2024 අප්‍රේල් මස 19 වන සිකුරාදා
2024 අප්‍රේල් මස 19 වන සිකුරාදා
(අමිල සම්පත් ශ්‍රී)
හම්බන්තොට මහ රෝහලට පැමිණෙන රෝගීන්ට අත්‍යවශ්‍ය ඖෂධ වර්ග එකසිය විස්සකට වැඩි ප්‍රමාණයක් රෝහලෙහි නොමැති බව රෝහල් ආරංචි මාර්ග සඳහන් කරයි.
මේ හේතුවෙන් රෝගීන් මෙන්ම වෛද්‍යවරු ද දැඩි අපහසුතාවට පත්ව ඇති අතර යම් අවස්ථාවල හදිසි හෘද රෝග ප්‍රතිකාර ඒකකය වසා දැමීමට සිදු වූ බවද රෝහල් ආරංචි මාර්ග කියයි.
මේ තත්ත්වය හමුවේ පසුගිය මාස කිහිපය තුළ විශේෂඥ වෛද්‍යවරුන් තිදෙනකු ඇතුළු වෛද්‍යවරුන් 38 දෙනෙකු රෝහල හැර ගොස් ඇති බවත් ඉදිරියේදී තවත් වෛද්‍යවරු කිහිපදෙනෙකු විදේශගත වීම සඳහා ඉල්ලුම් කර ඇති බවත් පැවැසේ.
හම්බන්තොට මහ රෝහලේ රෝගී අංශ සඳහා විශේෂඥ වෛද්‍යවරුන් තිස් පස් දෙනකු අවශ්‍ය වුවත් සිටින්නේ වෛද්‍යවරුන් තිස් දෙනකු පමණක් බවත් ඒ හේතුවෙන් ශල්‍යකර්ම මෙන්ම විශේෂඥ වෛද්‍ය සායන කරගෙන යෑම දැඩි අර්බුදයකට ලක්ව ඇති බවත් වාර්තාවේ.
එමෙන්ම සාමාන්‍ය වෛද්‍යවරුන් 160දෙනකු රෝහලට අවශ්‍ය වුවද සිටින්නේ වෛද්‍යවරුන් 123 දෙනකු බව ද රෝහල් ආරංචි මාර්ග සඳහන් කරයි.
මේ හේතුවෙන් එදිනෙදා පැමිණෙන රෝගීන් මෙන්ම වෙනත් රෝහල්වලින්මාරු කර එවන රෝගීන්ට ප්‍රතිකාර කිරීම දැඩි ගැටලු‍වක් වී ඇති බවද දැනගන්නට ඇත.
මීට ප්‍රධාන හේතුව වී ඇත්තේ වෛද්‍යවරුන් විදේශගතවීම් බව රෝහල් නිලධාරියෙක් සඳහන් කළේය.
දරු ප්‍රසූතියකදී අධික රුධිර වහනය වැළැක්වීම සඳහා භාවිතා කරන ඖෂධ කිසිවක් රෝහලේ නැති අතර දියවැඩියා රෝගීන් සඳහා ලබා දෙන ඉන්සියුලින් කිසිවක්ද රෝහලේ නැති බව ඔහු කීවේය.
එමෙන්ම හෘද රෝග සඳහා ලබාදෙනා අත්‍යවශ්‍ය ඖෂධ වර්ග කිසිවක්ද නොමැති අතර හෘද රෝග සායන සඳහා භාවිත කරන අත්‍යවශ්‍ය ඖෂධ වර්ග හිඟ බවද ඔහු පැවසීය.
වේදනා නාශක වර්ග මෙන්ම ඇදුම රෝගීන්ට ලබාදෙන ඉන්හේලර් වර්ග රෝහලේ නොමැති බවද වාර්තාවේ. ප්‍රතිකාරවලදී ලබාදෙන විශේෂ ඖෂධ මෙන්ම ස්නායු රෝගීන් සඳහා ලබාදෙන ඖෂධ වර්ග කිසිවක් රෝහලේ නොමැති බවත් ඔහු සඳහන් කළේය.
මීට අමතරව අක්ෂි සායනවලදී ලබා දෙන ඖෂධ බොහොමයක් රෝහලේ නොමැති අතර චර්ම සායනවලදී ලබාදෙන ක්‍රීම් වර්ග මෙන්ම තයිරොයිඩ් ඌනතා සඳහා ලබාදෙන තයිරොක්සීන් ඖෂධයද රෝහලේ නොමැති බව හෙතෙම සඳහන් කළේය.
මේ අතර ප්‍රතිජීවක ඖෂධ හා ඉන්ජෙක්ෂන් වර්ගද රෝහලේ නොමැති බව රෝහලින් කළ විමසීමකදී එහි නිලධාරියෙක් සඳහන් කළේය.
මීට අමතරව ශල්‍යකර්මවලදී භාවිතා කරන උපකරණ ඇතුළු රෝහල් උපකරණ රාශියක් රෝහලේ නොමැති බැවින් රෝගීන් මෙන්ම වෛද්‍යවරුන්ද දැඩි අපහසුතාවකට ලක්ව ඇත.
