(සුමිත් පොතුපිටිය)

පානදුර සංචාරක හෝටලයක් තුළදී තරුණ කාන්තාවක ඝාතනය කොට වැසිකිළි වළකට දමා ඇති බවට ලද පැමිණිල්ලක් ඔස්සේ පින්වත්ත පොලිසිය අද පරීක්ෂණ ආරම්භ කළේය.

පානදුර , පින්වත්ත කීල්ස් නිවාස සංකීර්ණ පාරේ පිහිටා ඇති සංචාරක හෝටලයේ වැසිකිලි වළක් තුළ කාන්තා මළසිරුර ඇති බවට එහි හිමිකරු  කරන ලද පැමිණිල්ලක් මත පරීක්ෂණ ආරම්භ කර ඇතැයි පොලිසිය කීය.

හෝටල් කළමනාකරු විසින් දින කිහිපයකට පෙර කොළඹ ප්‍රදේශයේ සිට පානදුර හෝටලයට අදාල තරුණිය කැටුව විත් එහි තවත් සේවකයන් දෙදෙනකු සමග අවස්ථා කිහිපයකදී සමීප සම්බන්ධතා පවත්වා ඇති බවටද තොරතුරු ලැබී ඇතැයිද පරීක්ෂණ පවත්වන නිලධාරීයෙක් කීය.