විදුලි කප්පාදුව පැය හතහමාරකට දිගුවෙයි

(යොහාන් භාසුර)

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (29) ‘ඒ’ සිට ‘එල්’ දක්වා කලාප 12 ට පැය 7 යි විනාඩි 30 ක් විදුලිය කප්පාදු කරන බව ලංකා විදුලිබල මණ්ඩලය අද (28) පස්වරු පැවසීය.

‘පී’ සිට ‘ඩබ්ලිව්’ දක්වා කලාප අටකට හෙට පැය 7 යි විනාඩි 15 ක් විදුලිය කප්පාදු කරන බව ද ලංකා විදුලිබල මණ්ඩලය කීය.

‘ඒ’ සිට ‘එල්’ කලාප 12 කට පෙරවරු 8.00 සිට පස්වරු 6.00 දක්වා දහවල් කාලයේ පැය 5 ක් ද, පස්වරු 6.00 සිට රාත්‍රී 11.00 දක්වා පස්වරුවේ පැය 2 යි විනාඩි 30 ක් ද, විදුලිය කප්පාදු කරන බවත් ලංකා විදුලිබල මණ්ඩලය කීය.

‘පී’ සිට ‘ඩබ්ලිව්’ දක්වා කලාප අටට පෙරවරු 8.30 සිට පස්වරු 6.30 දක්වා දහවල් කාලයේ පැය 5 ක් ද, පස්වරු 6.30 සිට රාත්‍රී 11.00 දක්වා පස්වරු කාලයේ පැය 2 යි විනාඩි 15 ක් ද, විදුලිය කප්පාදු කරන බව එම මණ්ඩලය වැඩි දුරටත් සඳහන් කළේය.

අදහස් (4)

විදුලි කප්පාදුව පැය හතහමාරකට දිගුවෙයි

මහසෙන් Monday, 28 March 2022 05:44 PM

එපාවෙන තරමට කලකිරුණු කාලකන්නි හැඟීමක් එන්නේ මේ රට ගැන. අවුරුදු 70ක් තිස්සේ තට්ටු මාරුවට රට මේ මූසල අන්ධකාරයට ඇද දැමූ දේශපාලු, නිලධාරින් රොත්තට ශාපවේවා...!

: 1 37

ඉන්දික Monday, 28 March 2022 05:49 PM

මේක කරන පදනම මොකක්ද? සමහර පැතිවල කපන්නේම නෑ. සමහරුන්ට වැඩිපුර කපනවා. වෙලාවට කරන්නෙත් නෑ.

: 1 30

කිරි පුතා Monday, 28 March 2022 07:09 PM

සැබෑවටම දුර්වල පාලනයක්... වර්තමානයේ පාලකයින් සහ 77න් පසු රට පාලනය කළ සියල්ලන් මීට වගකිව යුතුයි... මිනිසුන් කබලෙන් ලිපට වැටිලයි ඉන්නේ...

: 5 19

Jcn Monday, 28 March 2022 07:46 PM

කිසිදාක විදුලිය නොකැපෙන ප්‍රදේශවල පාඩුවත් හැමදාම කැපෙන ප්‍රදේශ වලින්ම මකා ගන්නවා.. හැම තැනම විදුලිය කැපෙනවා නම් පැය හතක් කපන්න වෙන්නේ නෑ. අපේ කරුමේ තමයි.

: 1 16