(ඩයනා උදයංගනී)

පොදුජන යහපත වෙනුවෙන් තීරණයක් ගන්නවා නම් ඒ වෙනුවෙන් ඕනෑම පරිත්‍යාගයකට සූදානම් බව අග්‍රාමාත්‍ය මහින්ද රාජපක්‍ෂ මහතා පැවසීය.

ජනාධිපතිවරයාට බාධාවකින් තොරව තීන්දුවකට එළඹිය හැකි බව කී රාජපක්‍ෂ මහතා 69 ලක්‍ෂයක ජනතාවගේ අභිලාශය පාවා දෙන්නට කාටවත් අයිතියක් නැතැයි ද සඳහන් කළේය.

දේශපාලන අභිලාශයන් වෙනුවෙන් රට අරාජික කිරීමට තමාට අවශ්‍යතාවයක් නැතැයි ද හෙතෙම ප්‍රකාශ කළේය.

අග්‍රාමාත්‍යවරයා මේ බව පැවසුවේ තමාට සහය පළ කරමින් අරලියගහ මන්දිරයට අද (9) පැමිණි ජනතාව හමුවේ විශේෂ ප්‍රකාශයක් කරමිනි.

දෙකඩවීමට ගිය මාතෘභූමිය රැකදෙන්නට ලැබීම තම දේශපාලන ජීවිතයේ හොඳම සිහිවටනය බව ද අග්‍රාමාත්‍යවරයා කීවේය.

අභියෝග හමුවේ පලායාමේ සිරිතක් තමන්ට නැතැයි කී මහින්ද රාජපක්‍ෂ මහතා තමන් දේශපාලනයට ගෙනආවේ ජනතාව තැබූ විශ්වාසය බවත්, ජනතාවත් සමඟ එක් තීරණයකට පැමිණීමට තමන් සූදානම් බවත් වැඩිදුරටත් සඳහන් කළේය.