(ඩී.ජී.සුගතපාල,සුමතිපාල දීයගහගේ)
සංවිධානාත්මක අපරාධ කල්ලි සාමාජිකයකු වන අරුමාහන්දි ජනිත් මධුසංක හෙවත් ‘පොඩි ලැසී’ ඇප මත මුදා හැරීමට ගාල්ල ප්රධාන මහේස්ත්රාත් හර්ෂණ කැකුණවෙළ මහතා අද (16) නියෝග කළේය. බුස්ස බන්ධනාගාරයේ දී ජනාධිපතිවරයාට, ආරක්ෂක ලේකම්වරයාට සහ බන්ධනාගාර දෙපාර්තමෙන්තුවේ උසස් නිලධාරින් කිහිප දෙනෙකුට ප්රසිද්ධියේ මරණ තර්ජන එල්ල කිරිම සම්බන්ධයෙන් ඔහුට විරුද්ධව නඩු පවරා, අත්අඩංගුවට ගෙන තිබිණ.
රුපියල් ලක්ෂයක මුදල් ඇපයක් සහ රුපියල් ලක්ෂ 10 බැගින් වූ ශරීර ඇප හතරක් මත පොඩි ලැසී අද මුදා හැරිණි. එසේ වුවත් අදාළ පැමිණිල්ල සම්බන්ධයෙන් දින 90ක් රඳවා තබාගෙන විමර්ශනය සඳහා සැකකරු අපරාධ පරීක්ෂණ දෙපාර්තමේන්තුව බාරයට පත්කරන ලෙස මහේස්ත්රාත්වරයා බූස්ස බන්ධනාගාර අධිකාරිවරයාට ඊයේ (15) නියෝගයක් නිකුත් කර තිබිණ. එම නියෝගය අනුව සැකකාර පොඩි ලැසී රැඳවුම් නියෝග මත අපරාධ පරික්ෂණ දෙපාර්තමේන්තුව බාරයේ සිටී.
සැකකරු එම රැඳවුම් නියෝග කාල සීමාව අවසන් කිරීමෙන් පසු සෑම ඉරුදිනකම අපරාධ පරික්ෂණ දෙපාර්තමේන්තුවේ පෙනී සිටින ලෙසටත් විදේශ ගමන් බලපත්රයක් තිබේ නම් එය අධිකරණයට බාරදෙන ලෙසත් මහේස්ත්රාත්වරයා නියම කළේය.
නඩුව අද (16) කැඳවනු ලැබූ අවස්ථාවේ රැඳවුම් නියෝග ලබාගෙන අපරාධ පරීක්ෂණ දෙපාර්තමේන්තුව බාරයේ සිටින සැකකාර පොඩි ලැසී අධිකරණය හමුවට ඉදිරිපත් නොකෙරිණි.
සැකකරු වෙනුවෙන් පෙනී සිටි නිතිඥවරුන් කරුණු දක්වමින් කියා සිටියේ ජනාධිපතිවරයාට සහ ආරක්ෂක ලේකම්වරයාට මරණ තර්ජන එල්ල කිරිම සම්බන්ධයෙන් සැකකරුට එරෙහිව බී.වාර්තාවක් මගින් අධිකරණයට වාර්තා කර ඇතත් එම වාර්තාවේ කිසිම තැනක ජනාධිපතිවරයා මරණ බවට ප්රකාශ කර ඇතැයි සඳහන් කර නැති බවයි.
තර්ජනය කිරිම සහ බන්ධනාගාර නිලධාරින්ගේ රාජකාරියට බාධා කිරිම යන චෝදනා සැකකරුට එරෙහිව ඉදිරිපත් කර ඇති බවත් ඒවා ඇප දිය හැකි වැරදි නිසා තම සේවා දායකයාට ඇප නියම කරන ලෙසත් නිතිඥවරු ඉල්ලා සිටියහ.
සැකකරුගේ නිතිඥවරයා කියා සිටියේ මෙම නඩුවේ ඇති චෝදනා දෙකට ඇපදිය හැකි බවයි. සැකකරුට අද දිනයේ ඇප ලැබෙන නිසා ඊයේ(15) මෝසමක් ඉදිරිපත් කර ඔහු දින 90 ක රැඳවුම් බාරයට ගෙන ඇති බවත් මෙය අපරාධයක් බවත් ඒ නිසා සේවා දායකයාට ඇප නියම කරන ලෙසත් නිතිඥවරු ඉල්ලා සිටියහ. දෙපාර්ශවයම ඉදිරිපත් කළ කරුණු සළකා බැලු මහේස්ත්රාත්වරයා සැකකරුට ඇප නියම කළේය.
නියෝජ්ය සොලිසිටර් ජනරාල් දිලීප පිරිස් අපරාධ පරික්ෂණ දෙපාර්තමේන්තුවේ සහකාර පොලිස් අධිකාරි මෙරිල් රන්ජන් ළමාහේවා පොලිස් පරික්ෂක පොල්වත්ත යන මහත්වරුන් පැමිණිල්ල මෙහෙය වූ අතර සැකකරු වෙනුවෙන් නිමල් රණවක, පුෂ්ප කුමාර අමුගොඩ, අකලංක උක්වත්ත, හර්ෂිකා සමරනායක, හරින්දි කොරයා, ජිනාලි පාගොඩ ආරච්චි, අමා ජයවර්ධන, ඉනිකා හෙන්ද්රිවිතාන සහ නිෆ්රාස් නසිර් යන නිතිඥ මහත්ම මහත්මීහු සමඟ ජනාධිපති නිතිඥ ටිරන්ත වලලියද්ද මහතා පෙනී සිටියේය.
