ඉන්දිකා රාමනායක

ඉංගිරිය ප‍්‍රදේශයේ  දී තරුණයින් දෙදෙනකුට පහර දුන් බව කියන සිද්ධිය සම්බන්ධයෙන් ඉංගිරිය පොලිස් ස්ථානාධිපතිවරයාගේ වැඩතහනම් කර  ඇති පොලිසිය කියයි.

ජාතික පොලිස් කොමිසමේ අනුමැතිය යටතේ පොලිස්පතිවරයා විසින් ස්ථානාධිපතිවරයාගේ  වැඩ තහනම් කර ඇති බවද පොලිසිය කියයි.

මෙම සිද්ධිය සම්බන්ධයෙන් උප පොලිස් පරීක්ෂවරයකු, සැරයන්වරයකු, හා  කොස්තාපල්වරයකු ඊයේ (29) සවස සිට වැඩ තහනම් කර තිබිණි.

ඉකුත් (28) රාත්‍රීයේ ඉංගිරිය නගරයේ දී  යුද හමුදා සාමාජිකයකු හා 19 හැවිරිදි තරුණයකු අත්අඩංගුවට ගෙන  පොලිස් ස්ථානය වෙත රැගෙනවිත් එහිදී නිරුවත් කර පහරදුන් බවට ඉහත තිදෙනාට චෝදනා  එල්ල වී තිබිණි.