ධීවර ගැටලුව සම්බන්ධයෙන්  ඉන්දියාව සමඟ සාකච්ඡා කිරීමට පෙර මෛත්‍රීපාල සිරිසේන ජනපති හා රනිල් වික්‍රමසිංහ අගමැති සමඟත් අමාත්‍ය මණ්ඩලය හා ධීවර ප්‍රජාව නියෝජනය කරන පාර්ශව සමඟත් සාකච්ඡා කර තීරණයක් ගන්නා බව ධීවර හා ජලජ සම්පත් සංවර්ධන අමාත්‍ය මහින්ද අමරවීර මහතා කියයි. 

ඉන්දීය ධීවරයන් මෙරට මුහුදේ ධීවර කටයුතුවල නිරත වීම නිසා ඇති ව තිබෙන අර්බුදයට ස්ථීර පිළියමක් සෙවීමට එරට විදේශ අමාත්‍ය සුෂ්මා ස්වරාජ් ඇතුළු අමාත්‍යවරු පිරිසක් එරට ධීවර නියෝජතයන් සමඟ පවත්වා ඇති සාකච්ඡා සම්බන්ධයෙන් කළ විමසුමකදී අමාත්‍යවරයා එසේ කීය.

ඉන්දියාවට පැමිණ මේ පිළිබඳ සාකච්ඡා කරන්නැයි තමාට විදේශ අමාත්‍යවරිය ඇතුළු අමාත්‍ය පිරිසක් ආරාධනා කර ඇතැයි ද ඒ අනුව මේ මස අගදී තමන් ඉන්දියාවට යෑමට අපේක්ෂා කරන බව ද අමරවීර මහතා කීය.