(කේ.ආර්. රාජමන්ත්‍රී)

කැප්පෙටිපොළ ආර්ථික මධ්‍යස්ථානට අද දින  ගොවියන් සහ ව්‍යාපාරිකයන් ගෙනා එළවළුවල මිළ පහළ යාමේන් තමන් මහත් ආර්ථික අපහසුවට පත්ව ඇතැයි ගොවිහු මැසිවිළි නගති.

ඇදහැළුනු අධික වර්ෂාව හේතුවෙන් උමාඔය ආශ්‍රිත වගාබිම් මෙන්ම ජලය බැස යන කුඩා ඔයවල් පිටාර ගැලිම නිසා වැලිමඩ සානුවේ එළවළු කොටුවල පැවැති එළවළු වගාවන්ට දැඩි හානි සිදු විය. 

වර්ෂාව නිම විමත් සමගම වගාබිම්වල  ඉතිරිව තිබු එළවළු  විනාශවි යාමේ අවදානමක් හේතුවෙන් ගොවින් මේ වන විට තම වගා අස්වනු කැප්පෙටිපොළ ආර්ථික මධ්‍යස්ථානයට රැගෙන එන බව පැවසේ.

නායයැම් නිසා මාර්ග අවහිර විම නිසා බාහිර වෙළදුන්ගෙන් බහුතරයක් නොපැමිණ‍ෙන බව කැප්පෙටිපොළ ආර්ථික මධයස්ථානයේ වෙළෙන්දෝ පවසති.

එනිසා එලවළු මිළ පහත වැටිමට ලක්ව ඇති බවත් ඔවුහු පවසති.

කැරැට් කිලෝවක් රුපියල් 250- 300, බෝංචී රුපියල් 800-850යි වම්බටු කිලෝව රුපියල් 100-120යි, තක්කාලි කිලෝව රුපියල් 200-220යි ,ලීකුස් කිලෝව 180-200 යි, බීට් කිලෝව රුපියල් 250-300 යි, ගෝවා කිලෝව රුපියල් 100- 120 යි වැලිමඩ අර්තාපල් කිලෝව රුපියල් 300-320 වැනි මුදලකට අලෙවි විය.

අනෙකුත් උඩරට එළවළු මිළත් පහත වැටිලා. අද සවස් වෙන විට තවත් එළවළු රැගෙන ඒවි ඒ අනුව එළවළු විකුණා ගැනිමේ ගැටළුවක් තිබෙනවා. වැලිමඩ නුවර එළිය මාර්ගය හරහා කොළඹ මාර්ගයේනාය යැම් නිසා එළවළු කොළඹ මැනින් වෙළදපොළට යැමේ අර්බුදයක් මතුව තිබෙනවා යායි ගොවීහු පැවැසූහ.