කොරෝනා වයිරසය පැතිර යෑමේ අවදානම හේතුවෙන් රුසියාවේ මොස්කව් අගනුවර වසා දැමීමට නගර බලධාරීහු අද (30) පියවර ගත්හ.
ඒ අනුව නැවත දැනුම් දෙන තුරු සියලු කටයුතු අකර්මන්ය කෙරෙන ‘ලොක්ඩවුන්’ ක්රමවේදය අනුගමනය කරන බව නගර බලධාරීහු ප්රකාශ කළහ.
මොස්කව් නගරාධිපති සර්ගේ සොබියනින් හදිසියේම මෙම දැඩි නියෝග නිකුත් කළ අතර එම ක්රියාමාර්ගය අනුගමනය කරන්නැයි රුසියානු අග්රාමාත්ය මික්හයිල් මිස්හුස්ටින් අනෙකුත් ප්රාදේශීය බලධාරීන්ගෙන් ඉල්ලීමක් ද කළේය.
මෙම සතිය ‘වැඩ-නොකරන’ සතියක් ලෙස ප්රකාශයට පත් කිරීමට රුසියානු ජනාධිපති ව්ලැදිමීර් පුටින් පසුගිය සතියේදී පියවර ගත් අතර ඊට වඩා තවත් පියවරක් ඉදිරියට තබමින් මොස්කව් අගනගරය ‘ලොක්ඩවුන්’ කිරීමට එනුවර පුරපතිවරයා පියවර ගත්තේය.
යුරෝපයේ විශාලතම නගරය ලෙස සැලකෙන මොස්කව් නගරය මෙලෙස හුදෙකලා වීමේ නව සහ දැඩි නියෝග පැනවූවද නගර වැසියන් ඒවා නොතකා සති අන්තයේදී උද්යානවලට යන අයුරු දක්නට ලැබිණි.
කෙසේ නමුත් සඳුඳා, එනම් අද මොස්කව් නගරයේ මාර්ග පාළුවට ගොස් තිබූ අත්යවශ්ය සේවා හැර අනෙකුත් කඩසාප්පු, අවන්හල්, ආපනශාලා වසා දමා තිබිණි. එහෙත් නගර මධ්යයේ තරමක වාහන තදබදයක් දක්නට තිබිණි.
‘‘මොස්කව් නගරයට හඳුන්වා දී තිබෙන ආකාරයේ නිරෝධායන සහ දැඩි ක්රියාමාර්ග ගන්නැයි මම අනෙකුත් ප්රාදේශීය බලධාරීන්ගෙන් ඉල්ලා සිටිනවා’’ යැයි ආණ්ඩුවේ රැස්වීමකට එක්වෙමින් අග්රාමාත්ය මිස්හුස්ටින් කීය.
රුසියානු ජනාධිපතිවරයා රූපවාහිනියේ පෙනී සිටින්නේ ඉතාම කලාතුරකින් වන අතර පසුගිය සතියේ බදාදා එසේ පෙනී සිටි රුසියානු ජනාධිපතිවරයා මේ සතිය ‘‘වැඩ නොකරන’’ සතියක් ලෙස නම් කරන බව ප්රකාශයට පත් කළේය. එසේ නමුත් සේවකයන්ට අදාළ වැටුප් ගෙවන බව ද හෙතෙම කීය.
අද පස්වරුව වනවිට රුසියාවෙන් වාර්තා වූ සමස්ත ආසාදිතයන්ගේ ගණන 1,534ක් වූ අතර එරටින් වාර්තා වන මරණ ගණන 8කි. රුසියාවේ කොරෝනා වයිරසය ආසාදනය වූ 64 දෙනකු සුවය ලබා ඇත.
වයස් සීමාවකින් තොරව පැනවූ සීමා හා නියෝග නගරයේ සියලු දෙනාට අදාළ වන බව මොස්කව් බලධාරීහු කීහ.
හදිසි වෛද්ය/සෞඛ්ය තත්ත්ව, අත්යවශ්ය යැයි සැලකෙන රාජකාරී හා සේවා සහ ආහාර හෝ ඖෂධ හෝ ලබාගැනීමට පමණක් මොස්කව් නගර වැසියන්ට නිවසින් පිටතට යෑමට අවසර ලැබෙන බව ඔවුහු පැවැසූහ.
නගර වැසියන්ට කසළ බැහැර කිරීමට සහ ඔවුන්ගේ සුනඛයන් ඇවිදීමට යා හැක්කේ නිවස සිට මීටර 100ක් දුරට පමණක් යැයි ද ඔවුහු කීහ.
මොස්කව් නුවර සවි කර තිබෙන කැමරා මඟින් මේ සියල්ල අධීක්ෂණය කෙරෙන බව ද ඔවුහු ප්රකාශ කළහ. රුසියාව ඔවුන්ගේ දේශසීමා සියල්ල වසා දමා තිබෙන අතර කෝවිඩ්-19 හෙවත් නව කොරෝනා වයිරසයේ ව්යාප්තිය වැළැක්වීම සඳහා පියවරෙන් පියවර දැඩි සීමා හා නියෝග පනවමින් සිටී.
ඒ.එෆ්.පී.
055
දඹුල්ල නගරයට අහම්බෙන් පැමිණි වන අලි තිදෙනකු නිසා දඹුල්ල නගරය අවට නිවාසවල පදිංචි ජනයා මෙන්ම නගරයට පැමිණි පිරිස්ද නොසන්සුන් වූහ.
මාතලේ විල්ගමුව පොලිසියේ ආරක්ෂක නිලධාරියා භාරයේ තිබූ ටී පනස් අය ගිනි අවිය සොයාගත් බවට සැකපිට හිටපු යුද හමුදා සෙබළෙක් විල්ගමුව පොලිසිය විසින් අරලගන්වි
බස්නාහිර, සබරගමුව, මධ්යම,වයඹ සහ දකුණු පළාත්වල ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්තමේන්තුව කියයි.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මොස්කව් නුවරටත් අගුළු දමයි