ඇමෙරිකා එක්සත් ජනපද ජනාධිපති ඩොනල්ඩ් ට්රම්ප්ගේ ජනතාව කුපිත කරවන ෆේස්බුක් සටහන් ඉවත් නොකිරීමට ෆේස්බුක් සමාගමේ නිර්මාතෘ මාර්ක් සකර්බර්ග් තීරණය කිරීමත් සමඟ එම සමාගමේ සේවකයන් අතිබහුතරයක් සිය රාජකාරිවලින් ඉවත් වී ඇත.
ජනාධිපති ඩොනල්ඩ් ට්රම්ප්ගේ ෆේස්බුක් සටහන් ඉවත් නොකරන බවත් එය හොඳින් විමසා ගත් තීරණයක් බවත් ෆේස්බුක් සමාගමේ නිර්මාතෘ මෙන්ම එම සමාගමේ ප්රධාන විධායක නිලධාරී මාර්ක් සකර්බර්ග් පැවැසීය.
සිය සේවකයන් සමඟ පැවැති ප්රශ්නෝත්තර වැඩසටහනකදී මාර්ක් සකර්බර්ග් ඒ බව පැවැසීය. විඩියෝ තාක්ෂණය ඔස්සේ එම වැඩසටහන පැවැත්විණි.
මෙවැනි අර්බුදයක් ට්විටර් සමාජ ජාලය සම්බන්ධයෙන් ද පැන නැඟුණු අතර ඒ අවස්ථාවේදී ජනාධිපති ට්රම්ප්ගේ එක් ටිව්ටර් පණිවුඩයක් ඉවත් කිරීමට ට්විටර් සමාජ ජාලය පියවර ගත්තේය. ට්විටර් සමාජ ජාලය ලෝක නායකයකුගේ මෙන්ම ප්රසිද්ධ පුද්ගලයකුගේ ට්විටර් පණිවුඩයක් ඉවත් කළ පළමු අවස්ථාව එය බව ද විදෙස් මාධ්ය වාර්තා කර තිබිණි.
‘‘තමන් මේ තීරණය ගත්තේ හොඳින් විමසා බලා. අපි ජනාධිපති ට්රම්ප්ගේ ෆේස්බුක් සටහන් ඉවත් කරන්නේ නැහැ.’’ යැයි මාර්ක් සකර්බර්ග් කීය.
ෆේස්බුක් සමාගමේ සේවකයන් සියල්ලම පාහේ එහි ප්රධාන විධායක නිලධාරියාගේ තීරණයට සිය විරෝධය පළ කර ඇති අතර තවත් සේවකයන් පිරිසක් ෆේස්බුක් සමාගමෙන් ඉල්ලා අස් වී ඇත.
ඇමෙරිකානු ජනාධිපතිවරයාගේ ක්රියාකලාපය සම්බන්ධයෙන් තමන් සතුටු නොවන බව ද මාර්ක් සකර්බර්ග් එහිදි සිය සේවකයන්ට පවසා ඇත.
පසුගිය කාලය පුරා ෆේස්බුක් සමාගම ඇතුළු සමාජ මාධ්යවල හැසිරීම සම්බන්ධයෙන් විශාල පිරිසකගෙන් ඒවාට චෝදනා එල්ල වී තිබිණි. ජනතාව කුපිත කරවන, ප්රචණ්ඩත්වය, වර්ගවාදය සහ ජාතිවාදය පතුරන සටහන් හා පණිවුඩ ඉවත් කිරීමට එම සමාජ මාධ්ය ජාල පියවර නොගන්නා බවට අතිවිශාල පිරිසකගෙන් එම සමාගම්වලට චෝදනා එල්ල විණි.
ශ්රී ලංකාවේ ඇති වූ ඇතැම් ගැටුම්කාරී අවස්ථා සම්බන්ධයෙන් පියවර ගැනීමට ද ෆේස්බුක් සමාගම අපොහොසත් වූ අතර ෆේස්බුක් සමාගම මෑතකදී ඒ සම්බන්ධයෙන් සමාව අයැද සිටියේය.
ඇමෙරිකානු ජනාධිපතිවරයාගේ සමාජ මාධ්ය භාවිතය සම්බන්ධයෙන් ද ලොවපුරා දේශපාලනඥයන්, විචාරකයන්, මාධ්යවේදීන් සහ ඒවායේ පරිශීලකයන්ගෙන් ද ඔහුට දැඩි විවේචනයක් හා විරෝධයක් එල්ල වී ඇත.
‘‘හොරකම් කරන්න පටන් ගත්තාම වෙඩි තියන්නත් පටන් ගන්නවා’’ යනුවෙන් ෆේස්බුක් සටහනක් තබා තිබිණි.
055
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ෆේස්බුක් සේවකයෝ ට්රම්ප්ට සකර්බර්ග් විරෝධය පාති
Prabha Wednesday, 03 June 2020 04:33 PM
ලොක්කා පිස්සු වැටිලා වගේ ඉන්නේ ...
chandima Wednesday, 03 June 2020 05:44 PM
මෙයා ට්රම්ප්ගේ බෑනාගේ මාමගේ පුතා වෙන්න ඇති....
Mr. Don Thursday, 04 June 2020 02:02 AM
විරුද්ධත්වය අනුමත කරමු.
Dhammika Thursday, 04 June 2020 11:47 AM
‘හොරකම් කරන්න පටන් ගත්තාම වෙඩි තියන්නත් පටන් ගන්නවා" කියන්න පුළුවන් කොන්දක් තියන නායකයින්ට පමණයි. සකර්බර්ග් ඇතුළු හිලරිගේ සුරතලුන් හැමෝටම ඕන වෙලා තියෙන්නේ එළඹෙන ජනපතිවරණයෙන් ට්රම්ප්ව පරාජයකරන්න. මේ පසුබිම සකසන්නේ එ්කටයි..
Asanka Saturday, 06 June 2020 07:46 AM
ධම්මික හරියට හරි , ඔය ප්රධාන ජනමාධ්ය සේරම වැඩකරන්නේ හිලරිගේ බලයට සහ රොකෆිල්ඩ් ලගේ සල්ලි වලට. අප දැක්ක ස්වාධින මාධ්යවේදීන් පෙන්වනවා පොලිසියේ අයම කලහකාරයෝ වගේ ඇඳගෙන පොලිස් ට්රක් එකකින්ම ගඩොල් ගොඩක් බාන හැටි පොලිසියට සහ සාමාන්ය මිනිසුන්ගේ ව්යාපාර වලට පහරදෙන්න. බොරු නම් අන්තර්ජාලයේ හොයා බලන්න. ඔය ගල් ගහන වෙඩි තියන ඇන්ටිෆා කල්ලිය හිලරිගේ මිනිස්සු. එය එක්පොස් කරලා තිබ්බ එක මාධ්ය වෙදියෙක් , ට්රම්ප් මේ බව දන්නා නිසා තමයි වෙඩි තියන බව කියන්නේ