(ක්රිෂාන් ජීවක ජයරුක්)
රුහුණු විශ්ව විද්යාලයේ පළමු වසරේ අධ්යාපනය හැදෑරීමට පැමිණි 26 හැවිරිදි නවක හිමි නමකට එහි භික්ෂු නේවාසිකාගාරය තුළදී සිවුර ගලවා නිරුවත් කොට අමානුෂික ලෙස නවක වධය ලබා දීම සම්බන්ධයෙන් සැක පිට අත්අඩංගුවට ගත් එම විශ්ව විද්යාලයේ ඡ්යෙෂ්ඨ ශිෂ්ය භික්ෂූන් 5 නමක් ලබන 30 වැනිදා තෙක් රිමාන්ඩ් භාරයේ තබන ලෙස මාතර මහේස්ත්රාත් පවිත්රා සංජීවනී පතිරණ මහත්මිය අද (19) නියෝග කළාය.
එසේ රිමාන්ඩ් භාරයට පත් කෙරුණේ එම විශ්ව විද්යාලයේ දෙවන වසරේ ඉගෙනුම ලබන මාතර සියඹලාගොඩ ධම්මික, හික්කඩුවේ ඇටම්පිටියේ ධම්මරක්ඛිත , බඩල්කුඹුරේ ලුණුගල ජනපදයේ පඤ්ඤාසාර , බණ්ඩාරවෙල හටන්ගල අමිත හා බලංගොඩ දෙනගම සෝභිත යන හිමිවරුන්ය.
වැඩි ආරක්ෂාව වෙනුවෙන් නවක සිසුන් පිළිගැනීමේ කාල සීමාව පසුකොට අදාල හිමිනම ඉකුත් 09 වැනිදා රුහුණු විශ්ව විද්යාලයේ මානව ශාස්ත්ර හා සමාජ විද්යා පීඨයට ඇතුළත්වී තිබෙන බවද එදින රාත්රීයේදී මෙම නවක වධ සිද්ධියට භාජනය වී තිබෙන බවද පොලීසිය පැවසීය.
භික්ෂු නේවාසිකාගාරයේ නාන කාමරය තුලදී සැකකාර හිමිවරුන් පැමිණිලිකාර හිමියන් නිරුවත් කොට නවක වධය ලබා දී තිබෙන බව පොලීසිය අධිකරණය හමුවේ කරුණු දක්වමින් කියා සිටියේය.
කෙසේ වෙතත් පැමිණිලිකාර හිමියන්ට වෛද්ය පරීක්ෂණයකට පෙනී සිටීම සඳහා පොලීසිය මාතර මහ රෝහල වෙත ඇතුලත්වන ලෙසට උපදෙස් ලබා දී තිබුණද උන්වහන්සේ නැවත සරසවි අධ්යාපනයට නොයන බව පවසා වැඩවසන විහාරස්ථානය වෙත නික්ම ගොස් තිබේ.
මාතර මූලස්ථාන පොලීසියේ අපරාධ විමර්ශන ඒකකය මේ පිලිබඳව වැඩිදුර පරීක්ෂණ සිදුකරයි.
විදුලි සේවකයන් විසිහතරදහසම නඩු දැම්මත් නව විදුලිබල පනත හකුලා නොගන්නා බවත් වැඩි පිරිසක් අධිකරණයට යෑමෙන් වඩාත් හොඳ පනතක් නිර්මාණය කිරීමේ හැකියාව ලැබෙ
දෙවුන්දර මුහුදු තීරයේදී නාවික හමුදාව මගින් අත්අඩංගුවට ගත් රුපියල් කෝටි 380 කට අධික වටිනාකමින් යුත් මත්ද්රව්ය තොගය රජයේ රස පරීක්ෂකවරයා වෙත යොමු කිරී
ගම්පහ දිස්ත්රික්කයේ ප්රදේශ රැසකට ලබන 24 වැනිදා පැය 12 ක කාලයක් ජල සැපයුම අත්හිටුවන බව ජල සම්පාදන හා ජලාපවාහන මණ්ඩලය පවසයි.
