හැදුවේ 19 වැනි සංශෝධනයෙන්
කොමිසම තිබුණත් පසුගිය කාලෙ සොරකම් කළා
ජනපති
(අජන්ත කුමාර අගලකඩ)
දහනව වැනි ව්යවස්ථා සංශෝධනයෙන් හඳුන්වාදෙනු ලැබූ ජාතික විගණන කොමිසම යෝජිත 20 වැනි ආණ්ඩුක්රම ව්යවස්ථා සංශෝධනයෙන් ඉවත් කිරීමට අවධානය යොමුවී ඇතැයි රජයේ ආරංචිමාර්ග කියයි. විසිවැනි ආණ්ඩුක්රම ව්යවස්ථා සංශෝධනය යටතේ ජාතික විගණන කොමිසම තවදුරටත් පවත්වාගෙන යන්නේ ද නැද්ද යන්න සම්බන්ධයෙන් ආණ්ඩුව පසුගිය සතිය වන තෙක්ම තීන්දුවක් ගෙන නොතිබූ නමුත් එම කොමිසම අහෝසි කළ යුතු බවට ආණ්ඩුව මේ වනවිට ස්ථාවරයකට පැමිණ ඇති බව වාර්තා වේ.
ආයතනවල කටයුතු විගණනය කිරීම අවශ්ය වුවද මෙම ජාතික විගණන කොමිසම මගින්, රාජ්ය නිලධාරින් බිය කර ඇති නිසා එය අහෝසි කළ යුතු බව රජයේ බහුතරයකගේ අදහස වී ඇති බව ද එම ආරංචිමාර්ග කියයි.
ඉකුත් බදාදා පැවැති කැබිනට් රැස්වීමේ දී ද මේ සම්බන්ධයෙන් දීර්ඝ වශයෙන් සාකච්ඡා කර ඇත.
එහිදී අදහස් දක්වා ඇති ජනාධිපති ගෝඨාභය රාජපක්ෂ මහතා හොරකම් නතර කිරීම සහ විගණනය කිරීම යනු කාරණා දෙකක් බවත්, විගණන කොමිසම තිබූ නමුත් පසුගිය ආණ්ඩුව සමයේ මහා පරිමාණ හොරකම් සිදු වූ බවත් පවසා ඇත.
රාජ්ය නිලධාරින් අනවශ්ය ලෙස බියකර හිරකර තැබීමෙන් රට පවත්වාගෙන යා නොහැකි බව ද තීන්දු තීරණ ගෙන රාජ්ය නිලධාරින්ට නිදහසේ කටයුතු කිරීමට හැකි වාතාවරණයක් ඇති කළ යුතු බව ද ජනාධිපතිවරයා එහිදී පෙන්වා දී ඇත.
ඉකුත් ආණ්ඩුව සමයේ නිලධාරින් වැඩ නොකළ බවත්, අණ්ඩුවෙන් ද වැඩක් නොවුණ බවත් පවසා ඇත. ජනාධිපතිවරයා නිලධාරීන්ට නිදහසේ වැඩ කළ හැකි පරිසරයක් නිර්මාණය කරන බව ද පවසා ඇත.
ඒ අතරම ආණ්ඩුවේ සොරකම් නතර කිරීම සඳහා ද වැඩපිළිවෙළක් ක්රියාත්මක කරන බව ද ජනාධිපතිවරයා සඳහන් කර ඇත.
ගැසට් කර ඇති 20 වැනි ආණ්ඩුක්රම ව්යවස්ථා සංශෝධනය ඒ ආකාරයෙන්ම පාර්ලිමේන්තුවට ඉදිරිපත් කර විවාදයට ගැනීමටත්, සංශෝධන ඇත්නම් ඒවා කාරක සභා අවස්ථාවේ දී ඉදිරිපත් කර අවශ්ය සංශෝධන සිදුකිරීමටත් රජය තීරණය කර ඇත.
ජනාධිපතිවරයාගේ ධුර කාලය වසර 5කට සීමා කිරීම ජනාධිපතිවරයාට වාර දෙකක් පමණක් ධුරය දැරිය හැකිවීම, පාර්ලිමේන්තුවේ නිල කාලය වසර 5 කට සීමා කිරීම සහ තොරතුරු දැන ගැනීමේ අයිතිය මූලික මිනිස් අයිතිවාසිකමක් ලෙස පිළිගැනීම යන වගන්ති හැර 19 වැනි සංශෝධනයෙන් පැනවූ අනෙක් සියලු වගන්ති 20 වැනි ව්යවස්ථා සංශෝධනයෙන් අහෝසි කෙරෙනු ඇති බව ද පැවසේ.
20 වැනි ව්යවස්ථා සංශෝධන පනත් කෙටුම්පත අනිද්දා (22) පාර්ලිමේන්තුවට ඉදිරිපත් කිරීමට ද නියමිතව ඇත.
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
පසුගිය වසරේ මුල් මාස නවයේදී දෙලක්ෂ විසි හතර දහස් එකසිය තිස් තුන් දෙනකු විදේශ රුකියාවලට පිටත්ව ගොස් ඇතැයි ශ්රී ලංකා මහා බැංකුවේ වාර්තාවල දැක්වෙන බව පේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විගණන කොමිසමත් 20න් අහෝසියි