(නිමන්ති රණසිංහ සහ සුජිත් හේවාජුලිගේ )
ආහාර ද්රව්ය ඇතුළු විවිධ භාණ්ඩ මිල අහස උසට ඉහළ යෑමෙන් පාඩු ලැබීම නිසා රටපුරා තරු මට්ටමේ හෝටල් ,විලා , ගෙස්ට් හවුස් ඇතුළු සංචාරක නිකේතන දස දහසකට වැඩි සංඛ්යාවක් සම්පූර්ණයෙන්ම වැසී ගොස් ඇතැයි
ශ්රී ලංකා හෝටල් හිමියන්ගේ සංගමයේ උප සභාපති සහ කෑගලු දිස්ත්රික් හෝටල් හිමියන්ගේ සංගමයේ ප්රධාන සංවිධායක ප්රියන්ත තිලකරත්න මහතා පැවසීය.
විදුලිය බිල ඉහළ යෑම නිසා හෝටල්, විලා,ගෙස්ට් හවුස් ඇතුළු සංචාරක නිකේතන තවත් දස දහසකට ආසන්න සංඛ්යාවක් වැසී යාමේ අවදානමක් මතුව ඇතැයිද ඔහු සඳහන් කළේය.
හෝටල් ක්ෂේත්රය මුහුණදී ඇති මෙම අර්බුදය හමුවේ එම ක්ෂේත්රයේ විවිධ රැකියාවන්හි නියුතුව සිටි පළපුරුදු සේවක සේවිකාවන් පනස් දහසක් පමණ විදේශයන්ට ගොස් ඇතැයි පැවසූ තිලකරත්න මහතා හෝටල් ඇතුළු සංචාරක නිකේතන පවත්වාගෙන යෑමට එය විශාල බාධකයක්වී ඇතැයිද ප්රකාශ කළේය.
සාමාන්ය විලා ලැගුම්හලක මෙතෙක් පැවතුණේ රුපියල් 10,000 කට ආසන්න විදුලි බිලක් වන අතර එම විදුලිබිල නව සංශෝධනය අනුව රුපියල් හැට දහසක් දක්වා ඉහළ යනු ඇතැයිද හෙතෙම සඳහන් කළේය.
හෝටල්වල විදුලි බිල තුන් ගුණයකින් පමණ වැඩිවී ඇතැයි හෝටල් හිමියෝ පෙන්වා දෙති.
එසේම හෝටල්වල වතුර බිලද විශාල වශයෙන් වැඩිවී ඇතැයි පවසන එම හෝටල් හිමියෝ පාන් පිටි බිත්තර මිල විශාල වශයෙන් වැඩි වීම නිසා හෝටල් වල කේක්,සැන්විච් යනාදී ආහාර ද්රව්ය පිළියෙල කිරීමද ගැටළුකාරීවී ඇතැයි සඳහන් කළේය.
මේ අතර විදුලිය විසන්ධි කිරීමද හෝටල් සහ විලා පවත්වාගෙන යෑමට ලොකු බාධකයක්වී ඇති බවත් විදුලි උත්පාදක යන්ත්ර නොමැති හෝටල් මෙහිදී බරපතළ ප්රශ්නයකට මුහුණදී සිටින බවත් ඔවුහු සඳහන් කරති.
විදුලිය විසන්ධි කාලසීමාවන් හිදී විදුලි උත්පාදක යන්ත්ර ක්රියාත්මක කිරීමට සිදුවීමෙන් බොහෝ හෝටල් වලට අමතර විශාල පිරිවැයක් දැරීමට සිදුව ඇතැයි ගාල්ල ප්රදේශයේ හෝටල් හිමියෙක් පැවසීය.
හෝටල්වල පාවිච්චි කරන ටොයිලට් පේපර්ස් ඇතුළු භාණ්ඩ වල මිල අහස උසට නැග ඇති බවත් රුපියල් 100ට පැවති එම පේපර්ස් බණ්ඩලයක මිල රුපියල් 400 දක්වා ඉහළ නැග ඇති බවත් ඔහු සඳහන් කළේය.
හෝටල්වලින් සියයට 95 ක් ම පවත්වාගෙන යන්නේ බැංකු වලින් ලබාගත් ණය මුදල් මඟින් බවත් හෝටල් වල ආදායම් මට්ටම විශාල වශයෙන් පහත යෑම නිසා අද ඒ හෝටල් හිමියන්ට බැංකු ණය පවා ගෙවා ගැනීමට නොහැකිව අසරණව සිටින බවත් වාර්තාවේ.
සමහර හෝටල් ඒවායේ හිමිකරුවන් විසින් වෙනත් පුද්ගලයන්ට කුලියට ලබා දෙනු ලැබ ඇතත් ඔවුන්ද එම හෝටල් පවත්වාගෙන යැමට නොහැකිව මුල් හිමිකරුවන්ටම ආපසු ලබාදී ඇත.
මේ අතර සංචාරක කර්මාන්තය කඩා වැටීමෙන් සංචාරක මගපෙන්වන්නන් 2000කට ආසන්න පිරිසක්ද යන එන මං නැතිව අසරණව සිටින බව සංචාරක මගපෙන්වන්නන්ගේ සංගමය පවසයි.
ඉරානයට ඊශ්රායල මිසයිල ප්රහාර එල්ල කිරීමත් සමඟ ලෝක වෙළෙඳපොළේ බොරතෙල් සහ රත්තරන් මිල ඉහළ ගොස් ඇතැයි විදේශ මාධ්ය වාර්තා කළේය.
විදුලි සේවකයන් විසිහතරදහසම නඩු දැම්මත් නව විදුලිබල පනත හකුලා නොගන්නා බවත් වැඩි පිරිසක් අධිකරණයට යෑමෙන් වඩාත් හොඳ පනතක් නිර්මාණය කිරීමේ හැකියාව ලැබෙ
දෙවුන්දර මුහුදු තීරයේදී නාවික හමුදාව මගින් අත්අඩංගුවට ගත් රුපියල් කෝටි 380 කට අධික වටිනාකමින් යුත් මත්ද්රව්ය තොගය රජයේ රස පරීක්ෂකවරයා වෙත යොමු කිරී
ගම්පහ දිස්ත්රික්කයේ ප්රදේශ රැසකට ලබන 24 වැනිදා පැය 12 ක කාලයක් ජල සැපයුම අත්හිටුවන බව ජල සම්පාදන හා ජලාපවාහන මණ්ඩලය පවසයි.
ආපදා කළමනාකරණ මධ්යස්ථානය දිවයිනේ වෙරළබඩ ප්රදේශ ආවරණය වන පරිදි දිස්ත්රික්ක දාහතරක කෝටි 13 කට වැඩි වියදමකින් ස්ථාපනය කෙරුණු සුනාමි සහ සුළි සුළං සඳහ
බ්රසීලයේ රියෝ ඩි ජෙනෙයිරෝ බැංකුවට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට ඇමෙරිකානු ඩොලර් 3250 ක (ශ්රී ලංකා රුපියල් ලක්ෂ 10 කට ආ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාඩු ලැබීමෙන් හෝටල්- සංචාරක නිකේතන දහදාහක් වැහිලා
mp Wednesday, 28 September 2022 09:42 AM
කියන්න ඩයනාට.... හදලා ගනියි...
fairoos Wednesday, 28 September 2022 01:35 PM
රනිල් රාජපක්ෂ ඇතුළු සෙට් එකම තොලොංචි වෙලා යන්න ඕනේ...!