(විනීතා එම් ගමගේ)
ජනාධිපතිවරණවල දී අපේක්ෂක සංඛ්යාව වැඩිවීම වැළැක්වීම සඳහා නීති ගෙන ඒමට යෝජනා සහිත කෙටුම්පතක් සකසා රජයට ඉදිරිපත් කිරීමට කටයුතු කරන බව පැෆරල් සංවිධානය කියයි.
විශේෂයෙන් ඇප මුදල වැඩි කිරීම, සියයට එකක් වත් ඡුන්ද නොගන්නා අපේක්ෂකයන්ට දඩ මුදලක් නියම කිරීම, අවුරුද්ද පුරා ක්රියාකාරි දේශපාලනයේ නොයෙදුණු පක්ෂවලින් අපේක්ෂකයන්ට ඉදිරිපත් වීමට අවස්ථාව ලබා නොදීම, පළාත් පාලන ආයතන, පළාත් සභා හා පාර්ලිමේන්තුවේ නියෝජිතයන් නැති පක්ෂවලින් අපේක්ෂකයන්ට ඉදිරිපත් වීමට අවස්ථාව ලබා නොදීම වැනි කරුණු තම කෙටුම්පතට ඇතුළත් කිරීමට බලාපොරොත්තු වන බව පැෆරල් විධායක අධ්යක්ෂ රෝහණ හෙට්ටිආරච්චි මහතා අද (25) පැවසීය.
අපේක්ෂකයෙක් ඉදිරිපත් කරන පක්ෂයක අවම වශයෙන් එක් නියෝජිතයෙක් හෝ පාර්ලිමේන්තුවේ සිටීම මෙන්ම පළාත් පාලන ආයතනවල ද නියෝජිතයින් අවම වශයෙන් 20 ක් වත් සිටීම අත්යවශ්ය කරුණක් සේ සැලකීම අවශ්ය යැයි ද හෙතෙම කියා සිටියේය.
මෙවැනි නීති ගෙන නොආවොත් ඉදිරියේ දී අති විශාල පිරිසක් ජනාධිපතිවරණවල දී ඉදිරිපත් වන බවත් එය නිදහස් හා සාධාරණ මැතිවරණයකින් තම අපේක්ෂකයා තෝරා ගැනීමට බාධාවක් වන බව ද හෙට්ටිආරච්චි මහතා කියා සිටියේය.
තම සංවිධානය සකස්කරන කෙටුම්පත ඉදිරියේ දී රජයට බාරදීමට බලපොරොත්තු වන බවත් මේ සම්බන්ධව නීති සකසන්නැයි රජයෙන් ඉල්ලා සිටින බවත් ඔහු වැඩිදුරටත් සඳහන් කළේය.
බාල බෙහෙත් ජාවාරම සම්බන්ධයෙන් රිමාන්ඩ් බාරයට පත්කර සිටින හිටපු සෞඛ්ය අමාත්ය කෙහෙළිය රඹුක්වැල්ල ඇතුළු වික්තිකරුවෝ ලබන 08 වැනිදා දක්වා තව දුරටත් රිම
සංවර්ධන ලොතරැයි මණ්ඩලය සිය වසර 40ක ඉතිහාසයේ වැඩිම ලාභය 2023 වසරේදී වාර්තා කර තිබේ.
කළුතර ප්රසිද්ධ පාසලක අද (28) දහවල් සිසුන්ට ලබාදුන් එන්නතින් පසු රෝගී වූ සිසුන් දස දෙනෙකු පමණ රෝහල් ගතකර ඇති බව කළුතර නාගොඩ ශීක්ෂණ රෝහල් ආරංචි මාර්ග සඳහන
ග්රෑන්ඩ්පාස්, සුගතදාස ක්රීඩාංගණය අසල පිහිටි ටයර් කඩයක ඇතිවූ ගින්නක් හේතුවෙන් තවත් ටයර් කඩයක් ඇතුළු කඩ තුනක් ගිනි ඇවිලමින් පවතී.
