(අංජුල මහික වීරරත්න)

කෘෂිකර්ම අමාත්‍යාංශයට අයත් ආයතනයක් වන හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු ආයතනයේ නව සභාපතිවරයා වශයෙන් ආචාර්ය ගොයිගොඩගමගේ බන්දුල මහතා පත් කරනු ලැබ තිබේ.

කෘෂිකර්ම, වනජීවී හා වන සම්පත් සංරක්ෂණ අමාත්‍ය මහින්ද අමරවීර මහතා මෙම පත්කිරීම කර ඇත.

බන්දුල මහතා රුහුණු විශ්ව විද්‍යාලයේ කෘෂිකර්මය පිළිබඳ ආචාර්ය උපාධිය ද, එක්සත් රාජධානියෙන් කෘෂිකර්මය පිළිබඳ MSc උපාධිය ලබා ඇති අතර ඔහු රුහුණු විශ්ව විද්‍යාලයේ විද්‍යාවේදී උපාධිධරයෙකි. 

එමෙන්ම බන්දුල  මහතා කුඩා තේ වතු සංවර්ධන අධිකාරිය, මඟ නැඟුම, ජාතික ආහාර ප්‍රවර්ධන මණ්ඩලය, ශ්‍රී ලංකා රාජ්‍ය වැවිලි සංස්ථාව, තේ පර්යේෂණායතනය ඇතුළු ආයතන රැසක අධ්‍යක්ෂ මණ්ඩල සාමාජිකයෙක් වශයෙන් ද කටයුතු කර ඇත.

ආචාර්ය ගොයිගොඩගමගේ බන්දුල මහතා හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු ආයතනයේ සභාපතිවරයා වශයෙන් පත් කිරීම සඳහා උසස් තනතුරුවලට නිලධාරීන් පත් කිරීමේ ජනාධිපති කමිටුව මඟින් අනුමැතිය ලබා දී ඇත.