ලොවපුරා රෝහල් ඇතුළු සෞඛ්ය සේවා මධ්යස්ථානවලින් හයෙන් එකකට සෞඛ්යාරක්ෂිත අත්සේදීමේ පහසුකම් සහ ප්රමාණවත් හෙද හෙදියන් නැතැයි ‘වෝටර්ඒඩ්’ ජාත්යන්තර සංවිධානය සඳහන් කරයි.
ජාත්යන්තර හෙද දිනය වෙනුවෙන් වාර්තාවක් නිකුත් කරමින් එම සංවිධානය එම තොරතුරු අනාවරණය කර ඇත.
‘නව කොරෝනා වයිරස’ වසංගතයට එරෙහිව ගෙන යන සටනේ ඉදිරිපෙළ සටන්කරුවන් වන හෙදියන්ට ඔවුන්ගේ දෑත් සෝදා ගැනීමට පහසුකම් පවා නැතැයි එම සංවිධානය අනතුරු අඟවයි.
මේ තත්ත්වය හේතුවෙන් හෙද හෙදියන් ඇතුළු සෞඛ්ය සේවා කාර්යමණ්ඩලවල ආරක්ෂාව සුරක්ෂිත කරන්නැයි ද ජාත්යන්තර සංවිධාන ආණ්ඩුවලින් අද (12) ඉල්ලා සිටියේය.
පිරිසදු ජලය නොමැති ප්රදේශවල ජීවත්වන ලොවපුරා බිලියනයකට ආසන්න පිරිසක් තම සෞඛ්යාරක්ෂාව සපයාගැනීමේ දැඩි අරගලයක නිරත වී සිටින මොහොතක මෙම නව වාර්තාව නිකුත්ව තිබේ.
ලෝක හෙද දිනය අද (12) ට යෙදී ඇත. ලොව දුප්පත්ම රටවල සෞඛ්ය සේවා සපයන ස්ථානවලින් අඩකට ආසන්න සංඛ්යාවකට පිරිසුදු ජලය නැතැයි ‘වෝටර්ඒඩ්’ සංවිධානය පෙන්වාදෙයි.
වෛද්යවරුන් සහ හෙදියන් ඇතුළු ලොවපුරා සෞඛ්ය කාර්යමණ්ඩල මේ වනවිට මිනිසුන් කොරෝනා වසංගතයෙන් බේරාගැනීම සඳහා දැඩි අරගලයක නිරත වී සිටිති. නව කොරෝනා වයිරසය හෙවත් ‘කොවිඩ්-19’ ගෝලීය වසංගතය හේතුවෙන් අද (12) පස්වරු 5 වනවිට ලොවපුරා 287,600කට වැඩි පිරිසකට ජීවිත අහිමි වී තිබිණි.
ලොවපුරා කොරෝනා ආසාදිතයන්ගේ සංඛ්යාව ලක්ෂ 40 ඉක්මවා ගොස් තිබිණි.
කොරෝනා වයිරසය ආසාදනය වීම හේතුවෙන් ලොවපුරා වෛද්යවරුන්, හෙදියන් ඇතුළු සොඛ්ය කාර්යමණ්ඩල සාමාජික සාමාජිකාවන් රැසකට ද ජීවිත අහිමි වී ඇත.
කොරෝනා වයිරසය ව්යාප්ත වීම වැළැක්වීම සඳහා නිරන්තරයෙන් දෑත් සේදිය යුතු යැයි ලෝක සෞඛ්ය සංවිධානය නිර්දේශ කරයි. කිවිසුම් යෑමේදී, කහින විටදී මුඛ ආවරණය කරගන්නැයි ද කායික දුරස්ථභාවය පවත්වා ගන්නැයි ද ලෝක සෞඛ්ය සංවිධානය දිගින් දිගටම අවධාරණය කළේය.
‘‘සංවර්ධනය වෙමින් පවතින රටවල් සෞඛ්ය සේවා වෘත්තිකයන් දහස් ගණනකට දෑත් සෝදා ගැනීමට පිරිසුදු ජලය හෝ සබන් හෝ නැහැ’ යැයි ‘වෝටර්ඒඩ්’ සංවිධානයේ ප්රධාන විධායක නිලධාරී ටිම් වේයින්රයිට් නිවේදනයක් නිකුත් කරමින් සඳහන් කළේය.
‘‘සනීපාරක්ෂාව පවත්වාගැනීමට නොහැකි වීම රෝහල්වල වයිරසය ව්යාප්ත වෙන කේන්ද්රස්ථාන බවට පත්වෙලා. ලොවපුරා රෝහල් කොරෝනා ආසාදිතයන්ගෙන් පිරිලා ගිහිල්ලා.
