කොවිඩ් -19 ආසාදනය වී සුව වූ රෝගීන්ගේ සිරුරු තුළ යළිත් වතාවක් වයිරසය සක්රීය වීමේ ප්රවණතාවක් පෙන්වන බව දකුණු කොරියාවේ රෝග පාලනය හා වැළැක්වීමේ මධ්යස්ථානය ප්රකාශ කරයි.
ඔවුන් මේ බව තහවුරු කර ඇත්තේ එම රටේ කොවිඩ් -19 ආසාදනය වී සුව වූ පුද්ගලයන් 91 දෙනකු යළි කොවිඩ් - 19 ආසාදිතයන් බව තහවුරුවීම හේතුවෙනි.
රෝග පාලනය හා වැළැක්වීමේ මධ්යස්ථානයේ අධ්යක්ෂ ජියොන් යුන්-කියොං මාධ්ය හමුවක දී අදහස් දක්වමින් කියා සිටියේ මෙම පුද්ගලයන් යළි කොවිඩ් ආසාදිතයන් බවට පත්ව ඇත්තේ අලුතෙන් වයිරසය ශරීරගතවීමෙන් නොව සිරුරේ අක්රියව තිබූ වයිරස යළි සක්රීය වීමෙන් බවයි.
''මේ ගැන වසංගත රෝග විද්යා පරික්ෂණ තවමත් සිදුකරමින් තිබෙනවා. මේ ප්රවණතාව පිටුපස ඇත්තේ කුමක් ද යන්න තවමත් පැහැදිලි නැහැ." ඔහු පවසයි.
කෙසේ වෙතත් වයිරසය ආසාදනය වන පුද්ගලයන්ගේ සිරුරේ වසංගතය ඇතිවීම වැළැක්වීමට ප්රමාණවත් ප්රතිශක්තියක් වර්ධනය වනු ඇතැයි බොහෝ රවටල වෛද්ය විද්යා පර්යේෂකයෝ සහ බලධාරීහ් බලාපොරොත්තු තැබූහ. නමුත් වයිරස ආසාදනය වි සුවවූ පුද්ගලයන් මෙලෙස යළි වයිරස ආසාදිතයන් බවට පත්වීම පිළිබඳ සමස්ථ ලෝකයේ ම දැඩි අවධානයක් යොමුව පවතී.
දකුණු කොරියාවේ සුවය ලැබූ රෝගීන් අතරින් යළි වයිරසය ආසාදනය වූ පුද්ගලයන් 51 දෙනකු සඳුදා දිනයේ දී පමණක් වාර්තා වී තිබිණි.
සිකුරාදා(10) මෙම මාධ්ය හමුවේ මෙම තොරතුරු හෙළිකරන විට දකුණු කොරියාවේ කොවිඩ් - 19 ආසාදිතයන් සංඛ්යාව 7,000කට ආසන්න වී තිබිණි.
බෝවන රෝග පිළිබඳ මහාචාර්ය කිම් වූ-ජූ පවසන්නේ යළි ආසාදනය වන පුද්ගලයන් දැනට වාර්තා වී ඇත්තේ 91 වුව ද මේ සංඛ්යාව ඉහළ යනු ඇති බවයි.
මෙම පරීක්ෂණවල ප්රතිඵල දෝෂ සහිත විය හැකි බව වෙනත් විශේෂඥයෝ කියති. වයිරසයේ අවශේෂ හෝ දුර්වලව අඩපණ වූ වයිරස රෝගින්ගේ ස්වසන පද්ධතියේ තිබිය හැකි නමුත් එමගින් ධාරකයාට හෙවත් ආසාදිතයාට යළි අනතුරක් විය නොහැකි බව ද එම විද්යාඥයන් ගේ මතය වි ඇත.
හැලිම් විශ්වවිද්යාල හෘද රෝහලේ පුප්ඵුසිය වෛද්ය විද්යාව පිළිබඳ මහාචාර්ය ජුන්ග් කි-සුක් පවසන්නේ මෙවැනි තත්ත්වයන් සඳහා විවිධ අර්ථකථන දිය හැකි බවයි. නමුත් සෑම වෙනස් තත්ත්වයක් සඳහා ම රජය ප්රතිචාර දැක්විය යුතු බව ද හෙතෙම පවසයි.
මේ වනවිට දකුණු කොරියාවේ වයිරස ආසාදිතයන් 6,807ක් වාර්තා වී තිබේ. සිකුරාදා වාර්තා වූ නව රෝගීන් සංඛ්යාව 27කි. මියගොස් ඇති රෝගින් සංඛ්යාව 211ක් දක්වා ඉහළ ගොස් ඇත.
චීනයෙන් පිටත දී ප්රථම වතාවට වැඩිම කොරෝනා ආසාදිතයන් පිරිසක් වාර්තා වූ නගරය වූයේ දකුණු කොරියාවේ ඩේගු නගරයයි. පෙබරවාරි අග සිට එම නගරයෙන් රෝගීන් වාර්තාවීම නතර විය. එසේ වුව ද කොරියාවෙන් වාර්තා වී ඇති රෝගින්ගෙන් අඩකටත් වැඩි ප්රමාණයක් වාර්තා වූයේ ඩේගු නගරයෙනි. ඩේගු නගරයේ දේවස්ථානයක පැවැති දේව මෙහෙයක දී වයිරසය පැතිරියාම මෙලෙස පුද්ගලයන් විශාල පිරිසකට ආසාදනය විමට හේතු වූ බව එරට සෞඛ්ය බලධාරීන් පවසයි.
(රොයිටර් පුවත් ඇසුරිනි - 085)
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දකුණු කොරියාවේ සුව වූ පිරිසකට නැවත කොරෝනා ආසාදනය වෙලා
rasika Saturday, 11 April 2020 07:01 AM
එදා 1919 උණ මාස 20 ලෝකය පුරාම පැතිරුණා. 2020 උණ පැතිරීම නතර කරන්න මිනිසුන් මාස 3ක් වත් පරෙස්සම් වෙන්න.