ශිෂ්‍යත්ව ගුරුවරුන්ට තෑගි දෙන්න ගිහින් වැඩ වරදී

(පුෂ්පකුමාර ජයරත්න)

මෙවර පහ වසර ශිෂ්‍යත්ව විභාගයට පෙනී සිටින සිසුන්ගේ පන්ති බාර ගුරුවරුන්ට ත්‍යාග ලබාදීම සඳහා මුදල් එකතු කළ බවට චෝදනා එල්ල වී තිබෙන කුරුණෑගල නගරයට ආසන්න විදුහලක විදුහල්පතිවරයාට සහ පහ වසර ගුරුවරුන් පිරිසකට එරෙහිව දැඩි ක්‍රියාමාර්ග ගැනීමට වයඹ පළාත් අධ්‍යාපන අමාත්‍යංශය තීරණය කර තිබේ.

දෙමාපියන්ගෙන් එකතු කරන ලද මුදල්වලින් එම ගුරුවරුන්ට වටිනා ත්‍යාග සහ මුදල් ලබාදීමට නියමිතව තිබූ අතර ඒ ගැන දෙමාපියන් පිරිසක් විසින් වයඹ පළාත් අධ්‍යාපන අමාත්‍ය සන්ධ්‍ය කුමාර රාජපක්ෂ මහතාට සහ වයඹ පළාත් අධ්‍යාපන අමාත්‍යංශයේ ලේකම් කුමාරි වීරසේකර මහත්මියට පැමිණිලි කරනු ලැබීමෙන් අනතුරුව ඒ ගැන පරීක්ෂණ ආරම්භ කර තිබේ.

වහාම මෙම ක්‍රියාව නවතා එකතු කරගත් මුදල් ආපසු දෙමාපියන්ට බෙදා දෙන ලෙස එහිදි විදුහල්පතිවරයාට තරයේ උපදෙස් ලබාදී තිබිණි.

නමුත් එම උපදෙස් කිසිවක් ගණනකට නොගෙන අද (03) අදාළ ත්‍යාග ගුරුවරුන් වෙත පිරිනැමීමට කටයුතු කර තිබෙන බවට නැවත වරක් ලද පැමිණිල්ලකට අනුව තමන් විදුහල්පතිවරයාට නැවත තරයේ අවවාද කළ බව වයඹ පළාත් අධ්‍යාපන අමාත්‍යංශයේ ලේකම් කුමාරි වීරසේකර මහත්මිය පැවසුවාය.

මේ ආකාරයට මුදල් එකතු කර ත්‍යාග ලබාදීමට යාම අල්ලසක් ගැනීමේ නීතිවිරෝධී ක්‍රියාවක් ලෙස සැලකෙන බැවින් යම් හෙයකින් එම ත්‍යාග ලබාදුනහොත් අදාළ විදුහල්පතිවරයාට සහ එම ගුරුවරුන්ට එරෙහිව විනය ක්‍රියාමාර්ග ගැනීමටත් ඊට අමතරව අල්ලස් කොමිසමට පැමිණිලි කිරීමටත් පියවර ගන්නා බව ඒ මහත්මිය කීවාය.

අදහස් (6)

ශිෂ්‍යත්ව ගුරුවරුන්ට තෑගි දෙන්න ගිහින් වැඩ වරදී

aravinda Thursday, 03 August 2017 03:38 PM

මේ අයුරින් ගුරුවරුන්ට තෑගි දීම නැවත්වීම ඉතාමත් හොඳ දෙයක්. මෙය ලංකාවේ අනිකුත් ප්‍රමුඛ පාසල් වලත් සිදුවෙනවාද යැයි සොයා බැලිය යුතුයි.

: 110 339

නුමා Thursday, 03 August 2017 11:02 PM

ශිෂ්‍යත්ව පංතිය කෙසේ වෙතත් කොට්ටාව ධර්මපාල විද්‍යාලයේ ප්‍රාථමික පංති වල සියළු දෙනා සිංහල අවුරුද්දට තෑගි දීම අනිවාර්‍යය වී තිබුණා. තවද, නොයෙකුත් ව්‍යාපෘති ඉදිරියට දමමින් මුදල් එකතු කිරීම නම් ජයටම සිදුවේ.