මේ තත්ත්වය හේතුවෙන් වෛද්යවරුන්ගේ, හෙදියන්ගේ විතරක් නෙවෙයි රෝගීන්ගේ ද ජීවිත අවදානමට පත්වෙලා’’ යැයි ද හෙතෙම කීය.
වෛද්ය කාර්යමණ්ඩලවලට ප්රමාණවත් පරිදි පෞද්ගලික උපකරණ කට්ට්ල, මුඛ ආවරණ, මුහුණ ආවරණ, අත් ආවරණ සහ ඇස් ආවරණ සැපීමට අසමත් හා අපොහොසත් වීම හේතුවෙන් ලොවපුරා ආණ්ඩුවලට දැඩි විවේචනයක් එල්ල වී ඇත.
අල්ජසීරා
055
ශ්රී ලංකාවෙි ප්රංශ තානාපති ඒ. ජෙආන් ෆ්රැන්කොයිස් මහතා සහ පාර්ලිමේන්තු මන්ත්රී හිටපු කතානායක චමල් රාජපක්ෂ මහතා අතර හමුවක් වීරකැටිය මැදමුලන නිවසේ
මහරගම නගර මධ්යයේ පිහිටා තිබූ බෝ ගසක අත්තක් අද රාත්රි 7 පමණ වර්ෂාවත් සමග ඇතිවූ සුළං තත්වය හමුවේ හදිසියේ කඩා වැටීමෙන් මාර්ගයේ ගමන් ගත් කාන්තාවක සහ පුද්
ඉකුත් මාස දෙකක කාලයේ ශ්රී ලංකාව රුපියල් මිලියන 983.7ක අපනයන ආදායමක් ලබා තිබෙන බව කුඩා හා මධ්ය පරිමාණ ව්යවසාය සංවර්ධන රාජ්ය අමාත්ය ප්රසන්න රණවීර මහ
අන්තර්ජාලය ඔස්සේ සිදු වන ළමා ලිංගික අපයෝජන සම්බන්ධයෙන් වාර්තා කිරීමේ නව මාර්ගගත ක්රමවේදයක් ජනාධිපති රනිල් වික්රමසිංහ මහතාගේ ප්රධානත්වයෙන් අද (28)
පාස්කු ප්රහාරය සම්බන්ධයෙන් තමන් දන්නා කරුණු ලබන 04 වැනිදා අධිකරණය හමුවේ පෙනී සිට ප්රකාශයක් කරන ලෙස හිටපු ජනාධිපති මෛත්රීපාල සිරිසේන මහතාට මාලිගාක
බාල බෙහෙත් ජාවාරම සම්බන්ධයෙන් රිමාන්ඩ් බාරයට පත්කර සිටින හිටපු සෞඛ්ය අමාත්ය කෙහෙළිය රඹුක්වැල්ල ඇතුළු වික්තිකරුවෝ ලබන 08 වැනිදා දක්වා තව දුරටත් රිම
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හෙදියන්ට දෑත් සේදීමේ පහසුකම් නැහැ
Sugath Tuesday, 12 May 2020 01:46 PM
බැලූ බැල්මට පෙනෙන්නේ ලංකාවේ රෝහල් වගෙයි. මෙවැනි ශීර්ෂ පලකරන විට මේ අවස්ථාවේදීවත් මීට වඩා බුද්ධිමත් විය යුතු බවයි මගේ හැගීම... !
AnilTuesday, 12 May 2020 03:56 PM
සුගත් මහත්මයා හිතන් ඉන්නේ ලංකාවේ අයට හැමදේම අංග සම්පූර්ණයෙන්ම තියෙනවා කියලද? තමන්ගේ දන්න කියන කෙනෙක්වත් ඉස්පිරිතාලෙක වැඩකරනවා නම් පොඩ්ඩක් අහලා බලන්න.. ලෝකෙ නෙමෙයි.. ලංකාවේ තත්වෙත් ඕක තමයි.. මීඩියාවල පෙන්වන දේට වැඩිය යථාර්ථය වෙනස්. දේශපාලනේ පැත්තක තියලා බැලුවොත් පෙනෙයි.
රවින් Tuesday, 12 May 2020 05:18 PM
ඇත්ත වෙන්න ඇති. රටවල් කියක වෛද්යවරු ඇතුළු රෝහල් කාර්ය මණ්ඩලවල කීදෙනෙක් කොරෝනා ආසදිතයෙන් මැරුනාද? ඒ පැත්තෙන් බැලුවොත් අපේ රෝහල් හොඳයි නේද?