මහාචාර්ය ධම්මික ගංගානාත් දිසානායක මහතාගේ අභාවය වෙනුවෙන් බලවත් ශෝකය සහ කනගාටුව පළ කරන බව කොළඹ ජපාන තානාපති කාර්යාලය නිවේදනයක් නිකුත් කරමින් සඳහන් කරයි.
ශ්රී ලංකාව සහ ජපානය අතර මිත්රත්වය හා අන්යෝන්ය අවබෝධය වර්ධනය කිරීම වෙනුවෙන් මහාචාර්ය දිසානායක මහතාගෙන් ලද දායකත්වයට ගරු කිරීමක් ශ්රී ලංකාවේ ජපාන තානාපති සුගියම අකිරා මහතා වෙනුවෙන්, වැඩබලන තානාපති කිටමුරා ටොෂිහිරෝ මහතා මහාචාර්ය දිසානායක මහතාගේ නිවස වෙත ගොස් ඔහුගේ පවුලේ සාමාජිකයන් වෙත සංවේගය පළ කළ බව ද එම නිවේදනයේ දැක්වේ.
එම නිවේදනයේ වැඩිදුරටත් මෙසේ ද දැක්වේ.
‘‘2020අගෝස්තු මස 11 වන දින සිදුවූ මහාචාර්ය ධම්මික ගංගානාත් දිසානායක මහතාගේ අභාවය පිළිබඳව ජපාන තනාපති කාර්යාලය සිය බලවත් ශෝකය හා කනගාටුව ප්රකාශ කරයි. ශ්රී ලංකාව සහ ජපානය අතර මිත්රත්වය හා අන්යෝන්ය අවබෝධය වර්ධනය කිරීම වෙනුවෙන් මහාචාර්ය දිසානායකයන්ගෙන් ලද දායකත්වය උදෙසා ගරු කිරීමක් ලෙස ශ්රී ලංකාවේ ජපාන තානාපති අතිගරු සුගියම අකිරා මහතා වෙනුවෙන් අගෝස්තු 12 වන දින මහාචාර්ය දිසානායකයන්ගේ නිවස වෙත පැමිණි වැඩ බලන තානාපති කිටමුරා ටොෂිහිරෝ මහතා විසින් සිය බලවත් ශෝකය හා සංවේගය එතුමාගේ පවුලේ ආදරණීයයන් වෙත දක්වා සිටිනු ලැබීය.
ජපානය සමග මහාචාර්ය දිසානායකයන්ගේ පැවති දිගු කාලීන මිතුදම එතුමා වර්ෂ 2015 දී ජපානයේ ශ්රී ලංකා තානාපතිවරයා ලෙස පත්වීමටත් පෙර ඈතට දිව යයි.
හිටපු තානාපතිවරයා විසින් ජපානයේ ටොකායි විශ්ව විද්යාලයේ දී සිය ශාස්ත්රපති හා ආචාර්ය උපාධි හැදෑරූ 90 දශකයේ මුල් භාගයේ පටන් එරට හා එහි ජනතාව පිළිබඳව බොහෝ සෙයින් ආදරය හා දයාව දක්වන ලදී.
ජන සන්නිවේදනය පිළිබඳව බෙහෙවින් උද්යෝගිමත් වූ, එමෙන්ම කීර්තිමත් සිංහල භාෂාවේදියකු ද වූ මහාචාර්ය දිසානායකයන් ජපානයේ විවිධාකාරයේ විශ්ව විද්යාල හා ආයතනයන් හි නොයෙක් ආකාරයෙන් සේවය කර ඇති අතර ජපානයේ විදේශ කටයුතු අමාත්යාංශයේ සේවයේ නියුතු අංකුර රාජ්ය තාන්ත්රිකයින් හට සිංහල භාෂාව පිළිබඳව පරිණත විශේෂඥයින් බවට පත්වීම සඳහා මග පෙන්වීමද සිදුකර ඇත.
මහාචාර්ය දිසානායකයන් විසින් රචිත ශ්රී ලාංකික හා ජපාන යන දෙරටේම පාඨක සමූහයා අතර ප්රචලිත, නිර්මාණාත්මක රචනාවන් තුළින් දෙරට අතර ද්විපාර්ශවීය සබඳතා ප්රවර්ධනය කරනු වස් එතුමා තුළ තිබූ නොතිත් උද්යෝගය පිළිබිඹු වන අතර, දෙරටෙහි සංස්කෘතීන් හා මිත්රත්වය යා කිරීම උදෙසා එතුමා විසින් දක්වන ලද අප්රතිහත දායකත්වය වෙනුවෙන් එතුමා ගෞරවාදරයට පත්වී ඇත.
විශේෂයෙන් කිවතොත් ජපානය පිළිබඳව සහකම්පිත ප්රතිරූපය විදහා දැක්වෙන පැණි වළලු, ලිපි එකතුව තුළින් එතුමාගේ ළබැඳි රට පිළිබඳව එතුමා තුළ රැඳී තිබූ හෘදයාංගම දැක්ම කුළු ගැන්වී පෙනේ.
එතුමා වැනි ඉමහත් ගෞරවයට පත් පෞරුෂ සළකුණක අහිමි වීම ශ්රී ලංකාව සහ ජපානය යන දෙරටටම ප්රතිස්ථාපනය කළ නොහැකි පාඩුවක් වන නමුත් ඔහු තුළ තිබූ නොපිරිහෙන ජීව ගුණය අප හදවත් ගැඹුරේ නින්නාද වන අතර අප ඉදිරියේ ඇති මාවත දීප්තිමත්ව ආලෝකමත් කිරීමට උපකාරී වනු ඇත.
මේ මොහොතේදී බලවත් ශෝකයට හා වේදනාවට පත් එතුමාගේ පවුලේ ආරණීයයන් හා අපද අත්වැල් බැඳගන්නෙමු.
එතුමා වෙත අමා මහ නිවන්සුව ප්රාර්ථනා කරන්නෙමු.’’
055
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මහාචාර්ය ගංගානාත් දිසානායකගේ අභාවයට ජපානයෙන් ශෝක පණිවුඩයක්