(ඒ.එෆ්.පී/රොයිටර් ඇසුරිනි - 055)
රුසියාවේ විපක්ෂ නායක ඇලෙක්සි නවාල්නි මහතා පොලිස් අත්අඩංගුවට පත්ව තිබේ. රුසියාවේ අගනුවර සංවිධානය කර තිබූ දූෂණ විරෝධී විරෝධතාවලදී විපක්ෂ නායකයා එලෙස අත්අඩංගුවට පත්ව ඇත. විරෝධතාකරුවන් අගමැති දිමිත්රි මෙද්වදෙව් මහතාට දූෂණ චෝදනා එල්ල කරන අතර ඔහු අගමැතිධුරයෙන් ඉවත් විය යුතු යැයි ද ප්රකාශ කරති. රුසියාව පුරා දූෂණ විරෝධී විරෝධතා පැවැත්වෙන අතර රට පුරා පැවැති විරෝධතාවලදී 500කට වැඩි පිරිසක් අත්අඩංගුවට පත්ව තිබේ.
බොහෝ විරෝධතා නිල අවසරයකින් තොරව සංවිධානය කර තිබී ඇතැයි ද විරෝධතාවලදී රුසියානු ජනාධිපතිවරයාට චෝදනා එල්ල කර ඇතැයි ද ඒ.එෆ්.පී සහ රොයිටර් ඇතුළු විදෙස් පුවත් සේවා වාර්තා කර තිබිණි.
“පුටින් නොමැති රුසියාවක්. පුටින් හොරෙක්” යනුවෙන් විරෝධතාකරුවෝ කෑ ගැසූ බව ද විදෙස් මාධ්ය වාර්තා කළේය. මෙවර උද්ඝෝෂණ 2011 සහ 2012 වසරෙන් පසු පැවැති විශාලතම ආණ්ඩු විරෝධී උද්ඝෝෂණ යැයි ද වාර්තා විය.
මධ්යම මොස්කව් නුවර පැවැති විරෝධතා රැළියකදී විපක්ෂ නායක ඇලෙක්සි නවාල්නි මහතා අත්අඩංගුවට පත්විය. විරෝධතාකරුවෝ විපක්ෂ නායකවරයා අත්අඩංගුවට පත්වීම වැළැක්වීමට උත්සහ ගත්තද එය ව්යර්ථ විය. විරෝධතා අඛණ්ඩව පවත්වාගෙන යන්නැයි අත්අඩංගුවට පත්වීමෙන් පසු ට්විටර් පණිවිඩයක් යොමු කරමින් විපක්ෂ නායකවරයා සඳහන් කළ බව ද විදෙස් වාර්තාවල දැක්විණි.
‘මිත්රවරුනි මම හොඳින්, මා නිදහස් කරගන්න වෙහෙස වෙන්න එපා. දිගටම දූෂණයට විරුද්ධව සටන් කරන්න’ යනුවෙන් රුසියාවේ ප්රධාන විපක්ෂයේ නායකයා සඳහන් කර තිබේ. රුසියානු පොලිසිය විපක්ෂ නායකවරයාගේ කාර්යාල කඩාවැදී ඔහුගේ කාර්ය මණ්ඩලයත් විරෝධතා සජීවීව විකාශය කරමින් තිබූ උපාංගත් අත්අඩංගුවට ගෙන ඇතැයි ද වාර්තා විය.
ශාන්ත පීටර්ස්බර්ග්, ව්ලැදිවොස්ටොක්, නොවෝසිබර්ස්ක්, ටොම්ස්ක් ඇතුළු නගර රැසක විරෝධතා පැවැති අතර එහිදි සිය ගණනක් අත්අඩංගුවට පත්ව තිබේ. රුසියාව පුරා සාමකාමී විරෝධතාවල නිරත සිය ගණනක් පිරිස් අත්අඩංගුවට පත්වීම සම්බන්ධයෙන් ඇමෙරිකා එක්සත් ජනපදය ද සිය අප්රසාදය පළ කර තිබේ.
සමගි ජන බලවේග ආණ්ඩුවක් යටතේ පාස්කු ප්රහාර පරීක්ෂණ ගෙඩිය පිටින් ජාත්යන්තරයට ලබාදීමට සූදානම් නැතැයි විපක්ෂයේ ප්රධාන සංවිධායක ලක්ෂ්මන් කිරිඇල්ල ම
මත්පැන් නිෂ්පාදකයින්ගෙන් අයවිය යුතු හිඟ බදු මුදල් ලබන ජූනි 30 වැනිදා වන විට අයකර ගැනීමට කටයුතු කරන්න ලෙස ක්රම හා විධි පිළිබඳ කාරක සභාව ශ්රී ලංකා සුරා
විදුලි බල පනත් කෙටුම්පත විදුලි බල හා බල ශක්තිය අමාත්ය කංචන විජේසේකර මහතා පාර්ලිමේන්තුවට මීට ස්වල්ප වේලාවකට පෙර ඉදිරිපත් කළේය
හිටපු විපක්ෂ නායක ත්රිකුණාමල දිස්ත්රික් මන්ත්රී ආර්. සම්බන්ධන් මහතාට මාස තුනක කාලයක නිවාඩුවක් ලබාදීමට පාර්ලිමේන්තුව අද අවසර ලබා දුන්නේය.
