(රංජන් කස්තුරි)
ශ්රී ලංකාවේ ජීවත්වන සියලුම චීන ජාතිකයින්ට කරුණාවෙන් සලකා අවශ්ය උපකාර කරන්නැයි කාරුණික හදවත් ඇති ශ්රී ලාංකික ජනතාවගෙන් ඉල්ලා සිටින බව ආචාර්ය වරකාගොඩ ධම්මසිද්ධි ශ්රී පඤ්ඤානන්ද ඤාණරතන අස්ගිරි නාහිමියෝ නිවේදනයක් නිකුත් කරමින් සඳහන් කරති.
එම නිවේදනයේ මෙසේද සඳහන් වේ.
මහජන චීනය තුළ කොරෝනා නැමති වෛරස් රෝගී තත්ත්වය උද්ගත වී ඇති බවත් එය ලෝකයේ වෙනත් රටවල් වලටද පැතිර යා හැකි බවත් දැන් රහසක් නොවේ.ඒ සමගම මෙම වෛරසය පැතිරීම වැළැක්වීම සඳහා සහ වැලදුනු රෝගීන් සුවපත් කිරීම සඳහා මහජන චීන රජය මගින් ඉතා සුළු කාලයක් ඇතුළත ක්රියාත්මක වී ඇති බව දැනගන්නට ඇත.ලෝකයේ අනෙකුත් රටවල්ද තම ජනතාවගේ සෞඛ්ය සම්පන්න බව සුරැකීම සඳහා නිසා කටයුතු කරමින් ඇති බව පෙනී යයි.අප ශ්රී ලංකාවේ රජයද රෝගාශ්රීත ප්රදේශයේ රැඳී සිටි ශ්රී ලාංකිකයින් නැවත ගෙන්වා ගැනීම සඳහා සෞඛ්ය දෙපාර්තමේන්තුව ත්රිවිධ හමුදාව , ජාතික ගුවන් සේවය උපයෝගි කරගෙන ඉතා අගනා සේවයක් ඉටුකළ බව නොරහසකි.එමෙන්ම අප රට තුළ මෙම රෝගී තත්ත්වය පැතිරීම වැළැක්වීම සඳහා අගනා සේවයක් ඉටුකරමින් පවතින බවද සඳහන් කළ යුතුය.
මහජන චීනයත් ශ්රී ලංකාවත් අතර සම්බන්ධතාවයක් පවතිනුයේ ඈත අතීතයේ සිටය.ඒ දීර්ඝ කාලය තුළ අප දෙරට තුළ ආගමික සංස්කෘතින විද්යාත්මක අධ්යාපනික වශයෙන් නොයෙකුත් සම්බන්ධතා ඇතිවිය.මෙම බැරැරුම් අවස්ථාවේදී රෝගය පැතිරීම පාලනය කිරීම සඳහා චීන ජාතිකයින් සමඟ සහයෝගයෙන් කටයුතු කිරීම අප කාගෙත් යුතුකමයි.චීන රජය ශ්රී ලංකාවේ මෙවැනි අවස්ථාවන්හිදී අපහට සහයෝගය ලබාදුන් අවස්ථාවන් අපමනය.අපගේ ඩිජිටල් යුද්ධය පවතින කාල වලදී එක්සත් ජාතීන්ගේ සමුළුවේදී පවා ශ්රී ලංකාවට ලබාදුන් සහයෝගය ඉමහත්ය.ශ්රී ලංකාවේ සංවර්ධනය දෙස බැලීමේදී අපගේ මෑත කාලීන සංවර්ධන යෝජනා ක්රම ක්රියාත්මක වුයේද මහජන චීනයේ ආධාර ඇතිවයි.එයට උදාහරණ වශයෙන් දුකුණු ආසියාවේ උසම සන්නිවේදන කුළුණ , නොරොච්චෝලේ විදුලි බලාගාරය , මොරගහකන්ද ජල යෝජනා ක්රමය සහ කොළශ වරාය නගරය දැක්විය හැකිය.
අප බෞද්ධ නායකයන් වශයෙන් ආගමික වතාවත් තුළින් මෙම රෝග බිය නැති කරලීමට සෑම උත්සාහයක්ම දරන්නෙහු.විසාලා මහනුවරට මාරාන්තික රෝග බියක් ඇති වූ අවස්ථාවේදී ලොවුතුරා සම්බුදුරජාණන් වහන්සේ දේශණාකොට වදාල රතන සූත්රය අප මේ අවස්ථාවේදී දේශනා කරන්නෙහු.2020 පෙබරවාරි 5 වැනිදා සර්වරාත්රීක පරිත්රාණ ධර්ම දේශනාවක් සිදුකර බියෙන් පසුවන ජනතාවය සෙත් පැතීම සඳහා කටයුතු කරන්නෙමු.
ශ්රී ලාංකික ජනතාව ජන්මයෙන්ම ආගන්තුක සත්කාර කිරීම සහ කාරුණික හදවත් ඇත්තන් බව ලොව පුරා ප්රසිද්ධයට පත්ව ඇත.එම කාරුණික බව මේ අවස්ථාවේදී තමන් තුළ පවත්වාගනිමින් ශ්රී ලංකාවේ ජීවත්වන සියලුම චීන ජාතිකයන්ට කරුණාවෙන් සලකන ලෙසත් අවශ්ය උපකාරයක් ඇත්නම් ඉටුකර දීමෙන් ඔවුන් පිළිබඳ අප සැමදා කරුණාව දක්වන බව සනාතවන අයුරින් කටයුතු කරන ලෙස කාරුණිකව දන්වනු කැමැත්තෙමි.
රේගු දෙපාර්තමේන්තුව රාජසන්තක කළ භාණ්ඩ ඩෙන්ඩර් කැඳවා අළෙවි කිරීමේදී ටෙන්ඩර් ඉදිරිපත් කරන පුද්ගලයන් බියගැන්වීමට මෙරටින් පැනගොස් සිටින පාතාල සාමාජික
මැණික් ව්යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා
රුපියල් ලක්ෂ 27 ක් වටිනා මත්කරල් 27,000 ක් ජාවාරම් කිරීම සදහා ත්රිරෝද රථයකින් ප්රවාහනය කරමින් සිටි ‘බම්පින් කුමාර‘ නැමැති මත්ද්රව්ය ජාවාරම්කරුවක් අද (
රහසිගතව ඇමෙරිකාව ලබා දුන් දිගු දුර බැලස්ටික් මිසයිල ප්රථම වතාවට යුක්රේනය ක්රිමියාවේ රුසියානු ඉලක්ක වෙත පහරදීමට භාවිත කර ඇතැයි ඇමෙරිකානු බලධාරීහු
පලස්තීන ගැටලුවට සාධාරණ හා පුළුල් සාකච්ඡා සහිත දේශපාලන විසඳුමක් වෙනුවෙන් සහය දැක්වීමට ශ්රී ලංකාව අඛණ්ඩව කැපවී සිටින බව ජනාධිපති රනිල් වික්රමසිංහ ම
දුම්රිය සාමාන්යාධිකාරිවරයා ලෙස කටයුතු කළ එච්. එම්. කේ. ඩබ්.බණ්ඩාර මහතාගේ හදිසි අභාවය හේතුවෙන් පුරප්පාඩු වූ දුම්රිය සාමාන්යාධිකාරි තනතුරට සුදුසු නි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ශ්රී ලංකාවේ ජීවත්වන චීන ජාතිකයන්ට කරුණාවෙන් සලකන්න‘‘