අධ්‍යක්‍ෂ මණ්ඩලයේ අනුමැතිය මේ දක්වා ලැබී නොමැති බව කී එම නිලධාරියා ඉදිරියේදී ඒ පිළිබඳව සාකච්ඡා කිරීමට නියමිත බව ද සඳහන් කළේය.

අදහස් (6)

විදුලි සේවකයෝ 2021 ලෙඩ නිවාඩු දීමනා ඉල්ලති

Prabha Tuesday, 21 February 2023 05:03 PM

අලුත් අවුරුදු බෝනස්, නත්තල් බෝනස්... ලෙඩවෙන්නේ නැතිව හිටියට බෝනස්...

: 0 1

saliya Tuesday, 21 February 2023 06:42 PM

කාපාලුවන්...!

: 0 0

චන්දන Tuesday, 21 February 2023 07:46 PM

ලයිට් බිිල වැඩි කරන්නේ ඕකටනේ. දැන් ගෙවාපල්ලා...!

: 0 0

Gayan Tuesday, 21 February 2023 08:47 PM

අපේ බිල් වැඩි කරලා නුඹලා හැම දීමනාවක්ම අරගනිල්ලා... නුඹලාට හෙණ හතම ගහයි බලාගෙන ඉඳපල්ලා... ගෙදර හිටපු අවුරුද්දටත් සල්ලි ඉල්ලන්න බලන් ඉන්න.

: 0 0

Sujeewa Tuesday, 21 February 2023 09:58 PM

පට්ට හොරු රැල මොකටද ඒ පාර එන්නෙ? පුද්ගලික අංශයටත් වඩා පඩි අරගෙන, හොරකම් කර, පගා ගසලා, CEB ය බංකො‌ලොත් කර, මුලු රටම අඳුරේ දමා, මාස ගනම් බොනස් ලබාගත්තා මදිවට, මාස 12 පඩියට අමතරව තවත් මාසයක පඩි දෙන්නලු ලෙඩ නිවාඩු කියලා. මුන් එක්ක බලාගෙන ගියාම, ‌දේශපාලකයො කොයිතරම් වටිනවාද?

: 0 0

Bamunuarachchi Thursday, 23 February 2023 08:20 PM

පේනවා මෙදා ජනතාවගේ සල්ලි කොල්ල කාලා තිබෙන හැටි.... ගෙදර ඉඳන් මනු කියවන්න ඇති. මොවුන් හිතේ හැටියට ජනතාව හුරන් කාලා...

: 0 1