(බිමල් ශ්යාමන් ජයසිංහ සහ නිමාලි කහවල)
සිය එකම සහෝදරියගේ විවාහ මංගල්යයේ සුබපැතුම්පත් හා මංගල ඡායාරූපය මනාලයාගේ පියා සමඟ යතුරුපැදියෙන් රැගෙන එමින් සිටියදී සිදුවූ අනතුරකින් සහෝදරයා මියගොස් මනාලයාගේ පියා බරපතල තුවාල ලබා ඇතැයි ඉංගිරිය පොලිසිය කියයි
අනතුරින් මියගොස් ඇත්තේ හඳපාන්ගොඩ කොටිගල ප්රදේශයේ පදිංචිව සිටි හඳපාන්ගොඩ ජාතික පාසලේ 10 වන වසරේ ශිෂ්ය නායකයකු ලෙස කටයුතු කළ බිම්සර ප්රබෝද් රණසිංහ නැමැති 15 හැවිරිදි සිසුවකු බව පොලිසිය කියයි.
විවාහ මංගල්යය දෙපාර්ශවයේම සහභාගිත්වයෙන් අද (25) එකම දිනක දී පවත්වා ඇති අතර මනාලිය මනාලයාගේ නිවසට ඇරල වීමෙන් අනතුරුව මනාලයාගේ පියා සහ මනාලියගේ සහෝදරයා සුබපැතුම්පත් සහ මංගල ඡායාරූප රැගෙන යතුරුපැදියෙන් කුරණ මාර්ගයේ පැමිණෙමින් සිටියදී මෙම අනතුර වී ඇතැයි පොලිසිය කියයි.
ඔවුන් දෙදෙනා රැගත් යතුරු පැදිය කුරණ බෑවුම් ප්රදේශයේදී පාලනය කර ගත නොහැකිව මාර්ගයෙන් ඉවතට ඇදී ගොස් කානුවට වැටී ඉදිරියට ගොස් අනතුරුව කොන්ක්රීට් ලෑල්ලක ගැටී තවත් මීටර් පහළොවක් පමණ ඉදිරියට ඇදී ගොස් කොස් ගසක ගැටී මෙම අනතුර වී ඇතැයි පොලිසිය කියයි
ඔවුන් දෙදෙනා රැගත් යතුරු පැදිය කාණුවට වැටීමට පෙර අන්නාසි ගාලක ගැටී ඇති අතර එහි තිබූ අන්නාසි ගෙඩියක් මීටර් හැටක් පමණ දුරකට විසිවී තිබූ බව පොලිස් විමර්ශනවලදී අනාවරණය වී ඇත.
සිදු වූ අනතුරින් බරපතළ තුවාල ලැබූ සිසුවා සහ අනෙක් අය හොරණ මූලික රෝහල වෙත ඇතුළත් කිරීමෙන් අනතුරුව සිසුවා මිය ගොස් තිබූ අතර අනෙක් පුද්ගලයා වැඩිදුර ප්රතිකාර සඳහා කොළඹ ජාතික රෝහල වෙත ඇතුළත් කර ඇත.
පානදුර කොට්ඨාස භාර ජේෂ්ඨ පොලිස් අධිකාරී සමන්ත වෙදගේ සහකාර පොලිස් අධිකාරි උදය කුමාර මහත්වරුන්ගේ උපදෙස් මත ඉංගිරිය පොලිසිය පොලිසියේ ස්ථානාධිපති ප්රධාන පොලිස් පරීක්ෂක වසන්ත චන්ද්රලාල් රථවාහන අංශයේ ස්ථානාධිපති උප පොලිස් පරීක්ෂක ආර් පි විතාරණ පොලිස් කොස්තාපල් 61586 චතුරංග මහත්වරු පරීක්ෂණ පවත්වති.
බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරි
විදුලි බල මණ්ඩලයේ ඉංජිනේරුවකු අමානුෂික ලෙස ඝාතනය කර ශරීරය කොටස්වලට කපා සඟවා තැබීම සම්බන්ධයෙන් මහාධිකරණ මරණ දඩුවම නියමව වසර 35 ක් සැගව සිටි චූදිතයකු පූ
ශ්රී ලංකා නිදහස් පක්ෂයේ හිටපු නායකයා ඉවත් කර මේ කොහේවත් ඉන්න නිදිකුම්බා නායකයකු පක්ෂයේ නායකයා කරගෙන පක්ෂය රනිල් වික්රමසිංහ මහතාගේ ඔඩොක්කුවේ තැබීම
කාසල්රි ජලාශයේ දිය නෑමට ගොස් පාසල් සිසුවකු අතුරුදහන් වි ඇති බව නෝටන්බ්රිජ් පොලිසිය පැවසිය.
මත්ද්රව්ය ළඟ තබාගෙන ජාවාරම් කිරීමේ සිද්ධියක් සම්බන්ධයෙන් රැඳවුම් නියෝග මත රඳවාගෙන සිටින සැකකරුවකුට ඩුබායි සිටින මත්ද්රව්ය ජාවාරම් කරුවකු දුරක
හික්කඩුව -බද්දෙගම මාර්ගයේ ගෝනපිනුවල ප්රදේශයේදී යතුරු පැදියක් ලොරියක ගැටීමෙන් තුවාල ලබා කරාපිටිය ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
එකම සහෝදරියගේ විවාහය දා සහෝදරයා අවසන් ගමනේ
ගමේ එකාලා Thursday, 25 May 2023 08:55 PM
හරිම කණගාටුදායකයි. පුතේ ඔබට අමා මහ නිවන්සුව අත්වේවා..!!!
ලුම්බිණි Friday, 26 May 2023 06:31 AM
ලයිසන් ගන්න අවුරුදු 18 වෙනකම් ඉන්න කියන්නේ ඇයි කියලා තරුණ දරුවෝ තේරුම් ගත්තොත් හොඳයි. නිවන් අවබෝධ වේවා!
නීල් Friday, 26 May 2023 12:06 PM
ගිහින් තියෙන වේගය හිතාගන්න පුළුවන්... අන්නාසි ගෙඩිය ගිහින් තියෙන දුර ගැන හිතපුවාම. මාමණ්ඩිය වත් කීවේ නැද්ද හෙමින් පරෙස්සමින් යමන් පුතේ කියලා... ඔබට නිවන් සුව පතමු...