මහජන පැමිණිලිවලින් සියයට 86 ක් විමර්ශනය කර අවසන් කිරීම ඇතුළු කාර්යයන් රැසක් නිමකර තිබියදීත් කොමිෂන් සභාවට පැවරී ඇති කාර්යය කොතෙක් දුරට ඉටුකර ඇත්දැයි යන්න පිළිබඳව තක්සේරුවක් නොමැතිව මත ප්රකාශ කිරීම බෙහෙවින් හානිකර යැයි ජාතික පොලිස් කොමිෂන් සභාව නිවේදනයක් නිකුත් කරමින් කියා සිටී.
ජාතික පොලිස් කොමිසමේ ලේකම් සමන් දිසානායක මහතාගේ අත්සනින් මෙම නිවේදනය නිකුත් කර ඇත්තේ ජාතික පොලිස් කොමිසමේ ලේකම් සමන් දිසානායක මහතාගේ අත්සනින් මෙම නිවේදනය නිකුත් කර ඇත්තේපොලිස් කොමිසම මහලු නිවාසයක් ද?, පිහිටුවීමේ අරමුණු ඉටවී නෑ. යන සිරස්තලය යටතේ ඉකුත් 4 වැනිදා ලංකාදීප පුවත්පතෙහි පළවූ අමාත්ය විජයදාස රාජපක්ෂ මහතාගේ ප්රකාශයට පිළිතුරු වශයෙන් එම නිවේදනය නිකුත් කර තිබේ.
එම නිවේදනයේ මෙසේද සඳහන් වේ.
ජාතික පොලිස් කොමිෂන් සභාව මහලු මඩමක් බවට පත්ව ඇති බවටත් ඉන් බලාපොරොත්තු වූ සේවය ඉටු නොවන බවට උසස් අධ්යාපන සහ සංස්කෘතික ඇමැති ආචාර්ය විජයදාස රාජපක්ෂ මහතා ප්රකාශකර තිබුණි. ආණ්ඩුක්රම ව්යවස්ථාවේ 155 වගන්තිය යටතේ පොලිස් නිලධාරීන්, පත් කිරීම, මාරු කිරීම, උසස් කිරීම, විනය පාලනය සහ පොලිස් නිලධාරීන්ට එරෙහි මහජන පැමිණිලි විභාග කිරීම යන නිශ්චිත කාර්යය කොමිෂන් සභාවට පැවැරී ඇත. මෙම කාර්යයට අදාළව පසුගිය වසර තුන තුළ රැස්වීම් 155ක් පවත්වා 5000කට අධික තීරණ සංඛ්යාවක් ගෙන ඇත. මේ සෑම තීරණයක්ම කොමිෂන් සභාවේ 7 දෙනා එකට රැස්වී සාකච්ඡා කර ගනු ලැබූ ඒවාය.
පොලිසිය සඳහා ආචාර ධර්ම පද්ධතියක්, ස්ථාන මාරු ප්රතිපත්තියක්, ස්ථානාධිපතිවරුන්ගේ කාර්ය සාධනය ඇගයීම් ක්රමවේදයක්, කාන්තා නියෝජනය ඉහළ නැංවීම සඳහා ක්රමවේදයක් හඳුන්වා දී ඇත. පූර්ව කාලයෙහි හිඟ හිට තිබූ 2500ක් ඇතුළුව පොලිස් අභියාචනා 4415ක් නිමකර ඇත. ප්රමාදව තිබූ කනිෂ්ඨ පොලිස් නිලධාරීන්ගේ උසස්වීම් විශාල සංඛ්යාවක් ලබාදී ඇත. මේ කාලය තුළ ලැබුණු මහජන පැමිණිලි 4805න් 86%ක් විමර්ශනය නිමකර ඇත. වසර තුන තුළ කරන ලද සේවය අඩංගු ප්රකාශනයක් ද එළි දක්වා ඇත. කොමිෂන් සභාවට පැවැරී ඇති කාර්යය කෙතෙක් දුරට කර ඇද්දැයි කරුණු මත පදනම්ව තක්සේරුවක් නොමැතිව මත ප්රකාශ කිරීම බෙහෙවින් හානිකරය.
