මාස්ක් නැතිව කඩේ ගිය ඩෙන්මාර්ක අගමැතිනියට දඩ

'කොවිඩ් 19' වසංගතය හේතුවෙන් යළිත් වරක් ප්‍රසිද්ධ ස්ථානවල මුහුණු ආවරණ අනිවාර්ය කර තිබියදී, මුහුණු ආවරණයක් නොමැතිව, රෙදිපිළි වෙළෙඳ සැලකට ගොඩවුණු ඩෙන්මාර්ක අග්‍රාමාත්‍යවරිය මෙට් ෆෙඩ්රික්සන්ට දඩ නියම විය.

අග්‍රාමාත්‍යවරිය මාස්ක් නැතිව ඇඳුම් තෝරන අයුරු දැක්වෙන වීඩියෝ දසුන්, එරට පුවත් නාළිකා ඔස්සේ විකාශය වීමට පටන් ගත්තේ පසුගිය සිකුරාදා (3) ය. එම දසුන් රූගත කර ඇත්තේ වෙළෙඳසැලට ආ තැනැත්තකු බව ද පැවැසෙයි.

'සෞඛ්‍ය අංශ මුහුණු ආවරණ අනිවාර්ය කර තිබියදී, මා වගකීම් විරහිතව හැසිරීම ගැන කනගාටු වෙනවා. එය මා අතින් සිදුවුණු වරදක්. ඒ ගැන මා සමාව ඉල්ලා සිටිනවා' යැයි අග්‍රාමාත්‍යවරිය ප්‍රසිද්ධියේ ඩෙන්මාර්ක වැසියන්ගෙන් සමාව ඉල්ලිමක් කර තිබේ.

සෞඛ්‍ය අංශ ලබා දුන් උපදෙස් සහ නිර්දේශ සැලකිල්ලට ගනිමින්, 'කොවිඩ් 19' වසංගතය පාලනය කර ගැනීමට මුහුණු ආවරණ අනිවාර්ය කිරීමත් ප්‍රසිද්ධියේ මුහුණු ආවරණ නොපලඳින්නේ නම් ඩෙන්මාර්ක ක්‍රෝනර් 2,500 ක දඩයක් නියම කිරීම කළේ ද අග්‍රාමාත්‍යවරිය මැදිහත් වීමෙනි.

ඩෙන්මාර්කය යුරෝපා රාජ්‍යයකි. මේ වනවිට යුරෝපයේ යළි සීඝ්‍ර වශයෙන් 'කොවිඩ් 19' වර්ධනයක් දකින්න ලැබේ. මේ වනවිට ඔමික්‍රෝන් විකෘතිය ද යුරෝපා රටවල් රැසකින් වාර්තා වී තිබේ.

ඩෙන්මාර්ක සෞඛ්‍ය අංශ පෙන්වා දෙන ආකාරයට එරට මේ වනවිට මුහුණ දෙන්නේ 'කොවිඩ් 19' තෙවැනි රැල්ලටය. ඩෙන්මාර්කයෙන් හමුවුණු සමස්ත ආසාදිතයන් ගණන 5,06,085 කි. මරණ වාර්තා වන්නේ 2,939 ක් ලෙසය.

(රොයිටර්)

අදහස් (12)

මාස්ක් නැතිව කඩේ ගිය ඩෙන්මාර්ක අගමැතිනියට දඩ

Siri Sunday, 05 December 2021 10:35 AM

ඊයේ, පෙරේදා මොකක්ද ජනතා අයිතියට පවරාදීමේ උත්සවයට ගියා. අපේ ලොක්කයි, අයියගේ ලොක්කයි මාස්ක් නැතිව වැඳගෙන හිටියා. ‘‘එක රටක්... එක නීතියක්‘‘ වල් වැදුණා.

: 4 22

lalSunday, 05 December 2021 03:49 PM

මාස්ක් නැතිව කියන එකට වඩා හිනායනවා. ඒක හරියි, ඒ ජනාධිපතිනේ..! කියලා වීරසේකර එක් සාකච්ඡාවකදී කියපු කතාව... නියම රට... එක රටක්, එකම නීතියක්...

