(නිමල කොඩිතුවක්කු)
පසුගිය රජය මැදිහත්වීමෙන් ක්රියාත්මක කළ ශක්ති සහල් වැඩපිළිවෙළ විනාශ කර සහල් මාෆියාව යළි ශක්තිමත් කිරීම වෙළඳපොළේ සහල් මිල ඉහළ යාමට හේතු වූ බව පාර්ලිමේන්තු මන්ත්රී හර්ෂ ද සිල්වා මහතා ලංකාදීපයට අද(12) පැවැසීය.
නාඩු සහල් කිලෝවක් සඳහා රුපියල් 98 ක් සහ සම්බා සහල් කිලෝවක් සඳහා රුපියල් 99 ක උපරිම මිලක් වත්මන් රජය නියම කලත් රුපියල් 85ත් 88ත් අතර මිලකට ජනතාවට සහල් ලබාදීමට හැකියිව ඇතැයිද මන්ත්රීවරයා සඳහන් කළේය.
මේ සම්බන්ධයෙන් අදහස් පළ කළ පාර්ලිමේන්තු මන්ත්රී හර්ෂ ද සිල්වා මහතා වැඩිදුරටත් මෙසේද කීවේය.
‘‘වෙළඳපොළේ සහල් මිල අවුරුදු ගාණක් තිස්සේ පාලනය කළේ සහල් හිමියන් හතර පස් දෙනෙක්. මේ සහල් හිමියන් වෙළඳපොළේ ඒකාධිකාරියක් ගෙන ගියා. මේ නිසා කුඩා සහ මධ්යම පරිමාන මෝල් වැසී ගියා.
මේ සහල් හිමියන් අඩු මුලට වී මිලදී ගෙන ගබඩා කළා. කෘත්රිම හාල් හිඟයක් මවා පාමින් හාල් මිල වැඩිවීමට ඉඩ හරිනවා. ඒලෙස සහල් මිල වැඩිවුනහම මේ අය තමන්ගේ සහල් තොග පොඞ්ඩ පොඞ්ඩ එළියට දානාවා.
හාල් හිඟය මවා පාමින් පිටරටින් සහල් ගෙන්වනවා. ඒ සහල් සඳහාත් මේ අයගේ සහල් තොග කවලම් කරමින් වෙළඳපොළට එකතු කරනවා. මේ හාල් මාෆියාව නිසා මේ රටේ ගොවියන්, කුඩා සහල් මොල් හිමියන් මෙන්ම පාරිභෝගික ජනතාවත් විශාල අපහසුතාවයට පත්වෙනවා.
මේ හාල් මාෆියාව පාලනය කිරීම සඳහා අපේ රජයේ ආර්ථික කටයුතු සහ පොදු සැපයුම් අමාත්යාංශය යටතේ මගේ මූලිකත්වයෙන් අපි මේ ශක්ති සහල් වැඩපිළිවෙළ ආරම්භ කළා. ආහාර කොමසාරිස්වරයා ඇතුළු කමිටුවක් මගින් මේ කටයුතු අධීක්ෂණය කෙරුණා.
අපේ මේ වැඩපිළිවෙළ නිසා සාධාරණ මිලට වෙළඳපොළට සහල් නිකුත් කිරිමට අපට හැකිවුණා. ඒ වගේම වෙළඳපොළේ පැවති සහල් ඒකාධිකාරිය බිඳ දැමීමටත්, වැසී ගිය කුඩා සහ මධ්යම පරිමාන මෝල් 200ක් නැවත විවෘත කිරීමටත්, සතොස ආයතනය මගින් මෙන්ම ප්රධාන සුපිරි වෙළඳ සැල් මගින් මේ සහල් අඩු මුදලට ජනතාව අතට පත්කිරීමටත් ඒ අනුව රුපියල් 85ක පමණ ස්ථාවර මිලකට සහල් මිල පවත්වාගෙන යන්නත් අපිට හැකිවුණා.
දිස්ත්රික්ක අටක අපි මේ වැඩපිළිවෙළ ක්රියාත්මක කලා. ඊළඟ කන්නයේ වී ලැබෙන තෙක් අපි මෙටි්රක් ටොන් 48,000ක් පමණ සහල් තොග ගබඩා කරලා තිබුණා. මේ ආන්ඩුව පත්වෙලා එය විනාශ කර තිබෙනවා.
දැන් අපි ඒ ගබඩා කර තිබූ මෙටි්රක් ටොන් 48000 ක ප්රමාණයත් මහාපරිමාන මොල් හිමියන් අතට පත්වෙලා තිබෙනවා. යළිත් මේ හාල් මාෆියාව ආරම්භ වෙලා තිබෙනවා. ඒ නිසා තමයි සහල් මිල 120 ට වැඩිවුනේ.
රුපියල් 40ට අඩුවෙන් ගන්න වී කිලෝවක් ලාභයකුත් තියාගෙන රුපියල් 85ක පමණ මුදලකට වෙළඳපොළට නිකුත් කිරීමේ හැකියාව තිබෙනවා. එහෙම තිබියදී රජය නාඩු සහල් කිලෝවක් සඳහා රුපියල් 98 ක් සහ සම්බා සහල් කිලෝවක් සඳහා රුපියල් 99 ක උපරිම මිලක් නියම කිර තිබෙනවා. මේක සහල් සඳහා වැඩිමුදලක් නියම කර ගැසට් කිරීමක් විදියට අපි දකිනවා.
ශක්තිසහල් වැඩපිළිවෙළ කුඩුපට්ටම් කර සහල් මාෆියාව ශක්තිමත් කිරිමට රජය ගෙන ඇති මේ කටයුත්ත අපි පිළිකුලෙන් හෙලා දකිනවා’’ යැයිද ඔහු එහිදී පැවැසීය.
මැණික් ව්යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා
රුපියල් ලක්ෂ 27 ක් වටිනා මත්කරල් 27,000 ක් ජාවාරම් කිරීම සදහා ත්රිරෝද රථයකින් ප්රවාහනය කරමින් සිටි ‘බම්පින් කුමාර‘ නැමැති මත්ද්රව්ය ජාවාරම්කරුවක් අද (
රහසිගතව ඇමෙරිකාව ලබා දුන් දිගු දුර බැලස්ටික් මිසයිල ප්රථම වතාවට යුක්රේනය ක්රිමියාවේ රුසියානු ඉලක්ක වෙත පහරදීමට භාවිත කර ඇතැයි ඇමෙරිකානු බලධාරීහු
පලස්තීන ගැටලුවට සාධාරණ හා පුළුල් සාකච්ඡා සහිත දේශපාලන විසඳුමක් වෙනුවෙන් සහය දැක්වීමට ශ්රී ලංකාව අඛණ්ඩව කැපවී සිටින බව ජනාධිපති රනිල් වික්රමසිංහ ම
දුම්රිය සාමාන්යාධිකාරිවරයා ලෙස කටයුතු කළ එච්. එම්. කේ. ඩබ්.බණ්ඩාර මහතාගේ හදිසි අභාවය හේතුවෙන් පුරප්පාඩු වූ දුම්රිය සාමාන්යාධිකාරි තනතුරට සුදුසු නි
කොළඹ - කටුනායක අධිවේගී මාර්ගයේ ජා-ඇළ පිවිසුමේ දී අද දින සවස 3.00ට පමණ මෝටර් රථයක් පෙරලි ගියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘සහල් මිල ඉහළගියේ සහල් මාෆියාව ශක්තිමත් වූ නිසයි’