(මනෝප්රිය ගුණසේකර)
අල්ලස් වශයෙන් රුපියල් මිලියන 540 ක් ඉල්ලා ඉන් රුපියල් කෝටි 02ක් ලබාගැනීමේ චෝදනාවට වරදකරු කරමින් කොළඹ මහාධිකරණයේ ලබා දුන් නියෝගය ඉවත දමන්නැයි ඉල්ලමින් රාජ්ය දැව සංස්ථාවේ සභාපති පියදාස දිසානායක මහතා ඉදිරිපත් කළ පෙත්සම නොවැම්බර් 26 වැනිදා සිට විභාග කිරීමට ශ්රේෂ්ඨාධිකරණය අද (19) තීරණය කළේය.
ශ්රි ලංකා ආයෝජන මණ්ඩලයේ ව්යාපෘතියක් වශයෙන් එම්. ජී. ෂුගර් පුද්ගලික සමාගම වෙතට රජය මගින් පවරා දී ඇති කන්තලේ සීනි සමාගමට අයත් යන්ත්ර සුත්ර සහ ගොඩනැගිලි පවරා දීම සදහා අනුමැතිය ලබා දීමට මෙම මුදල් ගත් බවට චෝදනා එල්ල වී තිබේ .
පියදාස දිසානායක මහතා ඉදිරිපත් කළ විශේෂ අභියාචනය විජිත් මළල්ගොඩල එල්.ටී.බී. දෙහිදෙණිය සහ ප්රීති පද්මන් සූරසේන, එස්. තුරෙයිරාජා සහ යසන්ත කෝදාගොඩ යන මහත්වරුන්ගෙන් සමන්විත පංච පුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබු අවස්ථාවේදී එසේ තීරණය කළේය.
ඉකුත් රජය සමයේ කන්තලේ සීනි සමාගම ඉන්දියානු ජාතික ව්යාපාරිකයකුට පැවරීමේ දී ඊට අදාළ යන්ත්රරෝපකරණ සහ ගොඩනැගිලි පවරා දීමේ කටයුතු ඉටු කිරීම සඳහා රුපියල් මිලියන 54 ක අල්ලසක් ඉල්ලා ඉන් රුපියල් කෝටි දෙකක අල්ලසක් ලබා ගැනීමේ චෝදනාවන්ට මෙම විත්තිකරු සමඟම චෝදනා ලැබ සිටි හිටපු ජනාධිපති කාර්ය මණ්ඩල ප්රධානී ආචාර්ය අයි.එච්.කේ. මහානාම මහතාද වරදකරුවන් කළ නඩුව විභාග කළ ත්රී පුද්ගල විනිසුරු මඩුල්ල ඔවුන්ට බරපතල වැඩ සහිත වසර 12 බැගින් සිර දඬුවම් හා රුපියල් 55,000 බැගින් දඩයක් නියම කෙරිණි.
විශේෂ ත්රීපුද්ගල මහාධිකරණ විනිසුරු මඩුල්ල තමන්ට එරෙහි නියෝගය හා දඬුවම නියම කර ඇති ආකාරය නීතියට පටහැනි බවත් එය අහෝසි කර සියලු චෝදනාවලින් තමා නිදොස් කොට නිදහස් කරන්නැයි ඉල්ලමින් පියදාස දිසානායක මහතා ශ්රේෂ්ඨාධිකරණයට මෙම අභියාචනය ඉදිරිපත් කර ඇත.
විත්තිකාර පියදාස දිසානායක මහතා වෙනුවෙන් පෙනී සිටි නීතිඥවරයා කරුණු ඉදිරිපත් කරමින් තම සේවාදායකයාට ශල්යකර්මයක් සිදු කිරීමට තිබෙන බවත් කොරෝනා වසංගත තත්ත්වය මත එම ශල්ය කර්මය පෞද්ගලික රෝහලකදී කිරීමට අවසර දෙන්නැයි ඉල්ලා සිටියේය.
නීතිපතිවරයා වෙනුවෙන් පෙනී සිටි ජ්යෙෂ්ඨ රජයේ නීතිඥ ජනක බණ්ඩාර මහතා කරුණු ඉදිරිපත් කරමින් රජයේ රෝහලකදී එම ශල්යකර්මය සිදුකිරීම වඩාත් යෝග්ය යැයි පැවසීය.
දෙපාර්ශවය ඉදිරිපත් කළ කරුණු සළකා බැලු ශ්රේෂ්ඨාධිකරණය මෙම පෙත්සම නොවැම්බර් මස 26 වන දා සිට විභාගයට ගැනීමට තීරණය කළේය.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දැව සංස්ථාවේ හිටපු සභාපති ගොනු කළ පෙත්සම සළකා බැලීමට දිනයක්