: 0 8

J.M.Jayabahu Senarath Sunday, 05 December 2021 10:43 AM

නීතියට ගරුකිරීම ඉතා වැදගත්... ඇය හොඳ නායිකාවක්...

: 1 20

සුරනිමල Sunday, 05 December 2021 11:19 AM

බලන් යනකොට ඒ රටවල්වල තමයි එකම රටක්... එකම නීතියක් තියෙන්නේ....

: 2 21

අගුපිලගේ Sunday, 05 December 2021 11:45 AM

සකල සිරින් පිරි සිරි ලංකාවේ නම් වීඩියෝ ගතකළ කෙනා සොයාගෙන පොලිස් ඇස අස්සක් මුල්ලක් සොයන්න ගනීවි... කෙනා බැරි වුණොත් පින්තූරයක් සකසා පුවත් පල කරාවි.. කැමරාව හෝ ෆෝන්එක පෙන්නන්න රාත්‍රියේ එක්ක යාවි. එහෙමයි ආසියාවේ ආශ්චර්ය, අපේ තියෙන්නේ එක රටක්, එක නීතියක් නොවැ...

: 3 20

ravin Sunday, 05 December 2021 12:27 PM

ආ.. එහෙත් එහෙමද? මෙහෙත් එහෙමයි..?

: 0 12

Don Sunday, 05 December 2021 12:45 PM

අපේ සර්ට තරහා ගියාම මාස්ක් එක ගලවයි වටේ ඉන්න කට්ටියට බනින්න. ඉතින් වටේ කට්ටිය කෙළ නාගෙන ගෙදර යන්නේ...

: 0 8

Sriland Sunday, 05 December 2021 12:54 PM

ඔයා අයෙත් හදන්නේ කොරෝනා බොරුව ජනගත කරලා සල්ලි හම්බ කරන්න. ඉස්සර යුදායුධ විකුණපු රටවල් දැන් කරන්නේ වැක්සීන් හදලා විකුණන එක...

: 6 1

සනත් ගමගේ Sunday, 05 December 2021 01:16 PM

ආදිවාසී නායක ඇත්තෝ මාර්ස් නැතිව දානය පිළිගන්වනවා ඡායාරූපයක් පලකරලා තිබුණා දැක්කා.. ගෙදර ඇත්තෝ මියගියේ කොරෝනාවෙන් කියලාවත් නායක ඇත්තන්ට අමතක වෙලා හරි නම් නීතිය ක්‍රියාත්මක විය යුතුයි...

: 3 4

අබිලින්Sunday, 05 December 2021 02:28 PM

සනත් මහත්තයෝ, කියන්නකෝ ඒකට දායකත්වය දුන්නේ කවුද කියලා..? එයත් මෙතන ඉන්නවා වගේ පින්තූරයක් දැක්කා. ඒවාට තමයි කියන්නේ නඩුත් බඩුත් හාමුදුරුවන්ගේ කියලා...

: 0 6

ලමය Sunday, 05 December 2021 01:57 PM

මෙහේ ඔය වගේ දෙයක් වුණා නම් දඩගහපු මේ වෙලාවේ වල පල්ලට ගිහිල්ලා...

: 0 6

kamani Monday, 06 December 2021 12:32 PM

මාධ්‍ය මගින් පිටරටවල දේශපාලඥයන්ගේ මේ වගේ යහපත් පුරුදු වඩ වඩාත් ප්‍රසිද්ධ කළ යුතුයි. අපේ දේශපාලුවන් ලැජ්ජාවක් නැති පිරිසක් වුනත්, මෙවැනි දේ පළ කළ විට අපේ මෝඩ ජනතාවවත් ටික ටික තේරුම් ගනීවි දේශපාලන ඉත්තො වෙලා ඉන්නේ අපි විතරයි කියලා.

: 0 0