ගෝලීය වසංගතයක් බවට පත්ව තිබෙන නව කොරෝනා වයිරසය හේතුවෙන් ඇමෙරිකා එක්සත් ජනපදයේ 100,000ත් 200,000 අතර පිරිසකට ජීවිත අහිමි වනු ඇතැයි එරට ජ්යෙෂ්ඨ විද්යාඥයකු අනතුරු අඟවයි.
ඇමෙරිකා එක්සත් ජනපදයේ ජාතික සෞඛ්ය ආයතනහි මෙම වයිරසය සම්බන්ධයෙන් කෙරෙන පර්යේෂණවල මූලිකත්වය ගෙන කටයුතු කරන්නේ වෛද්ය ඇන්තනි ෆවුචි එලෙස අනතුරු අඟවා ඇත. හෙතෙම කොරෝනා වයිරසය මර්දනය කිරීමේ ඇමෙරිකානු ජනාධිපති ඩොනල්ඩ් ට්රම්ප්ගේ කාර්ය සාධක බලකායේ ප්රධාන පෙළේ සාමාජිකයකු ද වේ.
මිලියන ගණනක් හෝ ඊටත් වඩා වැඩි පිරිසකට වුවද වයිරසය ආසාදනය විය හැකි යැයි ද හෙතෙම කීය. සී.එන්.එන්. රූපවාහිනි සේවයට අදහස් දක්වමින් වෛද්ය ඇන්තනි ෆවුචි එම කරුණු සඳහන් කළේය
‘‘මෙය වෙන්න පුළුවන්. එහෙත් නොවෙන්නත් පුළුවන්. කොරෝනා වයිරසයෙන් මරණ 100,000ත් 200,000ත් අතර ගණනක් වෙන්න පුළුවන්. මිලියන ගණනකට ආසාදනය වෙන්න පුළුවන්. එහෙත් මෙය ඇස්තමේන්තුවක්. ඒ මත යැපෙන්න අවශ්ය නැහැ. මේ ගණන් වැරැදි වෙන්නත් පුළුවන්. ජනතාව අතරට වැරැදි පණිවුඩයක් ගෙනියන්නත් පුළුවන්’’ යැයි ද හෙතෙම කීය.
වෛද්ය ඇන්තනි ෆවුචි ප්රතිශක්තිවේදය/නිරෝධායනය පිළිබඳ විශේෂඥයකු වන අතර හෙතෙම එච්.අයි.වී/ඒඩ්ස් සහ තවත් දේශීය සහ ගෝලීය සෞඛ්ය ගැටලු සම්බන්ධයෙන් ඇමෙරිකා එක්සත් ජනපදයේ ජනාධිපතිවරුන් හයදෙනකුට උපදෙස් ලබා දී ඇත.
කොරෝනා වයිරස ආසාදිතයන් මෙන්ම වයිරසය ආසාදනය වී ඇතැයි සැක කෙරෙන පිරිස් පරීක්ෂා කිරීම සඳහා ප්රමාණවත් පහසුකම් නැතැයි ද ඇමෙරිකා එක්සත් ජනපද ජනාධිපති ඩොනල්ඩ් ට්රම්ප් පැවැසීය. ඒ සම්බන්ධයෙන් පිළිතුරු දෙමින් වෛද්ය ඇන්තනි ෆවුචි මෙසේ කීය.
‘‘ඔබ පසුගිය සති කිහිපය සමඟ සංසන්දනය කළොත්, අපි දැන් කලින්ට වඩා පරීක්ෂා කිරීම් කරනවා’’ යැයි ඔහු කීවේය.
ඉතා කඩිනමින් සහ පුළුල් ලෙස පරීක්ෂා කිරීම් ආරම්භ කරන්නේ කවදාද සහ දැනට පනවා ඇති සංචාරක සහ රාජකාරී සීමා ලිහිල් කරන්නේ කවදාදැයි විමසූ විට ඒ සඳහා තවත් සති ගණනක් යැයි ද වෛද්යවරයා කීය.
‘‘ඒක හෙට වෙනවා කියලා නම් බලාපොරොත්තු වෙන්න එපා. ලබන සතියේ ඒක වෙනවා කියලා හිතන්නත් එපා. ඒකට ඊට වඩා වැඩි කාලයක් යනවා’’ යැයි වෛද්ය ෆවුචි වැඩිදුරටත් කීය.
ඒ.එෆ්.පී.
055
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ඇමෙරිකාවේ මිලියන ගණනකට කොරෝනා වයිරසය ආසාදනය විය හැකියි‘‘
de silva Monday, 30 March 2020 11:30 AM
ඔය ළඟ ඉන්න මනුස්සය මේ මාසේ මුල කිවේ... ඕක එච්චර ගණන් ගතයුතු තත්වයක් නොවේ කියල....