මහාචාර්ය එඩ්වර්ඩ් පෙරේරා ජර්මනිය Monday, 24 December 2018 02:41 AM

මෙම ගින්න හට ගැනීමට හේතුව අහස් කුරක් බව ඒ සිද්දිය ඇසින් දුටු අයෙක් එක්තරා නාලිකාවකට ප්‍රකාශ කළ අන්දම අප අසාගෙන සිටියා. උත්සව කාලවලදී කුඩා දරුවන් පමණක් නොවෙයි වැඩිහිටියන් පවා රතිඥ්ඥා, අහස් කුරු මල් වෙඩි දෑ පත්තුකර විනෝද වීම ලොව පුරාම ප්‍රචලිත වූ දෙයක් නමුත් බොහෝ රටවල් එහි ඇති අන්තරාදායක තත්වය හා පරිසර දුෂණය ගැන සිතා මේ විනෝදාංශ සීමා කිරීම හෝ සම්පුර්ණයෙන් තහනම් කිරීමටද පියවර ගෙන තිබෙනවා. අප වාසය කරන ජර්මනියේ කොන්ස්ටන්ස් නගරයේ නගර සභාව විසින් ප්‍රකාශයට පත්කරන AMTBLATT නම් පුවත් පත දෙසැම්බර් 12 දාතමින් මුල් පිටුවේ පළකර තිබු ප්‍රවෘත්තියකට අනුව දෙසැම්බර් 31 දින රාත්‍රියේ හා නව වසර ලැබූ පසු රතිඥ්ඥා, අහස් කුරු මල් වෙඩි පත්තු කිරීම සම්පුර්ණයෙන්ම තහනම් කර ඇත. ශ්‍රී ලංකාවේ නගර සභා ජනතා මුදල් විශාල වශයෙන් වැයකර විදුලි බුබුළු කෝටි සංඛ්‍යාත ප්‍රමාණයක් දල්වා ප්‍රීතිය භුක්ති විඳින්න කටයුතු කලත් අවදානම් දේවල් වලින් ජනතාව වැලකි සිටිය යුතු බව කියා දෙන වැඩ පිළිවෙලවල් ක්‍රියාත්මක නොකිරීම් කනගාටුවක්.