ඉස්ලාම් බැංකු මූලධර්මවලට අනුව ශ්‍රී ලංකාව තුළ ක්‍රියාත්මක වන අමානා බැංකුව ශ්‍රී ලංකාව වෙත ක්ෂණික ප්‍රේෂණ සේවා සැපයීම සඳහා පසුගියදා අල් සමාන් එක්ස්චේන්ජ් සමඟ එකඟතාවයකට පැමිණියේය.

මෙම එකඟතාවය හරහා කටාර් හි වෙසෙන ශ්‍රී ලාංකිකයන්ට වඩාත් විශ්වාසනීයත්වයෙන් පහසුවෙන් අමානා බැංකුවේ ඇති තම බැංකු ගිණුමට හෝ තම ඥාතීන්ගේ බැංකු ගිණුම්වලට මෙන්ම එසේත් නැතිනම් ශ්‍රී ලංකාවේ වෙනත් බැංකුවකට රුපියල් හෝ ඇමෙරිකානු ඩොලර්වලින් මුදල් යැවීමට හැකියාව ලැබෙයි.

කටාර් හි ප්‍රමුඛ පෙළේ ප්‍රේෂණ ආයතනයක් වන අල් සමාන් එක්ස්චේන්ජ් ආයතනය සතුව මේ වනවිට ශාඛා 7 කින් යුතු ජාලයක් ඇති අතර ඒවා සතියේ දින 7 පුරාම විවෘතව පවතී. එම ශාඛා මගින් අල් සමාන් ආයතනයේ පුළුල් විදෙස් විනිමය අනුපාතවලට අනුව ඉතාමත් විශ්වාසනීයව සහ පහසුවෙන් මුදල් යැවීමට හැකියාව ඇත.

අමානා බැංකුවේ ශාඛා 26 ක් මේ වනවිට ශ්‍රී ලංකාවේ උපාය මාර්ගික ස්ථානවල පවත්වාගෙන යන අතර බැංකුවේ ගනුදෙනුකරුවන්ට අවශ්‍ය සේවාවන් ලබාගැනීම සඳහා බලයලත් වීසා සහ ඒටීම් යන්ත්‍ර 3500 ක් ශ්‍රී ලංකාවේ විවිධ ස්ථානවල ස්ථාපිත කර ඇත. එසේම අමානා බැංකුවේ ගිණුම් හිමියන්ට සිය වීසා ඩෙබිට් කාඞ්පත උපයෝගී කරගනිමින් ශ්‍රී ලංකාව සහ ලොව පුරා විසිරී සිටින වෙළෙන්දන් 40,000 කට අධික පිරිසකගෙන් භාණ්ඩ සහ සේවා ලබාගැනීමේ පහසුව හිමිවෙයි.