(තරිඳු ජයවර්ධන)
තොරතුරු දැන ගැනීමේ පනත යටතේ ස්ථාපිත කරන ලද තොරතුරු දැන ගැනීමේ කොමිෂන් සභාවේ වැඩ කටයුතු පවත්වාගෙන යෑම සඳහා ඔක්තෝබර පළමු වැනි දා සිට කිසිදු මුදලක් ලබා දී නැතැයි ප්රවෘත්ති දෙපාර්තමේන්තුවේ ආරංචි මාර්ග කියයි.
කොමිෂන් සභාවේ සේවකයන්ට, නිලධාරීන්ට සහ කොමිෂන් සභා සාමාජිකයන්ට ඔක්තෝබර මාසයේ වැටුප පවා මේ වන තුරු ගෙවා නැතැයි එම ආරංචි මාර්ග පවසයි. ඇතැම් නිලධාරීන්ට මාස දෙකකින් වැටුප් ගෙවා නැතැයි දැනගන්නට තිබේ.
මුදල් නොමැතිකම නිසා කොමිෂන් සභාවේ පිරිස පසුගිය දින කිහිපයේ වතුර බෝතලයක් මිලදී ගැනීමටවත් නොහැකිව අපහසුතාවට පත්ව සිටියහ. කොමිෂන් සභාවට මේ වන විට අභියාචනා රැසක් ලැබී ඇති අතර මුදල් ප්රතිපාදන නොමැතිකම නිසා ඒවා විභාග කිරීමේ ගැටළු මතුවී ඇති බවත්, ඇතැම් නිලධාරීන් තම පෞද්ගලික මුදලින් අවශ්ය කටයුතු සිදු කරන බවත් දැනගන්නට තිබේ.
මුදල් වෙන් නොකිරීම ගැන කළ විමසීමක දී මුදල් හා ජනමාධ්ය අමාත්යංශයේ අතිරේක ලේකම් ජේ එම් තිලකා ජයසුන්දර මහත්මිය ප්රකාශ කළේ එම ගැටළුව දැන් නිරාකරණය කර ඇති බවයි. තොරතුරු කොමිෂන් සභාවට ප්රතිපාදන ලබා දීම ජනාධිපති ලේකම් කාර්යාලයේ සිට ජනමාධ්ය අමාත්යංශයට මාරු කළ බවත්, ඒ නිසා යම් ප්රමාදයක් සිදුවූ බවත් මේ වන විට ඒ ගැටළු සියල්ල විසඳා අවසන් බවත් අතිරේක ලේකම්වරිය ප්රකාශ කළාය.
තොරතුරු දැන ගැනීමේ පනත අනුව පිහිටවූ තොරතුරු දැන ගැනීමේ කොමිෂන් සභා කාර්යාලය බණ්ඩාරනායක සම්මන්ත්රණ ශාලා පරිශ්රයේ ස්ථාපිත කර තිබේ. ඊට සේවකයන් 10 දෙනකු පමණ අවශ්ය වුවත් මුදල් ගැටළුව නිසා තිදෙනකු පමණක් සේවය කරන බව දැනගන්නට ඇත.
මහින්ද ගම්මන්පිල මහතාගේ සභාපතිත්වයෙන් යුත් තොරතුරු කොමිසමේ සෙසු සාමාජිකයන් ලෙස නීතීඥ එස් ජී පුංචිහේවා, නීතීඥ ක්රිෂාලි පින්ටො ජයවර්ධන සහ ආචාර්ය සෙල්වි තිරුචන්ද්රන් යන මහත්ම මහත්මීහු කටයුතු කරති.
රේගු දෙපාර්තමේන්තුව රාජසන්තක කළ භාණ්ඩ ඩෙන්ඩර් කැඳවා අළෙවි කිරීමේදී ටෙන්ඩර් ඉදිරිපත් කරන පුද්ගලයන් බියගැන්වීමට මෙරටින් පැනගොස් සිටින පාතාල සාමාජික
මැණික් ව්යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා
රුපියල් ලක්ෂ 27 ක් වටිනා මත්කරල් 27,000 ක් ජාවාරම් කිරීම සදහා ත්රිරෝද රථයකින් ප්රවාහනය කරමින් සිටි ‘බම්පින් කුමාර‘ නැමැති මත්ද්රව්ය ජාවාරම්කරුවක් අද (
රහසිගතව ඇමෙරිකාව ලබා දුන් දිගු දුර බැලස්ටික් මිසයිල ප්රථම වතාවට යුක්රේනය ක්රිමියාවේ රුසියානු ඉලක්ක වෙත පහරදීමට භාවිත කර ඇතැයි ඇමෙරිකානු බලධාරීහු
පලස්තීන ගැටලුවට සාධාරණ හා පුළුල් සාකච්ඡා සහිත දේශපාලන විසඳුමක් වෙනුවෙන් සහය දැක්වීමට ශ්රී ලංකාව අඛණ්ඩව කැපවී සිටින බව ජනාධිපති රනිල් වික්රමසිංහ ම
දුම්රිය සාමාන්යාධිකාරිවරයා ලෙස කටයුතු කළ එච්. එම්. කේ. ඩබ්.බණ්ඩාර මහතාගේ හදිසි අභාවය හේතුවෙන් පුරප්පාඩු වූ දුම්රිය සාමාන්යාධිකාරි තනතුරට සුදුසු නි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තොරතුරු කොමිසමට මාසයක් තිස්සේ සතයක්වත් නෑ
කපිල ගුණරත්න Friday, 10 November 2017 08:51 AM
මා තොරතුරු දැනගැනීමේ පනත යටතේ ප්රශ්ණ කිහිපයක් රජයේ එක් ආයතනයකට යොමු කලා. නමුත් ඔවුන් මා හට ලියා එවා ඇත්තේ ප්රශ්ණ වලට තොරතුරු දැනගැනීමේ පනත යටතේ පිළිතුරු ලබා නොදෙන බවයි. මෙහි සත්යය පහදා දෙන්න...
බුද්ධික Saturday, 11 November 2017 03:53 PM
එහෙම නම් ඔබතුමාට කරන්න තියෙන්නේ තොරතුරු කොමිසමට අභියාචනය කරන එක. සමහර තොරතුරු දෙන්න බැරි අවස්ථා පනත යටතේ තියෙනවා. නමුත් එයට මුවාවී යම්කිසි රාජ්ය ආයතනයක් ලබා දිය යුතු තොරතුරුද මඟහරිමින් කටයුතු කරනවා නම් කොමිසමට පුළුවන් නියෝග කරන්න එම තොරතුරු ලබා දෙන්න
Nandalal DE SILVA - France Friday, 10 November 2017 11:44 AM
[මහින්ද ගම්මන්පිල මහතාගේ සභාපතිත්වයෙන් යුත් තොරතුරු කොමිසමේ......] මේ මහත්තයා (අ)පිවිතුරු හෙළ උරුමයේ බොස්ගේ පවුලේ අයට සම්බන්ධ කෙනෙක්ද ? ඒ නිසාද දන්නේ නැහැ කපිල ගුණරත්නට තොරතුරු කොමිසම මගින් පිළිතුරු නොලැබුණේ....
daham Friday, 10 November 2017 12:19 PM
අධ්යාපන අමාත්යංශයෙන් අහන කිසිදු ප්රශ්නයකට පිළිතුරු දෙන්නේ නැහැ කියල පහුගිය දිනවල මාධ්ය ගණනාවකම පුවත් පල වුණා.