(මනෝප්රිය ගුණසේකර)
හිටපු ජනාධිපතිවරයාගේ කාර්ය මණ්ඩල ප්රධානියාට හා රාජ්ය දැව සංස්ථාවේ හිටපු සභාපතිවරයාට ඇප නියම කරන්නැයි කළ ඉල්ලීම සම්බන්ධ නියෝගය අප්රේල් මස 02 වැනිදා ප්රකාශයට පත් කරන බව පළමුවැනි විශේෂ ස්ථිර ත්රිපුද්ගල මහාධිකරණ විනිසුරු මඩුල්ල අද (17) දැනුම් දුන්නේය.
ශ්රි ලංකා ආයෝජන මණ්ඩලයේ ව්යාපෘතියක් වශයෙන් ලංකාවේ සීනී නිශ්පාදනය කිරීම සඳහා එම්. ජී. ෂුගර් පුද්ගලික සමාගමට රජය මගින් පවරා දී ඇති කන්තලේ සීනි සමාගමට අයත් යන්ත්ර සුත්ර සහ ගොඩනැගිලි පවරා දීමට අනුමැතිය ලබා දීමට රුපියල් කෝටි 5 1/2 ක අල්ලසක් ඉල්ලා ඉන් කෝටි 02 ක් ලබාගැනීමේ චෝදනාවන්ට වරදකරුවන් වී ඔවුහු සිරදඬුවම් හා දඩ නියමවී සිටිති.
විශේෂ ස්ථිර ත්රිපුද්ගල මහාධිකරණ විනිසුරු මඩුල්ලේ නියෝගයට එරෙහිව ශ්රේෂ්ඨාධිකරණයට ඉදිරිපත් කර ඇති අභියාචනයේ තීන්දුව ලැබෙනතුරු තම සේවාදායකයින්ට ඇප නියම කරන්නැයි කළ ඉල්ලීම සළකා බැලු ත්රිපුද්ගල මහාධිකරණ විනිසුරු මඩුල්ල මෙම ඉල්ලීම සම්බන්ධයෙන් වන ලිඛිත දේශන ලබන මාර්තු මස 10 වැනිදා ඉදිරිපත් කිරීමටද නියම කළේය.
හිටපු ජනාධිපතිවරයාගේ කාර්ය මණ්ඩල ප්රධානි ආචාර්ය ඉදිකැටිය හේවගේ කුසුම්දාස මහානාම මහතා සහ රාජ්ය දැව සංස්ථාවේ සභාපතිවරයා ලෙස කටයුතු කළ පියදාස දිසානායක මහතාට ඇප නියම කරන්නැයි කළ ඉල්ලීම සළකා බැලු මෙම නඩුව විභාග කළ විශේෂ ස්ථිර ත්රිපුද්ගල මහාධිකරණයේ විනිසුරුවරුන් වන සම්පත් අබේකෝන් (සභාපති) සම්පත් විජේරත්න සහ චම්පා ජානකී රාජරත්න යන මහත්ම මහත්මීන් විසින් එලෙස නියම කරන ලදී.
හිටපු ජනාධිපතිවරයාගේ කාර්ය මණ්ඩල ප්රධානි ආචාර්ය ඉදිකැටිය හේවගේ කුසුම්දාස මහානාම සහ රාජ්ය දැව සංස්ථාවේ සභාපතිවරයා ලෙස කටයුතු කළ පියදාස දිසානායක මහත්වරුන් විසින් නීතීපතිවරයා වගඋත්තරකරු කරමින් විශේෂ ස්ථිර ත්රිපුද්ගල මහාධිකරණයේ තීන්දුව ඉවත දමා තමන්ට ඇප නියම කරන්නැයි ඉල්ලමින් ශ්රේෂ්ඨාධිකරණයට අභියාචන දෙකක් ඉදිරිපත් කර ඇත.
ඒ අනුව හිටපු ජනාධිපතිවරයාගේ කාර්ය මණ්ඩල ප්රධානියාට වසර 20 ක සිරදඬුවමක්ද රාජ්ය දැව සංස්ථාවේ හිටපු සභාපතිවරයාට වසර 12ක බරපතල වැඩ සහිත සිරදඬුවමක්ද නියම කළ නියම කළ විශේෂ ස්ථිර ත්රිපුද්ගල මහාධිකරණ විනිසුරු මඩුල්ල ලංකා ඉතිහාසයේ විශාලතම අල්ලස් මුදල ලබාගත් ජ්යෙෂ්ඨතම රාජ්ය සේවකයින් වන පළමු විත්තිකරුට රුපියල් 65,000/-කද දෙවැනි විත්තිකරුට රුපියල් 55,000/-ක දඩ මුදල්ද නියම කෙරිණි.
ශ්රේෂ්ඨාධිකරණයට ඉදිරිපත් කළ අභියාචන දෙකේ තීන්දුව ලැබෙනතුරු කුසුම්දාස මහානාම සහ පියදාස දිසානායක මහත්වරුන්ට ඇප නියම කරන්නැයි ඔවුන් වෙනුවෙන් පෙනී සිටි නීතීඥවරුන් අධිකරණයට ඉල්ලීම් ඉදිරිපත් කොට තිබිණි.
පැමිණිල්ල වෙනුවෙන් පෙනී සිටි රජයේ ජේෂ්ඨ නීතීඥ ජනක බණ්ඩාර මහතා කරුණු ඉදිරිපත් කරමින් මෙම ඉල්ලීම සම්බන්ධයෙන් තමන් තරයේ විරුද්ධ වන්නේ යැයි පැවසීය.
දෙපාර්ශයේ කරුණු සැළකිල්ලට ගැනීමෙන් අනතුරුව විනිසුරු මඩුල්ල අදාළ නියෝගය නිකුත් කළේය.
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇප ඉල්ලීමේ නියෝගය අප්රේල් 2 දා
උක්කු බණ්ඩා Tuesday, 18 February 2020 04:04 AM
අධිකරණයෙන් දඬුවම් නියමවුවන්ට මහතා හෝ මහත්මිය ලෙස ආමන්ත්රණය කිරීම එම වචනයට කරන අගෞරවයක් යයි සිතමි. මහත්මා ගති ඇත්තන් මෙවෙනි දෑ කිරීමට නොපෙළඹෙයි.
denin Tuesday, 18 February 2020 04:56 AM
දැන් මේ සීනි කර්මාන්ත ශාලාවේ තත්වය මොකක්ද කියා සොයාබලා මාධ්ය මගින් රටට දන්වනවා නම් එය ලොකු සේවයක්.