( තිළිණි ද සිල්වා )
රටේ උතුරු හා නැගෙනහිර පළාත්වල ආර්ථික සංවර්ධනය සහ සංහිඳියාව සම්බන්ධයෙන් ප්රගතියක් අත් කර ගෙන තිබියදී , ශ්රී ලංකාව තෝරා ගෙන ඉලක්ක කරගත් යාන්ත්රණයක් මානව හිමිකම් කවුන්සිලය තුළ පැවතීම නුසුදුසු බව විදේශ අමාත්ය මහාචාර්ය ජී.එල්.පීරිස් මහතා විදේශ අමාත්ය මාරිස් පේන් මහත්මිය වෙත දැනුම් දුන්නේය.
එක්සත් ජාතීන්ගේ මහා මණ්ඩල සැසිවාරයේ 76 වන සැසිවාරයට පෙර විදේශ අමාත්ය මහාචාර්ය ජී.එල්. පීරිස් මැතිතුමා, ඕස්ට්රේලියානු විදේශ අමාත්ය මාරිස් පේන් මැතිනිය නිව්යෝර්ක් හිදී හමු වූ අතර, එහිදී විදේශ අමාත්යවරයා මේ බව කියා සිටියේය
දේශීය ආයතනවලට තම නියෝග ක්රියාත්මක කිරීම සඳහා අවකාශය හා අවස්ථාව ලබා දීම අවශ්ය බවත් ඕස්ට්රේලියා විදේශ අමාත්යවරියට පෙන්වා දුන් අමාත්ය ජී.එල්.පීරිස් මහතා වැඩිදුරටත් කියා සිටියේ මෙම කාර්යන් යටපත් කරන තාවකාලික බාහිර යාන්ත්රණයක් ස්ථාපිත කිරීම අනවශ්ය හා අහිතකර බවත් එක්සත් ජාතීන්ගේ ප්රඥප්තියේ මූලධර්මයන්ට පටහැනි වන බවය.
මෙම හමුවේදී ඕස්ට්රේලියා විදේශ අමාත්යවරිය ශ්රී ලංකා අග්රාමාත්යවරයා වෙත, ඔස්ට්රේලියානු අග්රාමාත්ය ස්කොට් මොරිසන් මහතාගේ ගේ උණුසුම් සුභ පැතුම් අමාත්ය ජී.එල්.පීරිස් මහතා වෙත පිරිනැමූවාය.
දෙරට අතර තානාපති සබඳතා පිහිටුවා වසර 75 ක් පිරීම නිමිත්තෙන් එළඹෙන සැමරුම් සඳහා සූදානම් වීම සම්බන්ධයෙන් අග්රාමාත්යවරයා පෞද්ගලිකව උනන්දුවක් දක්වන බව ද එහිදී ඕස්ට්රේලියා විදේශ අමාත්යවරිය සඳහන් කළාය.
ඉන් පසුව අදහස් දැක්වූ විදේශ අමාත්ය ජී.එල්.පීරිස් මහතා වෘත්තීය අධ්යාපනය පිළිබඳ ඕස්ට්රේලියාව සතු අත්දැකීම ලබා ගැනීම සඳහා ශ්රී ලංකාව දැඩි උනන්දුවක් දක්වන බව පැවසීය.
මිනිස් ජාවාරම සම්බන්ධයෙන්, මෙය මානුෂීය ඛේදවාචකයක් බවත් මෙම නීති විරෝධී ක්රියාව මැඩලීම සඳහා ශ්රී ලංකා රජය සැලකිය යුතු කාර්යභාරයක් ඉටු කර ඇති බවත් ඔහු සඳහන් කළේය.
රටේ උතුරු හා නැගෙනහිර පළාත්වල ආර්ථික සංවර්ධනය සහ සංහිඳියාව සම්බන්ධයෙන් බොහෝ ප්රගතියක් පෙන්නුම් කර ඇති බව අමාත්ය පීරිස් මැතිතුමා අමාත්ය පේන් මැතිනියට දැනුම් දුන්නේය. අතුරුදහන් වූ තැනැත්තන් පිළිබඳ කාර්යාලය, වන්දි ගෙවීමේ කාර්යාලය සහ ජාතික සමගිය හා ප්රතිසන්ධානය පිළිබඳ කාර්යාංශය හා වර්තමාන තත්වය පිළිබඳව තක්සේරු කිරීම සහ එම ක්රියාවලිය ඉදිරියට ගෙන යාම පිණිස ක්රම සහ විධි හඳුනා ගැනීම සඳහා ශ්රේෂ්ඨාධිකරණයේ විනිශ්චය කරන විනිසුරුවරයෙකුගේ නායකත්වයෙන් යුතුව කොමිෂන් සභාවක් පත් කිරීම සම්බන්ධව ද ඔහු විස්තර කළේය.
