(ඩයනා උදයංගනී)
රැකියා සඳහා සේවකයින් බඳවා ගැනීමේ අවම වයස් සීමාව අවුරුදු 16 දක්වා ඉහළ නැංවීමට අමාත්ය මණ්ඩල අනුමැතිය හිමිවූ බව සම කැබිනට් ප්රකාශක, වැවිලි අමාත්ය, වෛද්ය රමේෂ් පතිරණ මහතා පැවසීය.
මීට පෙර මෙම වයස් සීමාව වයස අවුරුදු 15 ක් වූ අතර ඒ අනුව තව වසරකින් එය ඉහළ නංවා ඇතැයි ද ඇමතිවරයා සඳහන් කළේය.
වයස අවුරුදු 16 තෙක් අනිවාර්යයෙන් පාසල් අධ්යාපන ලැබිය යුතු බවට වන නීතිමය විධිවිධානයන්ට අනුකූල වන පරිදි කම්කරු අණපනත්වල සේවකයින් සේවයේ යෙදවීමේ අවම වයස අවුරුදු 16 දක්වා ඉහළ නැංවීම මෙහිදී සිදුවන බව ඇමති රමේෂ් පතිරණ මහතා කීවේය.
අමාත්යවරයා මේ බව පැවසුවේ රජයේ ප්රවෘත්ති දෙපාර්තමේන්තුවේදී අද (17) පැවති කැබිනට් තීරණ දැනුම්දීමේ මාධ්ය හමුව අමතමිනි.
ඒ අනුව 1954 අංක 19 දරන (129 අධිකාරිය වූ) සාප්පු හා කාර්යාලයීය සේවකයන් පිළිබඳ (සේව්ය හා වේතන විධිමත් කිරීමේ) පනත, 1956 අංක 47 දරන ස්ත්රීන්, තරුණ අය හා ළමයින් සේවයේ යෙදවීමේ පනත, (135 අධිකාරිය වූ) අවම වේතන (ඉන්දියානු කම්කරු) ආඥාපනත සංශෝධනය කිරීම පිණිස වූ පනත, 1942 අංක 45 දරන කර්මාන්තශාලා ආඥා පනත යන පනත් හා 1958 අංක 15 දරන සේවක අර්ථසාධක අරමුදල පනතේ ප්රතිපාදන අනුව 1958-10-31 දිනැතිව අංක 11573 දරන රජයේ අති විශේෂ ගැසට් පත්රයේ පළ කිරීමෙන් ප්රකාශයට පත් කරන ලද නියෝග සංශෝධනය කිරීම පිණිස වන කෙටුම්පත් නීති කෙටුම්පත් සම්පාදක විසින් සම්පාදනය කර ඇති බව ද ඇමතිවරයා පැවසීය.
කම්කරු අමාත්ය නිමල් සිරිපාල ද සිල්වා මහතා ඉදිරිපත් කළ යෝජනාවකට මෙලෙස අමාත්ය මණ්ඩල අනුමැතිය හිමිවී තිබේ.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රැකියාවලට සේවකයින් බඳවාගැනීමේ අවම වයස් සීමාව අවුරුදු 16 දක්වා ඉහළට
Prabha Thursday, 17 September 2020 03:33 PM
ළමා කාලය 16 සිට 18 දක්වා වැඩි කළා නේද? එතකොට මේ වැඩ ගන්න යන්නේ ළමා වයසේ අයගෙන්නේ..
PradeepThursday, 17 September 2020 04:11 PM
ළමයින්ගෙනුත් වැඩ ගත්තට කමක් නෑ කියලා ඔය කට්ටිය ඩිස්ලයික් දාලා කියලා තියෙන්නේ... එයාලට කවුද කියලා වැදගත් නෑ. වැඩේ කෙරෙනවා නම්..
