මැලේසියාවේ නව අග්රාමාත්යවරයා ලෙස අන්වාර් ඊබ්රහීම් සවස දිවුරුම් දුන්නේය. 75 හැවිරිදි අන්වාර් ඊබ්රහීම්, මැලේසියාවේ 10 වැනි අග්රාමාත්යවරයා ද වෙයි.
පසුගියදා පැවැති මැලේසියානු මහ මැතිවරණයෙන් වැඩි ආසන සංඛ්යාවක් දිනා ගත්තේ අන්වාර් ඊබ්රහීම් නියෝජනය කළ 'පක්ටාන් හරප්පාන්' සන්ධානයයි. 'පක්ටාන් හරප්පාන්' සන්ධානය දිනූ ආසන ගණන 82 කි. එසේ වුවත්, එය රජයක් පිහිටුවීමට ප්රමාණවත් නොවිණි.
ඒ අනුව, මැලේසියා දේශපාලනයේ අර්බුදයක් නිර්මාණය විය. අද (24) සවස අන්වාර් ඊබ්රහීම්, අග්රාමාත්ය ධුරයට පත් කෙරුණේ මැලේසියාවේ සුල්තාන් අබ්දුල් රජුගේ මැදිහත් වීමෙනි. අන්වාර් ඊබ්රහීම්, මැලේසියාවේ අග්රාමාත්ය ධුරයේ දිවුරුම් දීම එරට වේලාවෙන් සවස 5 ට සිදුවිය.
90 දශකය අවසානයේ, මහතීර් මොහොමඩ් මැලේසියාවේ අග්රාමාත්ය ධුරය හොබවද්දී, නියෝජ්ය අග්රාමාත්යවරයා ලෙස කටයුතු කළේ නියෝජ්ය අග්රාමාත්ය අන්වාර් ඊබ්රහීම් ය. අන්වාර් ඊබ්රහීම්ට මහතීර් මොහොමඩ්ගේ අනුප්රාප්තිකයා වීමට ඉඩ තිබුණි.
කෙසේ නමුත් අන්වාර් ඊබ්රහීම් සහ මහතීර් මොහොමඩ් අතරේ මත ගැටුම් නිර්මාණය විය. එය අවසන් වූයේ අන්වාර් ඊබ්රහීම් සියලු ධුරවලින් නෙරපා අත්අඩංගුවට ගැනීමෙන් පසුවය.
අන්වාර් ඊබ්රහීම් අත්අඩංගුවට ගැනීම සහ දූෂණ චෝදනාවලට වරදකරු කර සිරදඩුවම් නියම වීමට සැලැස්වීමත් සමඟ මැලේසියාව පුරා රාජ්ය විරෝධී උද්ඝෝෂණ රැල්ලක් නිර්මාණය විය. මහතීර් මොහොමඩ්ට අග්රාමාත්ය ධුරයෙන් ඉවත් වෙන්නැයි බලපෑම් එල්ල විය. 2003 වසරේ ඔක්තෝබරයේ මහතීර් මොහොමඩ් අග්රාමාත්ය ධුරයෙන් සමුගත්තේය.
2018 වසරේ පැවැති මැලේසියානු මැතිවරණයේදී විපක්ෂ සන්ධානයට මැතිවරණය ජයක් සඳහා පොදු අපේක්ෂකයා වූයේ එවකට 92 හැවිරිදි වියෙහි පසුවුණු මහතීර් මොහොමඩ්ය. එම මැතිවරණයේ දී පාර්ලිමේන්තුවේ ආසන 222 න්, 122 ක් දිනා ගැනීමට විපක්ෂ සන්ධානයට හැකිවුණු අතර, මහතීර් මොහොමඩ් යළි අග්රාමාත්ය ලෙස දිවුරුම් දුන්නේය.
එදා මැතිවරණ රැලිවලදී මහතීර් මොහොමඩ් දිගින් දිගටම පැවැසුවේ තමන් අග්රාමාත්ය ධුරය හොබවන්නේ වසර දෙකක් පමණක් බවත්, අන්වාර් ඊබ්රහීම්ට ඉන්පසු අග්රාමාත්ය ධුරය පිරිනමන බවත්ය.
ඒ අනුව, ඒ වනවිටත් සිරදඬුවම් විදිමින් සිටි අන්වාර් ඊබ්රහීම්ට සමාව දීමට අග්රාමාත්ය මහතීර් මොහොමඩ් කටයුතු කළේය. අන්වාර් ඊබ්රහීම්ට මැලේසියානු රජුගෙන් සමාවක් ද හිමිවිය. මහතීර් මොහොමඩ් අග්රාමාත්ය ධුරයේ රාජකාරි ආරම්භ කර දින කීපයක් ඇතුළත අන්වාර් ඊබ්රහීම් හිරෙන් නිදහස් වී යළි දේශපාලනයට පිවිසියේය.
එම අවස්ථාවේදී ද මහතීර් මෙසාහොමඩ් සහ සහ අන්වාර් ඊබ්රහීම් අතරේ අර්බුද හටගත් අතර 2020 පෙබරවාරි මාසයේ දී මහතීර් මොහොමඩ් යළිත් වරක් අග්රාමාත්ය ධුරයෙන් ඉල්ලා අස්විය.
මහතීර් මොහොමඩ් ද පසුගිය දා පැවැති මැලේසියානු මැතිවරණයට ඉදිරිපත් විය. ඒ, ඔහු විසින් පිහිටුවා ගත් 'හෝම්ලෑන්ඩ් ෆයිටර්ස්' පක්ෂයෙනි. කෙසේ නමුත් 97 හැවිරිදි මහතීර් මොහොමඩ් මෙම මැතිවරණයේ දී දරුණු පරාජයක් ලැබුවේය. මහතීර් මොහොමඩ්ට ඔහුගේ ලංග්කාවී ආසනය පවා අහිමි විය. අඩ සියවසකට පසු මහතීර් මොහොමඩ් ලැබූ එකම මැතිවරණ පරාජය මෙය යැයි දේශපාලන විශ්ලේෂකයන් පෙන්වා දී ඇත.
(රොයිටර්)
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැලේසියා අගමැති ධුරය අන්වාර් ඊබ්රහීම්ට
uk ran Thursday, 24 November 2022 06:09 PM
මැලේසියාවල ජනාධිපතිරු නෑ. ඉන්නේ අගමැති. මෙයා තමයි අගමැති. එයත් අපේ රනිල් මහත්තයා වගේ වසර 20 ක් බලන් ඉදියා. පේනව නේද ඉවසීමේ ගුණේ.