දේශීය ආයතනවලට තම නියෝග ක්රියාත්මක කිරීම සඳහා අවකාශය හා අවස්ථාව ලබා දීම අවශ්ය බවත්, මෙම කාර්යය යටපත් කරන තාවකාලික බාහිර යාන්ත්රණයක් ස්ථාපිත කිරීම අනවශ්ය හා අහිතකර බවත් අමාත්ය පීරිස් මැතිතුමා සඳහන් කළේය. ශ්රී ලංකාව තෝරා ගෙන ඉලක්ක කරගත් යාන්ත්රණයක් පැවතීම අපරිණත හා නුසුදුසු බවත්, එය එක්සත් ජාතීන්ගේ ප්රඥප්තියේ මූලධර්මයන්ට පටහැනිවන බවත් ඔහු සඳහන් කළේය.
ඕස්ට්රේලියාවේ ඉතා උණුසුම් හා සුවිශේෂී ශ්රී ලාංකික ඩයස්පෝරාවක් සිටින බව ඔස්ට්රේලියා විදේශ අමාත්යවරිය මෙහිදී ප්රකාශ කළාය.
අමාත්ය පීරිස් මහතා විසින් දක්වා ඇති ක්ෂේත්රවල, විශේෂයෙන් බුද්ධි තොරතුරු හුවමාරු කර ගැනීමේ හා අධ්යාපන ක්ෂේත්රයේ දෙරට අතර සහයෝගීතාව ඉහළ නැංවීම ඇය සාදරයෙන් පිළිගත්තාය.
ශ්රී ලංකාව සහ ඕස්ට්රේලියාව අතර උණුසුම් හා සුහද සබඳතා තවදුරටත් ඉහළ නැංවීම සඳහා සමීපව කටයුතු කිරීම සඳහා අමාත්යවරුන් දෙදෙනාම එකඟ වූහ.
පාස්කු ප්රහාරයේ ඇත්ත නැත්ත හෙළිදරව් කර ගැනීම සඳහා සමගි ජන බලවේග රජයක් යටතේ විශේෂ විමර්ශන කොමිෂන් සභාවක් ස්ථාපිත කරන බව විපක්ෂ නායක සජිත් ප්රේමදාස ම
ජාවාරම්කරුවන් පිරිසක් විශ්රාමික හමුදා නිලධාරීන් පිරිසක් රුසියාවට යුක්රේනයට යවා හමුදා සේවයට බඳවාගෙන ඇති බවට ලැබී ඇති තොරතුරක් සම්බන්ධයෙන් පොලිසිය
මහවැලි ව්යාපාරයෙන් පසුව මෙරට ක්රියාත්මක දැවැන්තම වාරි ව්යාපෘතියක් ලෙස ලක් ඉතිහාසයට එක් වෙමින් උමා ඔය බහුකාර්ය සංවර්ධන ව්යාපෘතිය ඉරාන - ශ්රී ලං
රජයන් සහ ජනාධිපතිවරුන් කිහිප දෙනෙක්ම පාස්කු ප්රහාරය ගැන පරීක්ෂණ මන්දගාමීව සිදුකරමින් චෝදනා ලැබූ නිලධාරීන් ආරක්ෂක අංශවල ඉහළ පුටුවල තබා ගනිමින් සාධ
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
ඉරාන ජනාධිපති ඊබ්රහිම් රයිසි මහතා සහ එම ආර්යාව ඇතුළු රාජ්ය දූත මණ්ඩලය කටුනායක සිට කොළඹ දක්වා ගමන් කෙරන පස්වරු 2.00 ත් 3.00 ත් අතර කාලයත් මෙරටින් පිටත්වන ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විදේශ ඇමති නිව්යෝකහීදී ඔස්ට්රේලියා විදේශ ඇමතිනිය හමුවෙයි
jagath Wednesday, 22 September 2021 10:18 AM
ඇද ඇද කිව්වට කවුරුත් අහන්නේ නැති පාටයි