ශ්රී ලංකාවේ පළමු ස්ට්රොබෙරි වගා ආදර්ශ ගම්මානය නුවරඑළියේ ස්ථාපිත කිරීමට ගොවිජන සංවර්ධන දෙපාර්තමේන්තුව කටයුතු යොදා තිබේ.
ශ්රී ලංකා නිදහස් පක්ෂයේ නායකයෝ වෙන්න දඟලන අය ජීවතේට අත ලකුණින් තරඟ කර නැතැයි අධ්යාපන අමාත්ය සුසිල් ප්රේමජයන්ත මහතා පාර්ලිමේන්තුවේදී පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රුසියාවේ විපක්ෂ නායක පොලිස් අත්අඩංගුවට
prasanna Monday, 27 March 2017 03:49 PM
ඇමෙරිකාව අපේ රටට කරපු ටිකම රුසියාවටත් කරමින් පවතිනවා .... උන්ට හිතැති ගොන් රැලක් පත් කර ගන්න තමයි උත්සාහය..... අපේ රටේ වගේ, තණකොළ කන මිනිස්සු ඒ රටෙත් ඇති..... හොරෙක් වුනත් රටට හිතැති නම් , මහා ජාතියට හිමි තැන දෙනවා නම් , නායකකමට සුදුසුයි... ඒ මන්දයත් හොරු නොවන දේශපාලකයන් මෙලොව නොවසන බැවින්.... ඔක්කොම හොරු, නමුත් රටට, ජාතියට, මහජනතාවට අගතියක් නොකරන හොර තොර ගැනීම පමණයි අපට කරන්න පුළුවන්....
thilinaTuesday, 28 March 2017 05:24 AM
තිත්ත වුනත් මේක තමය් සත්ය..හොරු නොවන දේශපාලකයෝ කොහෙවත් නෑ..ඔවුන්ගෙන් රටට වන හානිය අවම කෙනා තමයි තෝරා ගන්න වෙන්නේ..අපේ මෝඩයන්ට නොතේරෙන්නෙත් ඕකම තමයි..
akilaWednesday, 29 March 2017 04:52 AM
වැරදියි, දියුණු දේශපාලන සංස්කෘතියක් තියෙන රටවල යහපත් දේශපාලකයින්, හොරු නොවන දේශපාලකයෝ, ඕනෑතරම් ඉන්නවා.
Vipula Wednesday, 29 March 2017 06:51 AM
අකිල හරි, අපේ මිනිස්සු තාම චන්දෙ දෙන්නේ පක්ෂ වලට, නැතුව අපේක්ෂකයන්ගේ ප්රතිපත්ති වලට නෙවෙය් , එහෙම කරලා හොරකම සදාරනිකරණය කරන්න හදනව, මේ රටේ දේසපලකයෝ හොරකම් කරපු සල්ලි එකතු කරනම් මේ රටේ ඔක්කොම නය ගෙවන්න පුළුවන්, හොඳම උදාහරණය චන්දෙන් ත්රී වීල් හයර් කරන කෙනෙක් කොළඹට පත්වීම ගන්න පුළුවන්, කොහොම උනත් බුදුරජාණන් වහන්සේ දේශනා කරලා තියෙන්නේ, "යමෙක් ජනතාවගේ දේපල සොරකම් කරය්ද ඔහු නායකත්වයට සුදුසු නැත."
gahalaya Monday, 27 March 2017 09:11 PM
මේ තණකොල කන එකෙක්
cyril Tuesday, 28 March 2017 04:22 AM
රටක්, ජාතියක්, ආගමක් නැතිව සල්ලි වලට කඹුරන සක්කිලි හැම රටේම ඉන්නවා
siri Tuesday, 28 March 2017 07:29 AM
මොකද මේ අපේ එක්කෙනා අාපු ගමන් වුන ඇබැද්දිය?
Daya Rohitha Tuesday, 28 March 2017 07:51 AM
ප්රසන්න සමග එකඟ වෙමි. කළ හැක්කේ හොරෙක් වුවත් රටට හා ජාතියට ආදරේ කරන හොරෙක් සොයා ගැනීමය .
sporty Tuesday, 28 March 2017 03:03 PM
විහිළුවක්
akila Wednesday, 29 March 2017 04:35 AM
රටකට ආදර්ශමත් නායකයෙක් තොරාගැනීමට ජනතාවට නොහැකි වීමෙන් පේන්නේ එම රටේ තිබෙන නොවිසුඳුනු සමාජීය ගැටළුයි හා ඉන් ඇතිවෙන පීඩනයෙන් පෙළෙන සමාජීය මට්ටමයි, කොටින්ම කිව්වොත් ඉන් පෙන්නේ රටක ඇති නොහැකියාවයි
vipula Wednesday, 29 March 2017 06:56 AM
දෙවැනි පින්තුරේ දැක්කම නම් මටත් හිතනවා රුස්සියාවේ පොලිසියේ හිටියනම් කියල හා ද ?, හොඳින් බලන්න ඒ නිලධරීන් ගේ අස් දිහා