මුහුදුබඩ දුම්රිය මාර්ගයේ වැල්ලවත්ත සිට දැඩි දුම්රිය ප්රමාදයක් ඇති වී තිබේ.
ජේසුස් ක්රිස්තුස් වහන්සේ. දුක්ප්රාප්තියට,කුරුසියට තබා ඇණ ගැසීම සහ මරණයට පත් වීම සිහිපත් කරන මහ සිකුරාදා දිනය නිමිති කොට ලොව පුරා කිතුනු බැතිමත්හු ස
රාගම ප්රදේශයේ මහජන සෞඛ්ය පරීක්ෂක සහයකකුට යතුරු පැදියකින් පැමිණි පුද්ගලයන් දෙදෙනකු වෙඩි තැබීමට ගත් උත්සහය ව්යර්ථව ගොස් ඇතැයි පොලීසිය කියයි.
මෙරට පවතින ආර්ථික අපහසු තත්ත්වය හමුවේ රුසියානු පුරවැසි භාවය ලබා ගැනීමේ බලාපොරොත්තුවෙන් ශ්රී ලාංකිකයන් සිය ගණනක් රුසියානු හමුදාවට බැඳී ඇති බව එරට ස
බස්නාහිර,දකුණ,සබරගමුව සහ මධ්යඹ පළාත්වලට පස්වරු 2.00 පසු වැසි හෝ ගිගුරුම් සහිත වැසි ඇත වන බව කාලගුණ විද්යා දෙපාර්තමේන්තුව කියයි.
පාස්කු බැතිමතුන් පිරිසක් ගමන් කරමින් සිටි බස් රියක්, දකුණු අප්රිකාවේ, ප්රපාතයකට පෙරැළී අනතුරක් සිදුවිය.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
‘පොඩි ලැසී’ට ඇප
Nuwan Friday, 16 October 2020 01:14 PM
අපි තරම් විහිළු සපයන රටක් ලොවෙත් නැහැ... ලොවි ගහෙත් නැහැ..
PraviSunday, 18 October 2020 04:29 AM
එසේ වුවත් අදාළ පැමිණිල්ල සම්බන්ධයෙන් දින 90ක් රඳවා තබාගෙන විමර්ශනය සඳහා සැකකරු අපරාධ පරීක්ෂණ දෙපාර්තමේන්තුව බාරයට පත්කරන ලෙස මහේස්ත්රාත්වරයා බූස්ස බන්ධනාගාර අධිකාරිවරයාට (15) නියෝගයක් නිකුත් කර තිබිණි. එම නියෝගය අනුව සැකකාර පොඩි ලැසී රැඳවුම් නියෝග මත අපරාධ පරික්ෂණ දෙපාර්තමේන්තුව බාරයේ සිටී...
සල්ලි කෑදර Friday, 16 October 2020 03:40 PM
කීයක් ලැබුණා දෝ...!!!
sam Friday, 16 October 2020 09:42 PM
ලංකාවේ ඉන්න හැම පාතාලයෙක්ම ආරක්ෂා කරන්නේ දේශපාලුවෝ. හේතුව ඒ අය බලයට එන්නේ පාතාලයින්ගේ උදව්වෙන්... අනේ රටකට ගිය කලක්. බලපල්ලා පාතාලයකු වෙනුවෙන් පෙනී ඉන්න සර්ව සාධාරණය ඉෂ්ඨ කරනවා යැයි කියලා පොරොන්දු වෙලා නීතීඥ වෘත්තියට බැඳෙන නීතීඥයින් ගණන. ලැජ්ජයි නේද? සල්ලි වලට බොලව්... සල්ලිවලට.
Nuwan Saturday, 17 October 2020 12:33 AM
නීතිය එහෙමනම් නීතිය එහෙමයි. මේ වගේ කුඩු රජාලා නොහිටපු කාලයක හදපු නීති, ඇඟතලාගන්න බය පොලිසිය සාක්ෂි අවුල් කරන එක, කුඩු සල්ලි වලින් ගන්න පුලුවන් හොඳම ලෝයර්ස්ලා අල්ලන එක නතර වෙනකම් මේ නාඩගම එහෙමමයි.
Citizen Silva Saturday, 17 October 2020 01:15 AM
අනේ වාසනාවන්. පාර්ලිමේන්තුවට ගේන්න වගෙයි කල්පනාව. කැබිනට් ඇමති පදවියකට අවශ්ය සුදුසුකම් ඉහළින්ම සම්පූර්ණ කර ඇත.
oscar Saturday, 17 October 2020 05:25 AM
පොඩි ලැසීව, ඇරෙස්ට් කරලා ඇක්ෂන් ගත්ත පොලිස් නිලධාරීන්ව කොහේහරි දුර පළාත්වලට ට්රාන්ස්ෆර් කරයි නේද? නියමයි..
මුණසිංහ Saturday, 17 October 2020 09:05 AM
හැබැයි දැන් අය නම් ට්රයි කරන්නේ ඇතුළෙම ඉන්න. ඒක ආරක්ෂා සහිත නිසා...
Shanaka Sunday, 18 October 2020 08:02 AM
එක රටක්... එක නීතියක්..