කොමිෂන් සභාවෙන් අපේක්ෂිත කාර්යය ඉටු කිරීමට සාමාජිකයන්ගේ වයස කිසිසේත් බලපාන්නේ නැත. ඇත්තෙන්ම වයස හා පළපුරුද්ද නිසා ගනු ලබන තීරණ නිවැරැදි, විෂය මූලික හා අපක්ෂපාතී වීමට ඉඩකඩ වැඩිය. තවද පක්ෂ දේශපාලනය ඉක්මවා ජාතික තලයේ රටේ මූලික නීතිය අනුව පත්වූ ව්යවස්ථාදායක සභාව මෙම පත් කිරීම් කර ඇත. ගරු ඇමැතිවරයාද එවකට එහි සිටි සාමාජිකයෙකි. එබැවින් එකී මණ්ඩලයේ තීරණ අභියෝගයට ලක්වීමක්ද මෙම ප්රකාශයෙන් සිදුවේ.
ඉන්දියානු ආධාර යටතේ ඉදිකෙරුණු තවත් ගම්මාන හතක් ලඟදීම ජනතා අයිතියට පත් කරන බව නාගරික සංවර්ධන හා නිවාස අමාත්ය ප්රසන්න රණතුංග මහතා පැවසීය. කොළඹ, රත්නපු
වතුකම්කරුවන්ගේ වැටුප ඉහල දැමීම පිළිබඳව රජය නිශ්චිත තීරණයක සිටින බව ජනාධිපති වෘත්තීය සමිති අධ්යක්ෂ ජනරාල් සමන් රත්නප්රිය මහතා පැවසීය.
ශ්රී ලංකා නිදහස් පක්ෂයේ වැඩ බලන සභාපති , වැඩ බලන ප්රධාන ලේකම් ලෙස පසුගිය 21 වෙනි දින තේරී පත් වූ අමාත්ය විජයදාස රාජපක්ෂ මහතාට හා සාරථි දුෂ්මන්ත මහත්ව
කොරියාවේ රැකියා ලබා දෙන බව පවසා ලක්ෂ 30 ක පමණ මුදලක් වංචා කළා යැයි චෝදනා එල්ල වී තිබෙන දමිතා අබේරත්න සහ ඇයගේ සැමියාවන ලෙන්ලි ජොන්සන් එක් අයෙකුට රුපියල් ල
ඉරානය සමඟ මීටත් වඩා කිට්ටු සම්බන්ධතා ඇති කරගෙන ඉදිරියට යන බව ජනාධිපති රනිල් වික්රමසිංහ මහතා උමා ඔය ව්යාපෘතිය විවෘත කිරීමේ අවස්ථාවට සහභාගී වෙමින් ප
පාස්කු ප්රහාරයේ ඇත්ත නැත්ත හෙළිදරව් කර ගැනීම සඳහා සමගි ජන බලවේග රජයක් යටතේ විශේෂ විමර්ශන කොමිෂන් සභාවක් ස්ථාපිත කරන බව විපක්ෂ නායක සජිත් ප්රේමදාස ම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පොලිස් කොමිසමේ සේවය ඉටුකරන්න වයස බලපාන්නේ නෑ
සෙනෙවි Wednesday, 10 October 2018 05:31 AM
විජේදාසත් සාපෙක්ෂව මහල්ලෙක් නේ. අනුන්ගෙ වැරදි හොයන්නෙ ඔහු කරපු කෙං ගෙඩියක් තියෙනවද ?
Sapumal. Wednesday, 10 October 2018 08:16 AM
පොලිස් කොමිසම වෙත දැන්වීමට විශේෂ දෙයක් තිබෙනවා.දිවයිනේ සමහර ප්රදේශවල සංචාරක පොලිස් ඒකක ගල්,වැලි ආදී ප්රවාහනය කරන ව්යාපාරිකයන්ගෙන් මාසිකව මුදල් ලබා ගැනීම ඉතාමත් සුක්ෂම අයුරින් සිදුවෙයි.කණ්ඩායම් එකතුව සංවිධානාත්මකව කිරීම නිසා මෙය ඇල්ලීම සුළුපටු ක්රියාවක් නොවේ.නමුත් සුක්ෂම අයුරින් ක්රියාකොට මෙය වලකා පොලිස් සේවයේ ගව්රවය ආරක්ෂා කිරීම පොලිස් කොමිසමේ වගකීමයි.අල්ලස් ගන්නේ නිලධාරීන්හට වැටුප් මදිකම නිසානම් වැටුප් වැඩිකිරීමද සාධාරණය.
Sapumal.Thursday, 11 October 2018 02:29 AM
රථවාහන පොලීසියේ සමහර දෙනාද සංවිධානයවී ගජරාමෙට අයුතු ආකාරයට වාහනකරුවන්ගෙන් මුදල් ගරනා බැවින් ඒවාටද වැට බැඳීම වහ වහා කලයුතු ක්රියාවකි.