: 0 38

chandra weerasinghe Thursday, 03 August 2017 11:30 PM

නිදහස් අධ්‍යාපනයට වින කරන්නේ මේ විනයක් නැති ගුරුවරුන් !! මෙවැනි ගුරුවරුන් කෙරෙහි සිසු සිසුවියනගේ පිළිකුල එල්ල වෙනවා !! චන්ද්‍ර

: 0 20

ලෙස්ලි හර්බට් විජේසිංහ Friday, 04 August 2017 02:13 AM

තෑගි මුදල් බෙදා දෙනවා නොවෙයි. බලෙන් වගේ ගන්නවා. ශිෂ්‍යත්ව විභාගය නොවෙයි... අනිත් පන්ති වලත් ඕක වෙනවා. තෑගි දෙන ළමයින්ට සැලකිලි... අනිත් ළමයින්ට කෙණහිලි...

: 0 24

Ananda Friday, 04 August 2017 06:35 AM

දැන් ලංකාවේ සමහරක් ගුරුවරු, ගුරුවරු නෙමෙයි.... පාසල් දරුවන්ගෙන්, දෙමව්පියන්ගෙන්, උදුරන් කන, ගසාකන පිරිසක් වෙලා. හරියට රටේ දේශපාලකයෝ වගේ.

: 0 15

Hafeel Friday, 04 August 2017 07:42 AM

දැන් රටේ තෑගි බෝග දෙන එක වැඩිවෙලා වගේ. සමහර අයට ආච්චිලා, ව්‍යාපාරිකයන් ගෙවල් තෑගි දෙනවා. සමහරුන්ට ලැබිච්ච තෑගි ගැනත් දන්නේ නැහැ හෝ මතක නැහැ.

: 0 14

ඔබේ අදහස් එවන්න

එසැණ පුවත්

ශ්‍රිලනීප නායකත්වය ගන්න යන කෙනෙක්ට සුසිල්ගෙන් ටොක්කක්

2024 අප්‍රේල් මස 25 456 0

ශ්‍රී ලංකා නිදහස් පක්ෂයේ නායකයෝ වෙන්න දඟලන අය ජීවතේට අත ලකුණින් තරඟ කර නැතැයි අධ්‍යාපන අමාත්‍ය සුසිල් ප්‍රේමජයන්ත මහතා පාර්ලිමේන්තුවේදී පැවසීය.

රට පුරා සන්නද්ධ හමුදා කැඳවයි

2024 අප්‍රේල් මස 25 847 1

රටේ ආරක්ෂාව සඳහා සන්නද්ධ හමුදා කැඳවීම සඳහා විශේෂ ආඥාවක් ජනාධිපතිවරයා විසින් නිකුත් කරනු ලැබ ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට

රිය අනතුරින් තරුණයා මරුට

2024 අප්‍රේල් මස 25 721 2

මදුරන්කුලිය නගරයේ සිට පයින් යමින් සිටි තරුණයකු කොළඹ සිට පුත්තලම දෙසට ධාවනය කරමින් තිබු වෑන් රථයක ගැටිමේන් බරපතල තුවාල ලබා කොළඹ ජාතික රෝහලට ඇතුළත්කිර

දඹුල්ල නගරයට අලි ඇවිත්

2024 අප්‍රේල් මස 25 990 0

දඹුල්ල නගරයට අහම්බෙන් පැමිණි වන අලි තිදෙනකු නිසා දඹුල්ල නගරය අවට නිවාසවල පදිංචි ජනයා මෙන්ම නගරයට පැමිණි පිරිස්ද නොසන්සුන් වූහ.

විල්ගමුව පොලීසියේ ගිනි අවිය ඉස්සූ සැකකරු මාට්ටු

2024 අප්‍රේල් මස 25 771 0

මාතලේ විල්ගමුව පොලිසියේ ආරක්ෂක නිලධාරියා භාරයේ තිබූ ටී පනස් අය ගිනි අවිය සොයාගත් බවට සැකපිට හිටපු යුද හමුදා සෙබළෙක් විල්ගමුව පොලිසිය විසින් අරලගන්වි

අද කාලගුණය

2024 අප්‍රේල් මස 25 108 0

බස්නාහිර, සබරගමුව, මධ්‍යම,වයඹ සහ දකුණු පළාත්වල ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්‍යා දෙපාර්තමේන්තුව කියයි.