ශ්රී ලංකාවේ ජීවත්වන පුද්ගලයෙක්ට අවම මූලික අවශ්යතා ඉටුකරගැනීමට මසකට රුපියල් 17,014 ක මුදලක් අවශ්ය බව ජනලේඛණ හා සංඛ්යාලේඛන දෙපාර්තමේන්තුව පවසයි.
හෝමාගම දුම්රිය පොළ පාරේ ප්ලාස්ටික් භාණ්ඩ අලෙවි සැලක හිමිකරුවකුගේ නිවසකට ඇතුළු වූ පුද්ගලයෙකු එහි කාන්තාවකට තියුණු ආයුධ ප්රහාරයක් එල්ල කොට රුපියල් ල
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
පැෆරල් නව නීති හදයි
Chandima Monday, 25 November 2019 12:21 PM
කවුද සූත්තර පුංචද මේ නීති ගෙනෙන්න කිව්වේ? ස්වාධීන පුද්ගලයෙකුට පක්ෂයක් පිහිටුවාගෙනවත් තරඟ කරන්න අවස්ථාව නැති කරන්නයි යන්නේ...
අතුල Monday, 25 November 2019 01:15 PM
මේවා හරි පසුගාමී යෝජනා. කල යුත්තේ මැතිවරණ කටයුතු ඩිජිටල් කිරීම නොවේ ද ?
chandima Monday, 25 November 2019 04:26 PM
කවුද මේ පැෆරල්? කොහෙද තියෙන්නේ? කවුද සාමාජිකයෝ? කවුද එකේ නිලධාරීන් පත්කරන්නේ? ජනතාවට එකේ වැඩ වලට හවුල් වෙන්න අවස්ථාවක් තියෙනවද? රටේ ආණ්ඩුක්රම ව්යවස්ථාවට නැතිනම් නීති පද්ධතියට වෙනස්කම් කරන්න යෝජනා ගෙනෙන්න මේ සංවිධානයට තියෙන අයිතිය මොකක්ද? ජනතාවගෙන් නොවිමසා ආණ්ඩුක්රම ව්යවස්ථාවට යෝජනා ගේනවා වගේ රටේ නීති රීති වලටත් මේ සංවිධානයේ යෝජනා වලට අනුව වෙනස්කම් කරනවද? අද සාමාන්ය පුරවැසියෙකුට තමන්ගේ අදහස් නියෝජනය කිරීමට ස්වාධීන අපේක්ෂකයකු ලෙස පාර්ලිමේන්තුවට ඇතුළු වීමට ඇති වරම් අහිමි කර තිබෙනවා මදිවට ජනාධිපති තනතුරට ඉදිරිපත් වීමට ඇති මං ඇහිරිමටද යන්නේ? තමන්ගේ පක්ෂයේ නායකයා තෝරා ගැනීමට හෝ තමන්ගේ පක්ෂයේ අපේක්ෂකයා තෝරා ගැනීමට පක්ෂ සාමාජිකයින්ට අවකාශ නැති පක්ෂ වලට ජනාධිපතිවරණයට ඉදිරිපත් වීමට ඉඩ දෙද්දී, ස්වාධින අපේක්ෂකයන් සීමා කිරීම ප්රජාතන්ත්රවාදී යයි මේ සංවිධානය සිතන්නේද? ජනාධිපතිවරණයට තිහක් බැරිනම් සියයක් ඉදිරිපත් උවත් මේ සංවිධානයට ඇති රුදාව කුමක්ද? මොවුන් කටයුතු කරන්නේ කා වෙනුවෙන්ද?
sharm warn Tuesday, 26 November 2019 03:25 AM
මම නම් කැමතියි. මොකද අපි රටේ මුදල් කන තව එක ව්යාපෘතියක් තමයි මැතිවරණ කියන්නේ. අවශ්ය ගණනට වැඩ අපේක්ෂකයන් ඉදිරිපත් කරන එකෙන් සිදු වෙන නාස්තිය කොච්චරද ? මුදල්, කාලය මේ හැම දෙයක් ම.