ආපදා කළමනාකරණ මධ්යස්ථානය දිවයිනේ වෙරළබඩ ප්රදේශ ආවරණය වන පරිදි දිස්ත්රික්ක දාහතරක කෝටි 13 කට වැඩි වියදමකින් ස්ථාපනය කෙරුණු සුනාමි සහ සුළි සුළං සඳහ
බ්රසීලයේ රියෝ ඩි ජෙනෙයිරෝ බැංකුවට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට ඇමෙරිකානු ඩොලර් 3250 ක (ශ්රී ලංකා රුපියල් ලක්ෂ 10 කට ආ
විශ්ව විද්යාලවල නවක වදය අඩුකිරීම සඳහා වෙසක් සමයේදී මෛත්රී මාසය යන තේමාව යටතේ නවකවද විරෝධී වැඩසටහනක් ආරම්භ කිරීමට උසස් අධ්යාපන අමාත්යාංශය තීරණය ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිමි නමකට නවක වධය දුන් ශිෂ්ය භික්ෂූන් 5 නමක් රිමාන්ඩ්
Keppetipola Thursday, 19 July 2018 02:20 PM
භික්ෂුන්ට ඉගෙනීම් කටයුතු කිරීමට කැප ස්ථානය තමයි පිරිවෙන. නායක හාමුදුරුවරු දැන්වත් මේවාට තදින් පියවර ගත යුතයි
ලුම්බිණිFriday, 20 July 2018 01:08 AM
මම හිතනවා මේ කතාව හරි කියල. එදා බණ්ඩාරනායක මහතා භික්ෂුන්ට විශ්ව විද්යාල වලට ඇතුලත් වීම ඉඩ දීම තුලින් සිදු උනේ බලාපොරොත්තු උන දේ නොවෙයි. පිරිවෙන් වලට පහසු කම් දී බුදු දහම ගැන ඉගැන්වීමයි කල යුතු.
AbaranFriday, 20 July 2018 06:16 AM
මට හිතෙනවා කොතලාවල මහතා කියපු කතාව හරි කියලා....
ජගත් ලියනගේ Thursday, 19 July 2018 04:48 PM
බුදුරජාණන් වහන්සේ විසින් දේශනා කරන ලද බණ දහමට කරපු විශාල නිග්රහයක් ඔය කරලා තියෙන්නෙ .
vidya Thursday, 19 July 2018 08:26 PM
මතු බුදු වන රේරුකානේ චන්දවිමල ශාතෘ වරයාණන් වහන්සේ කතාවක කියල තිබුන විද්යෝදය (ජපුර ) , විද්යාලංකාර (කැලණිය ) විශ්වවිද්යාල පිහිටවීමේ ප්රදාන පරමාර්ථය වුයේ ධර්ම ධර විනය ධර භික්ෂුන් වහනේසේලා බිහිකිරීමටය.අද මොකද වෙලා තියෙන්නේ විශ්ව විද්යාල කලාට පස්සේ මේ චීවර ධාරියෝ සතුන් මුර්ගයන් වගේ හැසිරෙනවා.
ධම්මික හිමි Friday, 20 July 2018 02:51 AM
මම.කැළනිය සරසවියෙ ඉද්දි ජ්යෙෂ්ඨ භික්ෂූන් දුන් නවක වදය නිසා සුව කළ නොහැකි ස්නායු ආබාධයකට ලක්වුනා. මට එතකොට වයස 22යි. මෙහි සඳහන් කළ නොහැකි අන්දමේ අපචාරවලටත් මාව ලක් කළා.
NimalFriday, 20 July 2018 05:43 AM
ඔබවහන්සේ සද්ද නැතුව ඉන්නේ නැතුව මානව හිමිකම් ආයතනයේ පැමිණිල්ලක් දාන්න. නොමිලේ නීති සහය ලැබෙනවා. මගේ රැකියා ආයතනයෙන් සිදුවූ මානව හිමිකම් කඩකිරිමකට විරුද්දව මම ඔවුන්ගේ සහය ලබාගත්ත මගේ නඩුව දිනුම්. අයුක්තියේදී නිහඬව ඉන්න එපා
Anton Austria Friday, 20 July 2018 08:27 AM
සදාචාර, අති පූජනීය, සුද්දවත් මෙය බෞද්ධ රටකි. කෝ එහෙම කියන අය? මෙහෙම කියාගන්න රටේම මිනිස්සු විකාරෙන් වගේ... මම බැන්නේ බුදු හාමුදුරුවන්ට නොවේ අපේ සිංහල මිනිසුන්ටයි. යුරෝපයට එන්න කවදාවත් කියන්නේ නැහැ. මේක කතෝලික කියා අපි හැමෝම මිනිස්සු කියලයි කියන්නේ.... එ්කයි වෙනස..