(ආනන්ද ඉ ජයකොඩි)

අත්තනගල්ල සෞඛ්‍ය වෛද්‍ය නිලධාරී කොට්ඨාසයට අයත් තිහාරිය මල්වත්ත අපනයන සැකසුම් කලාපයේ කර්මාන්ත ශාලාවක සේවයේ නියුතු කොරෝනා ආසාදිත තරුණයකු පැනගොස් ඇතැයි පොලිසිය කියයි.

මාතලාන සිය බෝඩිම තුළ තාවකාලිකව නවතා සිටියදී ඔහු එසේ පැන ගොස් ඇතැයි සෞඛ්‍ය අංශ ප්‍රකාශකයෙක්  පැවසීය.

පැන ගොස් ඇති සේවකයා මාවතගම සෞඛ්‍ය වෛද්‍ය නිලධාරී කොට්ඨාසයට අයත් කහපත්වල මල්දෙනිය ප්‍රදේශයේ ස්ථිර පදිංචි කරුවකු බවද එම ප්‍රකාශකයා කීය.

මොහුට කෝවිඩ් 19 වෛරසය ආසාදනය වී ඇති බවට අනාවරණය වීමෙන් පසුව ප්‍රතිකාර මධ්‍යස්ථානයකට රැගෙන යන තෙක් මාතලාන ප්‍රදේශයේ සිය බෝඩිම තුල රැඳී සිටින ලෙසට මහජන සෞඛ්‍ය පරීක්ෂකවරුන් උපදෙස් දී තිබියදී  එසේ පැන ගොස් ඇති බවට හෙළි වූ බවද එම ප්‍රකාශකයා කියා සිටියේය.

මොහු නැවතී සිටි බෝඩිම තුල සිටි තවත් අයකුට ද කෝවිඩ් 19 වයිරසය ආසාදනය වී ඇති බව තහවුරු වූ බවද  එම ප්‍රකාශකයා කීය.