(ඩයනා උදයංගනී)
ගුවන් හමුදාව සිය 70 වන සංවත්සරය නිමිත්තෙන් ඉදිකළ “කණුගහවැව ආදර්ශ ගම්මානය” ජනාධිපති ගෝඨාභය රාජපක්ෂ මහතා අතින් ඉකුත් දා විවෘත කෙරිණි.
කැබිතිගොල්ලෑව “ගම සමඟ පිළිසඳර” වැඩසටහනේදී ජනතාව ඉදිරිපත් කළ දුක් ගැනවිලිවලට විසඳුමක් ලෙස ජනාධිපති ගෝඨාභය රාජපක්ෂ මහතා කළ ඉල්ලීම අනුව ගුවන් හමුදාව විසින් මෙම ගම්මානය ඉදිකරනු ලැබිණි.
ගුවන් හමුදාවේ 70 වන සංවත්සරය නිමිත්තෙන් කණුගහවැව ග්රාමයේ නිවාස ඇතුළු අවශ්යතා සංවර්ධනය ගුවන් හමුදාපති එයාර් මාර්ෂල් සුදර්ශන පතිරණ මහතා විසින් බාරගන්නා ලදී.
අවශ්යතා හඳුනාගෙන සැලසුම් ඉදිරිපත් කිරීමේ වගකීම ගමේ විහාරාධිපති හිමියනට, ප්රාදේශීය ලේකම්වරයාට, ප්රාදේශීය සභාවේ සභාපතිවරයාට සහ ග්රාම නිලධාරීවරයාට ජනාධිපතිවරයා විසින් පවරනු ලැබිණි.
ඒ අනුව ඉදිවූ කණුගහවැව ගම්මානය විවෘත කිරීමේ අවස්ථාවට ගිය ජනාධිපති රාජපක්ෂ මහතා පළමුව අභිනවාරාම විහාරස්ථානය වෙත ගොස් ආගමික වතාවත්වල නිරතවීමෙන් පසු විහාරාධිපති හිමියන් බැහැ දැක සුහද පිළිසඳරක නිරත විය.
යෝජිත වෙහෙර වහන්සේ ඉදිකෙරෙන භූමිය, අභිනවයෙන් ඉදිකෙරුණු බෝධිඝරය, ආවාස ගෙය සහ වැඩ අවසන් කෙරුණු ඝණ්ඨාර කුළුණ ජනාධිපතිවරයාගේ නිරීක්ෂණයට ලක් විය.
කණුගහවැව ප්රාථමික විද්යාල භූමියට පැමිණි රාජපක්ෂ මහතා නව නිවාස 12 ක සහ “ගුරු නිවාසයෙහි” යතුරු නිවාස හිමිකරුවන්ට සහ විදුහල්පතිවරයාට බාර දුන්නේය.
ගුවන් හමුදා සේවා වනිතා ඒකකය මගින් පාසල් දරුවන්ට නිල ඇඳුම් සහ පාසල් උපකරණ ප්රදානය කෙරිණ.
කණුගහවැව ප්රාථමික විද්යාලයේ ක්රීඩා පිටිය, ආදර්ශ ගෙවතු වගා ව්යාපෘතිය, ගුරු නිවස සහ ජංගම අක්ෂි රෝහලේ සිදුකල අක්ෂි සැත්කම් ජනාධිපතිවරයාගේ නිරීක්ෂණයට ලක්විය.
කණුගහවැව ග්රාමයේ ඉඩම් ඔප්පු අහිමි පස් දෙනෙකුට ඔප්පු ප්රදානය ද මෙහිදී සංකේතාත්මකව සිදු විය.
අනතුරුව කණුගහවැව ආදර්ශ ගම්මානය වෙත ළගා වූ ජනාධිපතිතුමා අලුතින් ඉදිකළ නිවසක් සහ කණුගහවැව ආදර්ශ ගම්මානයේ අලුතින් ඉදිකළ කි.මි 15ක් දිග අලිවැට ද නිරීක්ෂණය කළේය.
අසළ නිවසකට ගිය එතුමා නිවැසියන් සමග සුහද කථා බහක නිරතවෙමින් තොරතුරු විමසීය.
ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්රයක් ශ්රී ලංකාවට හඳුන්වා දී තිබේ.
ජනාධිපති රනිල් වික්රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.
විශ්ව විද්යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්රියාත්මක කළ ක්රියාමාර්ගය නිමාකරමින් අද සිට පේරාදෙණිය විශ්ව විද්යාලීය පීඨ නමයෙහ
සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.
විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්රේර් මෙනවිය කිරු
සිංහල අලුත් අවුරුද්දේ ප්රධානම චාරිත්රය වන වැඩ අල්ලීම සහ ආහාර අනුභවය කිරීමේ නැකත උදා විය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගුවන් විරුවන් හදපු ගම ජනපති විවෘත කරයි
janahitha Thursday, 08 April 2021 03:56 AM
අගය කරනවා දුප්පත් අය වෙනුවෙන් ඉහත ආකාරයේ නිවාස හමුදාව මගින් ඉදිකර දෙන්නේ නම් බොහෝමයක් දෙනා මුදල් පරිත්යාග කරාවි.
Ranjit Thursday, 08 April 2021 09:25 AM
උත්සවේට ගිය සම්පුර්ණ වියදමෙන් තව ගෙවල් කීයක් හදන්න පුළුවන් වෙයිද දන්නේ නෑ නේද? අවශ්ය වෙන්නේ බඩුවලට යන වියදම විතරනේ.. ශ්රමය පිනටනේ.
saman Sunday, 11 April 2021 12:21 PM
කාටත් ඡන්ද කාලේදී පමණක් මතක් වෙන "ගමට" ගොස්, ඔවුන්ගේ අවශ්යතා සොයා බැලීම යහපත් දෙයක්.