(ඩී.ජී.සුගතපාල)
බන්ධනාගාරගතව සිටින අපරාධකරුවකු වන ‘වෙලේ සුදා’ නමැත්තාගේ මස්සිනා වන තැනැත්තා අත්අඩංගුවට ගෙන අධිකරණයට ඉදිරිපත් කිරීමෙන් පසු රැඳවුම් නියෝග මත රඳවා සිටියදී, ලබන 21 දක්වා රිමාන්ඩ් බන්ධනාගාර ගතකරන ලෙස ගාල්ල ප්රධාන මහේස්ත්රාත් හර්ෂණ කැකුණවෙල මහතා අද(14) නියෝග කළේය.
මෙසේ රිමාන්ඩ් බන්ධනාගර ගත කරනු ලැබුවේ අඟුලුගහ ජාගොඩගේ වසන්ත පුෂ්ප කුමාර නැමැති සැකකරුවෙකි.
හෙරොයින් මිලි ග්රෑම් 1330ක් මුදල්, රුපියල් 37,500ක්, ජංගම දුරකතන 4ක් සහ බැංකු ගිණුම් පොතක් ද සමග ඉකුත් (09)වැනිදා රාත්රියේ ඉමදුව පොලිසිය සැකකරු අත්අඩංගුවට ගැනීමෙන් පසු රැඳවුම් නියෝග මත පොලිසිය රඳවා තබාගෙන විමර්ශන පැවැත්වීය.
පොලිසිය ඊයේ වැඩිදුර වාර්තාවක් ඉදිරිපත් කරමින් අධිකරණයට කියාසිටියේ සැකකරු, වෙලේසුදා නමැත්තා වේවායි ප්රාර්ථනා කරමින් ගවයින් 20දෙනෙකු නිදහස් කර ඇති අතර කරාපිටිය රෝහලේ පිළිකා වාට්ටුවේ රෝගින්ට ද මුදල් පරිත්යාග කර ඇති බවය.
පසුගිය වසර තුළ සැකකරුගේ බැංකු ගිණුමෙන් රුපියල් විසි ලක්ෂයකට අධික මුදලක් සංසරණය වී ඇති බවද දුරකතන වාර්තා අනුව ‘වෙලේ සුදා’ සහ ඔහුගේ බිරිඳ සමග සම්බන්ධකම් පවත්වා ඇති බව අනාවරණය වී ඇති බවද පොලිසිය වැඩි දුර වාර්තාවක් ඉදිරිපත් කරමින් කියා සිටියේය.
සැකකරු වෙනුවෙන් පෙනී සිටි නීතිඥවරිය සැකකරුගේ බිරිඳගේ ජංගම දුරකතනය සහ ජාතික හැඳුනුම්පත මුදා හරින ලෙස ඉල්ලා සිටියාය. ඒ අනුව, සැකකරුගේ බිරිඳගේ ජාතික හැඳුනුම්පත මුදා හැරිමට මහේස්ත්රාත්වරයා නියෝග කළේය.
ඉමදුව පොලිස් ස්ථානාධිපති පොලිස් පරික්ෂක උපුල් කුමාර මහතාගේ උපදෙස් පරිදි සැරයන් කරුණාදාස(6115), කොස්තාපල් චාමර(89466) යන මහත්වරුන් විසින් පැමිණිල්ල මෙහෙයවන ලද අතර සැකකරු වෙනුවෙන් නීතීඥ සෙව්වන්දි රණවිර මෙනෙවිය පෙනී සිටියාය.
මැණික් ව්යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා
රහසිගතව ඇමෙරිකාව ලබා දුන් දිගු දුර බැලස්ටික් මිසයිල ප්රථම වතාවට යුක්රේනය ක්රිමියාවේ රුසියානු ඉලක්ක වෙත පහරදීමට භාවිත කර ඇතැයි ඇමෙරිකානු බලධාරීහු
පලස්තීන ගැටලුවට සාධාරණ හා පුළුල් සාකච්ඡා සහිත දේශපාලන විසඳුමක් වෙනුවෙන් සහය දැක්වීමට ශ්රී ලංකාව අඛණ්ඩව කැපවී සිටින බව ජනාධිපති රනිල් වික්රමසිංහ ම
දුම්රිය සාමාන්යාධිකාරිවරයා ලෙස කටයුතු කළ එච්. එම්. කේ. ඩබ්.බණ්ඩාර මහතාගේ හදිසි අභාවය හේතුවෙන් පුරප්පාඩු වූ දුම්රිය සාමාන්යාධිකාරි තනතුරට සුදුසු නි
කොළඹ - කටුනායක අධිවේගී මාර්ගයේ ජා-ඇළ පිවිසුමේ දී අද දින සවස 3.00ට පමණ මෝටර් රථයක් පෙරලි ගියේය.
පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩ කිරීමේ සිද්ධියක් සම්බන්ධයෙන් අත්අඩංගුවට ගත් ප්රවීණ උසස් පෙළ සිංහල දේශක උපුල
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘වෙලේ සුදා’ගේ මස්සිනා රිමාන්ඩ්