බොලිවුඩයේ කිරුළ නොපළන් රජුන් ලෙස සැලකෙන අමීර් ඛාන් තමන් රංගනයෙන් දායක වන අලුත්ම චිත්‍රපටය නියමිත දිනට එළිදැක්වීමට කටයුතු කරන බව ඔහු පසුගියදා මාධ්‍යය අමතමින් නිල වශයෙන් පවසා තිබුණා. පසුගිය කාලයේ මාධ්‍යයන් කිහිපයක්ම සිය අලුත්ම චිත්‍රපටය වූ 'දංගල්' දෙසැම්බර් 06, 10 සහ 13 වැනි දින වලදී ප්‍රදර්ශනය කරන බවට තොරතුරු ලබාදුන්නද අමීර් පවසන්නේ එම චිත්‍රපටය අනිවාර්යෙන්ම දෙසැම්බර් 23 වැනිදා දිනයේදී බොලිවුඩයට සමගාමීව ලොවපුරා ප්‍රදර්ශනය ආරම්භ කිරීමට සූදානම් කර ඇති බවයි.

වසර 51 ඈත ඉතිහාසයකට දිවයන කතා පුවතක් රැගත් මෙම 'දංගල්' චිත්‍රපටය ඉන්දියාවෙන් බිහිවූ සුපිරි මල්ලවපොර ශූරියක වටා ගෙතුණු කතාවක් පදනම් කරගෙන තිබේ. එළැඹෙන ජුලි මස 03 වැනිදා ප්‍රදර්ශනය වන සල්මාන්ගේ 'සුල්තාන්' චිත්‍රපටයද මල්ලවපොර ශූරයෙකු වටා ගෙතුණු කතාවක් මත නිර්මාණය කර ඇති අතර, ඒ පිළිබඳව මාධ්‍යය අමීර්ගෙන් ප්‍රශ්න කර තිබේ. එහිදී ඔහු පවසා ඇත්තේ 'සුල්තාන්' හා 'දංගල්' යනු චිත්‍රපට දෙකක් බවත්, තමා හා සල්මාන්ගේ රංගනයද එකිනෙකට වෙනස් නිසා මෙම චිත්‍රපට දෙකම සාර්ථක වනු ඇති බවයි.