(නිමල කොඩිතුවක්කු)
 
කැබිනට් අමාත්‍යවරයකුගේ ගිණුමකට විදේශ රටකින් රුපියල් ලක්ෂ 1500ක මුදලක් බැර වී ඇතැයි කියන සිද්දියට තමාගේ සම්බන්ධයක් නොමැති බව ආපදා කළමනාකරණ අමාත්‍ය දුමින්ද දිසානායක මහතා පැවැසීය.
 
මේ සම්බන්ධයෙන් ඉතා කඩිනමින් පරික්ෂණයක් සිදුකර අදාළ කැබිනට් අමාත්‍යවරයා කවුද කියා රටට හෙළි කළ යුතුව ඇති බවත් අමාත්‍යවරයා සඳහන් කළේය.
 
කැබිනට් අමාත්‍යවරයකුගේ ගිණුමකට විදේශ රටකින් රුපියල් ලක්ෂ 1500ක මුදලක් බැර වී ඇතැයි කියන සිද්දිය සම්බන්ධයෙන්  මාධ්‍ය කළ විමසීමකදී අමාත්‍යවරයා මේ බව පැවැසීය. ඇමැතිවරයා එසේ කීවේ ආපදා කළමනාකරණ අමාත්‍යාංශයේ අද පැවැති මාධ්‍ය හමුවකදීය.


මෙවැනි කරුණු වාර්ථා කිරීමේදී මාධ්‍ය මගින් නිසි පුද්ගලයාට ඇඟිල්ල දිගු නොකිරීමෙන්  තව බොහෝ දෙනෙකු අමාරුවේ වැටෙන බවත් මේ නිසා   මාධ්‍ය ඉතා වගකීමෙන් කටයුතු කළ යුතු බවත් දුමින්ද දිසානායක මහතා වැඩිදුරටත් පැවැසීය.