PrabhaThursday, 17 September 2020 06:19 PM
දෙයක් කියවාගැනීමේ හැකියාව සහ අවබෝධ කරගැනීමේ හැකියාව අතර වෙනස.. අනුකම්පා කරනවා හැර වෙන කරන්න දෙයක් නැහැ.
සෝමපාලThursday, 17 September 2020 11:07 PM
ඔය උතුමන් වහන්සේලා සමහර විට අහලත් ඇති මේ රටේ ඉන්නවා දුප්පත් කියලා මිනිස්සු කොට්ටාශයක්. ඔවුන් දවසට වේල් 3ක් කන්නේ නෑ. අනුරාධපුර, පොලොන්නරුව, මොණරාගල, හපුතලේ, නුවරඑළිය විතරක් නෙමේ කොළඹත් එහෙම අය ඉන්නවා. ඔවුන්ගේ ගොඩක් අය උසස්පෙළ කරන්නේ නෑ. ඒ මොලේ නැති නිසා නෙමේ පවුලේ අය බඩගින්නේ ඉද්දී ඉගෙන ගන්න ඒවා නෙමේ මතක් වෙන්නේ... තමන්ගෙ නංගි, මල්ලි බඩගින්නේ අඬන හැටි, ඒවට අම්මා, තාත්තා දුක් සුසුම් හෙලන හැටි... ඉතින් ඔවුන් දවසෙ පඩියට කුලියට වැඩට යනවා, හේන් කොටනවා, කුඹුරු කොටනවා. ඔය වයස 15 ඉඳන් 16ට ගෙනාපු එකත් ලොකු දෙයක්... ඉස්සෙල්ලා ඔවුන්ගේ ආර්ථික තත්වේ දියුණු කරලා තමයි ඕක 18 කරන්න ඕනේ. නැත්තන් ගොවියන් වස බොයි කියලා ප්රවෘත්ති අහන්න ලැබෙයි...
gomis Thursday, 17 September 2020 05:42 PM
අවුරුදු 16ක ළමයෙක් සාමාන්ය පෙළ සුදුසුකම් නැතිනම් ඉතින් කම්කරු පියන් වගෙ අත පල්ලෙන් යන ආත්මයක් නැති සදහටම ණය, උකස් කාක්කට දෙකට නැවෙන සමාජයක තමයි ඉතින්.. දුප්පත් දරුවන්ට ඉගෙනුමට අතහිත දීමයි.., ආණ්ඩුවේ, සමාජයේ යුතුකම.
Champa Thursday, 17 September 2020 06:02 PM
ආණ්ඩුවේම තීරණ ආයතනයකින්, ආයතනයකට යන්නේ ඉබි ගමනින්. මේ වයස අවුරුදු 16 නෙමෙයි දැන් 18 වෙන්න ඕනේ.
එරා Thursday, 17 September 2020 06:23 PM
සාමාන්ය පෙළ විභාගය පෙර පරිදි අවුරුදු 15දී, එනම් 10 ශ්රේණියේදි පවත්වන්න. ලන්ඩන් A/L අවුරුදු 16දී අවසාන කළ හැක... අපේ දරුවෝ තව අවුරුදු 4ක් පාසැලේ නාස්ති කරනවා.
Raveendra Thursday, 17 September 2020 06:46 PM
අනේ රමේෂ් දොස්තර මල්ලියේ..මලය 2වෙනි 3වෙනි පන්තියේදී ඉලක්කන් අඩු වැඩි කිරීම ඉගෙන ගත්තේ නැතිව කොහොමද දොස්තර විභාගේ සමත්වුනේ..? ගණිතය දැනුම දොස්තර විභාගෙට ඕනේම නැද්ද? අවුරුදු 16ට වඩා අඩුද අවුරුදු 18? ළමාකාලයේම රැකියාවක් කිරීම සුදුසුද? අප විශ්වාස කරනවා අවම වයස "අවුරුදු 10ටම වැඩි" කරා නම් වඩාත් සුදුසු නොවේද?