ඉදිරි දින කිහිපය තුළ මෙම තත්ත්වය දෙගුණ තෙගුණ විය හැකි බවත් එසේ වුවහොත් රෝහලේ අංශ කිහිපයක ප්‍රතිකාර කිරීම තාවකාලිකව හෝ අත්හිටුවීමට සිදුවනු ඇති බවත් රෝහල් ආරංචි මාර්ග සඳහන් කරයි.
අයිස් සහ හෙරොයින් මත්ද්‍රව්‍ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්‍රීයේදී අත
ජාතික ආපදා සහන සේවා මධ්‍යස්ථානය දිස්ත්‍රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්‍රැක්ටර් බවුසර් 191කින් 5ක් දිස්ත්‍රික් ලේ
පලස්තීනයට එක්සත් ජාතීන්ගේ කවුන්සිලයේ නිත්‍ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්‍රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්‍රී සහ හිටපු නියෝජ්‍ය අමාත්‍ය පාලිත තෙවරප්පෙරුම මහතාගේ දේහයට ජනාධිපති රනිල් වික්‍රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්‍රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
2024 අප්‍රේල් මස 09
216
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1532
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1426
2
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හම්බන්තොට රෝහලට අසාධ්‍යයි වෛද්‍යවරු 38 රෝහල හැර යති
sugath Thursday, 26 January 2023 09:39 PM
ටිකක් ඉවසලා ඉන්ට. ජනාධිපතිතුමා අරහේ නිදහස සමරන්ට සල්ලි හොයනවා.
chandima Friday, 27 January 2023 01:42 AM
වෙනදටත් ඔය උත්තමයො වැඩි කාලයක් ඉන්නෙ චැනල් කරන තැන්වල නේද?
Perera Friday, 27 January 2023 04:31 AM
කෝ අර කෙහෙල් ලෙල්ල...?
swene Friday, 27 January 2023 07:03 AM
ඕවා කොතරම් අඩු වූවත්, ජනාධිපති, අගමැති, ඇමැතිලාට සහ ඔය අවුල්වලට අවුල් වුණොත් ආණ්ඩු වියදමින් පිටරට හෝ යවා ප්‍රතිකාර කර ගනීවි...
sugathFriday, 27 January 2023 03:14 PM
ඔව්. ඒ අය සිංගපුරුවට ගිහින් බෙහෙත් ගනී.
Rohana Friday, 27 January 2023 07:40 AM
ඔක්කෝම ප්‍රශ්න අමතක කරලා නිදහස් උත්සවයට කෝටි 20ක් වියදම් කරලා අභිමානවත්ව සැමරුවාම ප්‍රශ්න සියල්ල විසඳෙයි.
latha Friday, 27 January 2023 09:09 AM
බෙහෙත් නැතුවට මොකද? අමාත්‍යාංශයේ හැමෝටම වී8 තියෙනවා. ඕනතරම් ජොලිකරන්න සල්ලි තියෙනවා.
sharm warn Friday, 27 January 2023 10:20 AM
ආ.. හම්බන්තොට නේද.. අවුලක් නෑ.. ගිහිල්ලා අර D A රජපක්ස ට මල් පහන් පත්තු කරන්න. . එතකොට සේරම හරි යයි. . එයා බිහි කරපු හොර මුල නෙ මෙව්වට වග කියන්න ඔන..
Dileepa Friday, 27 January 2023 10:47 AM
ඕවා නැති වුණාට මොකද, ඒ වගේද හෙළ ජාතික අභිමානේ. නාග ලෝකෙට හරි නාථ දෙයියන්ට හරි පණිවිඩයක් යවලා බලන්න...
upasena Friday, 27 January 2023 01:26 PM
මතිවරනයටත් ඉස්සෙල්ල් මතිවරණ ප්‍රතිපල කියන්නෙ මෙවට .
Lalla Friday, 27 January 2023 03:10 PM
හම්බන්තොටට ඕන මානසික සෞඛ්‍ය ආයතනයක්... රාජපක්ෂ පවුල ඉන්න පැත්තේ ඉන්න පුළුවන් මානසික ලෙඩ්ඩු විතරයිනේ...!
Nimali Saturday, 28 January 2023 08:44 PM
අනේ දෙවියනේ රටට ගිය කලක්...
Dasa P Sunday, 29 January 2023 07:09 AM
එන්න අපි නිදහස සමරමු...
Hafeel Sunday, 29 January 2023 12:01 PM
රටේ ඉහළම තනතුරු විධායක ජනාධිපති ධුරය දෙවරක් දරපු සහ රාජපක්ෂ පවුල නියෝජනය කරපු දිස්ත්‍රික්කයේ තියන ප්‍රධාන රෝහලට කරපු විනාශය. නමුත් මෙම හම්බන්තොට ජනතාව නිර්මාණය කළ බේබිලාට නම්, රට පුරා අංග සම්පූර්ණ දේපළ තියනවා.